Skip to main content
63

Dette jobopslag er udløbet

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik allaffimmiussarsiorpoq

Suliffeqarfimmi pissanganartumi suliffeqarnissannut kajungerisaqarpit, tapersersuisuullutillu ineriartortitsinermi inuussutissarsiornermi, nukissiuuteqarnermi, ilisimatusarnermi aamma suliffeqarnermut tunngasunik suliassaqarfimmi? Kiffartuussinermut sammisunik soqutigisaqarlutillu misilittagaqarpit, peqataaffigissalugulu suliffeqarfik akunnitsinni pitsaasumik pissuseqarfiusoq. Apeqqutit taakkua angersinnaagukkit, taava atorfik taanna ilinnut soqutiginarsimassaaq.
 
Atorfik pillugu
Atorfik pineqartoq Naalakkersuisoqarfiup Aningaasaqarnermut Nukissiuuteqarnermullu immikkoortortaqarfianiippoq, ilaatigut Naalakkersuisoqarfimmi immikkoortortaqarfiit akimorlugit ingerlatsinermut sulianik suliaqarfiusoq. 
 
Suleqatitaassatta ilaatigut suliassat makkua suliarisassavai:

  • Naatsorsuuserineq aamma naatsorsuusiorneq
  • Allaffissornikkut aqutsineq akiligassiissutinik akiligassiissusiortarnerlu.
  • Immikkoortortaqarfimmi suliassanik allanik suliaqartarnermi peqataaneq, assersuutigalugu atortussanik pisiniartarneq, pisisarfigisanut attaveqartarneq il.il.


Illit pillutit
Iluarissavarput illit allaffissornermut tunngasunik suliassanik misilittagaqareeruit.
 
Ilanngullugulu makkuninnga piginnaaneqarnissat kissaatigaarput:
 

  • Allaffissornermik ilinniarsimanissat
  • Aningaaqarnermut immikkoortortaqarfimmiit sulinermik misilittagaqareernissat
  • IT-mik sulianni sakkutut atuinermik sungiusimasaqarnerit
  • Inussiarnersuunerit, kiffartuussiumassuseqarnerit, minnerunngitsumillu takkuttarninni aalajaatsuunerit
  • Suliassanik assigiinngisitaartorujussuarnik suliaqarumasuunerit
  • Kalaallit aamma danskisut oqaaseqartuunerit


Ilinnut neqeroorutigaagut:

  • Suliffik avatangiisimigut inuttamigullu ingerlalluartoq
  • Suliassatigut inuttullu ineriartornissat
  • Suleqatit pikkorissut piumassuseqarluartullu


Iluaqutaassaaq Namminersorlutik Oqartussat IT-mi aamma aningaasaqarnermi qarasaasiaqarnikkut aaqqissuussineri ilisimasaqarfigereerukkit, kisiannili tamanna piumasaqaataanngilaq.

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik pillugu:

Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfik suliffiuvoq soqutiginartoq. Ullut suliffigisagut - ulluinnaat atukkagut - immitsinnut pitsaasumik kiinnersimaarfigisarpagut, inissaqartitsisoqarporlu uagut namminerisamik suliat naammassinissaannut sunniisinnaanissatsinnut. Naalakkersuisoqarfimmi sulisut 45-ut missaanniippugut, immikkoortoqartarfinni sisamani.

Tamatumalu saniatigut Naalakkersuisoqarfiup ataaniipput immikkoortut marluk, Atuisartoqarnermut Unammilleqatigiinnermullu Aqutsisoqarfik aammalu Nukissiorfiit.
Inuussutissarsiornermut, Nukissiuuteqarnermut, Ilisimatusarnermut Suliffeqarnermullu Naalakkersuisoqarfiup ingerlatsivimmi suliffissaq soqutiginartoq allanngorartunillu ingerlatsiviusoq neqeroorutigaa, piumassuseqarluartunik sulisoqartoq.

Atorfik pillugu annertunerusunik paasisaqarumagaanni immikkoortortaqarfimmi pisortaq Henrik Rud Jensen attavigineqarsinnaavoq oqarasuaatikkut 345610 imaluunniit mail: herj@nanoq.gl

Qinnuteqaat
Atorfimmut uunga qinnuteqarnissamut killiliussaavoq 28.02.2020. Oqaloqateqarnerit ingerlaavartumik pisassapput.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk