Skip to main content
90

Dette jobopslag er udløbet

Isumaqatigiissutit pillugit isumalioqatigiissitaq allattoqarfimmi pisortassarsiorpoq

Kalaallit Nunaat tamakkerlugu isumaqatigiissutinut tunngasut aaqqissorneranut peqataarusuppit?

Isumaqatigiissutit ipillugit Isumalioqatigiissitaq 2020-mi upernaakkut pilersinneqassaaq, tassani isumaqatigiissusiornermut isumaqatigeeriaaseq pioreersoq aaqqissuunneqarnissaa pisariillisarnissaalu siunertaavoq. Isumalioqatigiissitap sulineranik ikorfartuisussamik isumalioqatigiissitamut allattoqarfimmik pilersitsisoqassaaq. Tassani suliffik pissanganartoq unamminartorlu ulluinnarni assigiinngissutaartunik suliamut tunngasunik avatangiiseqartumut suliallu pitsaassusaat qaffasissumiittoq neqeroorutigineqarpoq. Suliat tungaatigut inuttullu ineriartornissannut periarfissaqartorujussuussaatit, isumalioqatigiissitamilu namminermi avataanilu attavigisartakkanik qanimut suleqateqassallutit.

Isumaqatigiissutit pillugit isumalioqatigiissitami allattoqarfiup pisortaattut atorfimmut tunngasut
Allattoqarfiup pisortaattut allattoqarfiup ingerlanneqarneranut suliassat attuumassutillit sulisullu 2-3 akisussaaffigissavatit kiisalu avataaniit immikkut ilisimasallit suleqatigisassallugit. Isumalioqatigiissitap suliaanut ingerlatsisut akornaniissaatit isumalioqatigiissitallu siulittaasua siulittaasullu tullia qanimut suleqatigissallugit. Allattoqarfimi atorfeqarnermi ilaatigut isumalioqatigiissitami ataatsimiinnissanik pilersaarusiorneq aamma ataatsimiitsitsinerit, immikkut ilisimasallit attuumassuteqartut illup iluani avataanilu ataqatigiissaarnerannik ilaalu ilanngullugit suliassaassapput. Suliassat allaffissornermut tunngasuunerussapput, kisianni aamma inatsisitigut aningaasaqarnikkullu misissueqqissaarnernik kiisalu allattoqarfimmi sulisunik aqutsinermik ilaqassalluni.

Allattoqarfik Aningaasaqarnermut Naalakkersuisoqarfimmut atavoq suliassallu tungatigut isumalioqatigiissitap siulittaasuanut siulittaasuatalu tullianut nalunaartartussaallutit. Sulisoqarnermut tunngasunik Aningaasaqarnermut Naalakkersuisoqarfimmut nalunaartartuussaatit.

Allattoqarfik allattoqarfiup pisortaanik ataatsimik fuldmægtigillu ataaseq marlulluunniit sulisoqassaaq kiisalu ilinniartoqarsinnaanermik periarfissaqassaaq. Naatsorsuutigaarput illit nutaajullutit allattoqarfiup sulisussaasa sinnerinik atorfinitsitsiniarnermi ilaassasutit.

Allattoqarfimmi pisortap suliassai ilaatigut makkuupput:

  • Isumaqatigiissutit pillugit isumalioqatigiissitamut taassumalu ilaasortaannut kiffartuussineq
  • Aqutsineq, ataqatigiissaarineq allattoqarfiullu suliaasa pitsaassusaannik qulakkeerinninneq
  • Isumaqatigiissusiornermut tunngasunik suliaqartut soqutigisaqartullu allat suleqatiginerini ataqatigiissaarineq
  • Piffissaq qaninnerusoq ungasinnerusorlu eqqarsaatigalugit siunnerfilinnik pilersaarusiortarneq
  • Aningaasaqarnermik akisussaaffeqarneq kiisalu sulisunik aqutsineq allattoqarfiullu sulisui allat isumasiortarneri


Kissaatigaarput allattoqarfiup pisortaattut:

  • Suliamut attuumassutilimmik ilinniagaqqortuutut tunuliaquteqassasutit minnerpaamillu ukiuni tallimani atorfimmik assingusumik misilittagaqassasutit.
  • Kalaallit Nunaanni pisortat isumaqatigiissutaanik massakkut atuuttunik ilisimasaqarfigissagitit
  • Oqaatsitigut allattariarsiornikkullu ingerlatitseqqillaqqissuussasutit
  • Suliniutinik ingerlatitsillaqqissuussasutit
  • Allattoqarfiup suliassi assigiinngisitaartut akornanni ulluinnarni ad hocimi suliassat salliussinnaavatit
  • Suliffimmi sulisut assigiinngisitaartut inissaqartissinnaassagitit
  • Kalaallisut qallunaatullu piginnaasaqartutit


Aqutsisutut misilittagaqarneq kattuffinnilu attuumassuteqartuni sulisitsisut sulisullu ilisimasaqarfigigukkit iluaqutaassaaq. Ilaqutaasinnaasutut aamma isigineqarsinnaavoq politikikkut aaqqissuussaanermiit toqqaannartumillu politikerinik sullissinermi misilittagaqaruit.

Pingaaruteqarpoq atorfimmut eqqortumik inuttassarsinissarput qinnuteqartullu piukkunnaatai piginnaasaalu ataatsimut isigissavagut.

Atorfiniffissaq
1. april 2020 imaluunniit isumaqatigiissuteqarnikkut.

Akissarsiat atorfeqartitaanermilu atugassarititaasut:
Atorfik akissaateqarfimmi LR 38-mi maanna inissisimavoq.

1. april 2019 LR 38-mi akissarsiat imak isumaqagitiissutigineqarnikuupput qaamammut  Kr. 55.153 ukiumullu Kr. 661.841 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq. Atorfik utaqqiisaarutaavoq isumalioqatigiissitallu suliai naammassippat atorunnaassaaq, naatsorsuutaavoq oktoberip 2021-ip tungaanut atuutissasoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Atorfik pillugu paasissutissat naalakkersuisoqarfimmi pisortaq Nikolai Steen Christensen saaffiginniffigalugu pissarsiarineqarsinnaapput oqarasuaat +299 346675, mail nsch@nanoq.gl imaluunniit Isumaqatiginninniartarfiup pisortaa Frederik Schmidt, oqarasuaat 346612, mail fsch@nanoq.gl

Qinnuteqartut misilitsinnissartik naatsorsuutigissavaat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk