Skip to main content
142

Dette jobopslag er udløbet

Inuttassarsiuteqqitaq: Suliassanut pissanganartunut tamatigoortunullu immikkut siunnersortit/inatsisilerinermullu fuldmægtigit

Naalakkersuisoqarfimmi pissanganartorpassuarnik suliaqarfiusumi suleqatigiinnut misilittagaqarluartunut ilaanissamut soqutigisaqaruit, taava ilinnut pissanganartumik allanngorarfiusumilu atorfinitsissinnaavatsigit.
 
Isumaginninnermut Inatsisinillu Atuutsitsinermut Naalakkersuisoqarfik inatsisilerituunik sulisussarsiorpoq,  inatsisilerinermik immikkoortortaqarfimmut ataaseq Nakkutilliinermullu Ingerlatsivimmut ataaseq. Qinnuteqartunut uppernarsarneqarsinnaasunik piginnaasalinnut misilittagalinnullu immikkut siunnersortitut atorfinitsinneqarnissaq neqeroorutigineqarsinnaavoq.
 
Politikkikkut anguniakkat suliassaqarfimmut tunngasut naalakkersuisoqarfimmi piviusunngortinnissaat, aammalu pineqartunik nakkutilliinerit suliarisarpagut. Ilaatigut inatsisilerinernik suliaqartarpugut, matumani naalagaaffiup inatsisai Kalaallit Nunaannut attuuttut, nunat assigiinngitsut akornanni isumaqatigiissutit, periusissat, suliniutillu ilanngullugit. Aammattaaq pisortanit ikiorsiissutit pillugit inatsisit atuuttoq pillugu aaqqissuusseqqinnissamut suliniut annertooq aammalu taassuma pisortanit ikiorsiissutinut allanut sunniisarnera pillugu Naalakkersuisoqarfiup suliaq aallartisaleruttorpaa.
 
Inatsisilerinermik immikkoortortaqarfimmi atorfik pillugu:
 
Immikkoortortaqarfimmi pisortaq inatsisilerituut sisamat, AC-fuldmægtigilu ataaseq inatsisilerinermik Immikkoortortaqarfimmi maannakkut sulisuupput.
 
Isumaginninnermut suliassaqarfimmut tamarmiusut nalunaarutissatut inatsisissatullu siunnersuutinik piareersaasarnerit inatsisilerinermik immikkoortortaqarfiup suliarisarpai, aammalu naalagaaffimmi oqartussat suleqatigalugit ilaqutariinnermut suliassaqarfimmut inatsisinillu atuutsitsinernut suliassaqarfik pillugit inatsisiliortarnerit suliarisarlugit.     Taassuma saniatigut inatsisilerinermik immikkoortortaqarfiup suliassaasa ilai tassaapput politikerinik kiffartuussisarnerit aammalu politikerinit innuttaasunit, kommuninit allaniillu oqartussanit saaffiginnissutinik akisissuteqartarnerit.
 
Suliassat tamatigoortuupput aamma kulturikkut sulianullu tunngasut pillugit oqartussaasoqarfiit assigiinngitsunik suliallit akornanni suleqatiginnissinnaanernik piumasaqaatitaqarput, kiisalu nammineq sulianut tunngasunut nammineerluni akisussaaffimmik tigusisinnaasariaqarpoq.
 
Illit suliassatit:

  • Namminerisamik inatsisissanik piareersaanerni suliaqarnerit, matumani inatsisissatut siunnersuutinik nalunaarutinillu suliarinnittarneq ilanngullugit
  • Politikkikkut aqutsisut aalajangiussassaannut tunngavissat suliarineqarnerisa pitsaassusaannik qulakkeerinninneq kiisalu politikkikkut aalajangiussanik atuutilersitsineq
  • Inatsisit pillugit siunnersuineq
  • Ajornartorsiutit inatsisilerinermut tunngasut pillugit allakkianik suliarinninneq.

Nakkutilliinermik  ingerlatsivimmi atorfik pillugu:
 
Nakkutilliinermik ingerlatsivimmi pisortaq ataaseq, inatsisilerinermut siunnersorti ataaseq, isumaginninnermik suliat pillugit nakkutilliinermik siunnersortit pingasut sulisuupput. Inatsisilerinermi siunnersorti Nakkutilliinermut pisortamut sinniisuusassaaq.
 
Nakkutilliinermik Ingerlatsivik arlaannullu attuumassuteqarani Naalakkersuisoqarfimmi immikkoortortaqarfiuvoq, oqaloqatiginninneq nakkutiginninnerlu oqimaaqatigiissillugit nakkutilleeriaatsinik marloqiusaasunik ingerlatsisoq:

  • Nunatsinni kommunit isumaginninnerup iluani malittarisassanik aqutsinerinik nakkutilliisarnerit, matumani ingerlatsineq pillugu inatsisitigut malittarisassanik  atuisarnerit (immikkuullarissumik nakkutilliinerit).  
  • Isumaginninnermi ulloq unnuarlu paaqqinniffinnik perorsaaneq, ingerlatsineq aningaasaqarnerlu pillugit nakkutilliinerit

Illit suliassatit

  • Nakkutilliinissap piareersarneqarnera kalerriutigineqarneralu, aamma nakkutilliinermut atatillugu paasissutissanik katersineq
  • Kommunit ingerlatsiviinik Isumaginninnermilu ulloq unnuarlu paaqqinniffinnik tikeraartarneq
  • Nakkutilliinermut nalunaarusianik suliarinninneq, matumani nakkutilliinermut atatillugu qisuariarnerit allat aammalu peqqussutit pillugit siunnersuusiortarnerit ilanngullugit.

Atorfinnut taakkununnga marlunnut atuupput:
 
Ilinnut neqeroorutigisinnaavagut:

  • Suliffeqarfik nammineersinaassusermik aalajangiisinnaeassuseqarnermillu pingaartitsisoq.
  • Atorfik Naalakkersuisoqarfimmi pimoorussisunik pikkorissunillu suleqateqarfiusoq
  • Atorfik, sulisut ataasiakkaat piginnaaneqarfiinik ataqqinnillunilu ammaffiusoq.
  • Atorfik ulapaarfiusinnaasoq, kisiannili aammattaaq unammillernartulik pissanganartorlu.

Naatsorsuutigaarput

  • Cand. jur.-itut ilinniarsimasuussasutit  inatsisinillu ingerlatsinermut tunngasunik ilisimasaqarluassasutit
  • Inatsisit inatsisilerinerillu allat pillugit suliaqarnermik misilittagaqartutit, ajornanngippat isumaginninnermi- aamma pisortat pillugit inatsisilerinermi suliassaqarfiup iluani
  • Suliffeqarfimmi politikkikkut aqunneqarluni ingerlatsiviusumi sulinermik  misilittagaqarlutit
  • Allanngortitsinissamut piareersimassasutit suleqatikkuminartuullutillu, suleqatinnut suleqatigisanullu ammasuullutillu akuersaartuullutit, aammalu peqatigiilluni suliaqarnermik oqartussaasoqarfiillu assigiinngitsunik suliallit akornanni suleqatigiinnermik paasisimasaqartuusutit
  • Inersimasuusutit nammineersinnaassuseqartoq, akisussaaffimmillu tigusisinnaasoq nammineerlunilu suliaqarsinnaasoq
  • Naligiittumik akuersaartumillu attaveqallaqqissuusutit, inatsisilerituujunngitsunullu inatsisilerinermut tunngatillugu ajornartorsiutaajunnartunik paasiuminaatsunik nassuiaasillaqqissuusutit.
  • Aaqqissuussaasumik sulisinnaasutit aammalu suliassat piffissalerneqarsimasut pitsaassutillu pikkoriffigalugit.
  • Nunatsinni angalaqattaartarnissamut piareersimasutit, aammalu sapaatip akunnera ataaseq sinnerlugu peqanngissinnaasassallutit (Nakkutilliinermik ingerlatsivimmi atorfimmut atuuppoq).

Inuiaqatigiinnik kalaallinik oqaasiinillu ilisimasaqarneq iluaqutaassaqaaq, kisiannili piumasaqaataanngilaq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk