Skip to main content
112

Inuit Innarluutillit illersuisoqarfiat Tilioq A/C medarbejderimik suliniuteqarnermi, HR-ip iluanilu suliassanik ilisimasalimmik suleqatissarsiorpoq

Inuit Innarluutillit illersuisoqarfiat Tilioq A/C medarbejderimik allaffissornermi ilinniagaqarsimasumik, suliniuteqarnerup allaffissornerullu tungaatigut akisussaaffimmik tigusisinnaasumik suleqatissarsiorpoq, sullarissut nutaarsiullaqqissullu allaffeqarfianni peqataarusuttumik. 

Inuit Innarluutillit Illersuisoqarfiat Tilioq Sisimiuniittoq FN-ip innarluuteqarnermut isumaqatigiissutaa aallaavigalugu, inuit innarluutillit atugaannik sunniuteqarnissaq ineriartortitsinissarlu siunertaralugu A/C medarbejderimik sulilertussamik pissarsiorpoq. Inuit allat ikiorserlugit pingaarutilimmik sulinissat eqqarsaatigaajuk? Taava Tiliup allaffeqarfiani suleqatit peqatigalugit inuit innarluutillit atugaannik ineriartortitseqataallutillu sunniuteqaqataanissannut periarfissaqarputit
 
Atorfik pillugu
Immikkoortortaqarfitsinni pingasuulluta suleqatigiikkallarpugut, eqaatsumillu suleqatigiissinnaaneq pingaartinneqarluinnarpoq. Tiliormi ac-medarbejderitut Inuit Innarluutillit Illersuisuata allaffissornermi immikkoortortaqarfianiissaatit, annertunerusumik suleqataaffigissallugit suliniutit pioreersut pilersaarusiallu. Taakkua saniatigut allaffissornerit HR-mut attuumassuteqartut suliarisassallugit. Suliniuterpassuarnik aallussivugut, siunissamilu aamma suliniuterpassuarnik pilersaaruteqarluta, taamaammat ac-medarbejderimik ilinniarsimasumik suliassatigut akisussaasuusinnaasumik suleqatissarsiorpugut. Taakkua saniatigut Tilioq aalajangersimasunik suliaqartarportaaq soorlu, ukiumoortumik innarluutillit kattuffiinik soqutiginnittunillu ataatsimeeqateqarneq, paasisitsiniaalluni angalanissanik pilersaarusiorneq, tusarniaaneq, ukiumoortumik nalunaarusiorneq, allarpassuillu ac-medarbejderitut allaffeqarfimmi suleqataanikkut aallussassat. 
Allaffissornikkut suliassat naatsorsuuserisoq peqatigalugu ingerlanneqartartussat tassaapput aningaasarsiat tungaatigut siumoortumik missingersuusiorneq – missingersorsimasallu malittarineqarnerannik nakkutilliineq naatsorsueqqissaarinissamullu piareersaaneq. Taakkua saniatigut ASA-p Tiliullu suleqatigiinnerisa akornanni HR-tut attaveqartarnissat, isumaqatigiissutaasunik misissueqqissaartarnissat, akissarsialerinissat, sulinngiffeqarnissanik nalunaarusiortarnissat, sulinngiffeqarfiit, sulinermi piffissarititaasut, ullormusiat ass.   
Suliassat minnerulaat ilagaat inuit innarluutillit qanigisaallu siunnersortarnissaat ilitsersuuttarnissaallu. Allaffeqarfitsinni ikittuaraalluta suleqatigiippugut, taamaammat naatsorsuutigaarput suleqatigiinnerup tungaasigut, isumasiuinikkullu ammasuussasutit, suliassanillu aaqqiagiiniarnermi peqataallutit tunniussisinnaassasutit. Taamaammat Tiliormi AC-medarbejderitut suleqataaninni torersumik suleriuseqarlutit suliassat assigiinngisitaartut suliarisarnissaanut piareersimassaatit
Inuit Innarluutillit illersuisoqarfiat nutaarluinnaq Sisimiuni allaffeqarpoq. Isumaginninnermut Inatsisinillu Atuutsitsinermut Naalakkersuisoqarfiup ataani immikkut namminersortumik inissisimavugut. Tilioq inatsisit atuuttut malillugit suleriuseqarpoq. Uani Inuit Innarluutillit illersuisoqarfiata inatsisai atuarsinnaavatit: http://inatsisit.gl/Lov?rid=%7bFFE58690-9A67-40BC-A12D-76052F88F5D9%7d&sc_lang=kl-GL
A/C medarbejderimik ima piginnaasalimmik suleqatissarsiorpugut:

  • Oqaatsitigut kalaallisut, danskisut ajornanngippallu tuluttut piginnaanilimmik
  • Suliniuteqarnerup tungaasigut, fond-inut qinnuteqarnermut, allaffissornikkut, naatsorsuuserinermut, HR iluani suleriuutsinut ilisimasaqarnissat. 
  • Inuit pisinnaatitaaffiinit toqqammaveqarluni suleriuseqarsinnaanissat.
  • Atorfimmut attuumassutilimmik ilinniagaqarsimasuunissat, soorlu inunnik isumaginninnermi, inuiaqatigiilerinermi, allaffissornermi politikkimilu attuumassuteqarsinnaasunik misilittagaqarnissat. 
  • Piukkunnarpoq inuit innarluutillit pillugit ilisimasaqarnissat, inunnik innarluutilinnillu isumaginninnikkut, peqqinnissaqarfimmittaaq sullissinermi ilsimasaqarnissat. 
  • Namminersorsinnaanissat, pilersitsisinnaanissat, naleqqussarsinnaanissat,  akuliusimallutit suleqataasinnaanissat, sukkaannaq suleriuseqarsinnaanissat, qiimasuunissat suliamullu tunniusimanissat, eqeersimarlutit suliffimmut ataqqinnittuunissat.  
  • Allattariarsornikkut oqallorissaarsinnaanissat inatsisinillu tunngaveqarlutit suleriuseqarnikkut ingerlatitseqqiisinnaanissat, isumassarsianik suliniutinillu pilersitsisinnaanissat.  
  • Suliffeqarfimmi suleqatigiinnermik tunngaveqarfiusumi, eqimattakkaarnermilu akimorlugu suliniuteqartarnermi, inunnillu inissaqartitsiffiusumik sullissinermi akuliusimasinnaanissat.
  • Qarasaasialerinermi office pakkimut annertunerusumillu Excelimik atuisinnaanermut ilisimaqarnissat
  • Sulinermi piffissat nikerarsinnaanerannut naleqqussarsinnaanissat.


Immikkoortortaqarfitsinni inukitsunnguugatta ulapaartuullutalu, pingaartipparput inummik atorfimmut eqqortumik suleqatitaarnissarput, taamaammat qinnuteqaatip ataatsimut nalilersornerani piukkunnarnersiuinermi piginnaasat pisinnaasallu isiginiarneqassapput.    
Neqeroorutigaarput:

  • Suliffeqarfiup atorfiullu nutaap pissanganarlunilu allanngorartup periarfissaqartipaatit, ulluinnarni sulinikkut immersuiffigineratigut ineriartortinneqarneranullu annertuumik sunniuteqaqataaffiginissaanut.
  • Suliffeqarfik illit peqataanikkut allannguiiffigeqataasinnaasat. 
  • Suliffeqarfik sulianut tunngasunik avatangiisilik, suleqatinik pikkorissunik, unammillernartunik pilersitsisinnaasunillu periarfissalik, illillu unammilleeqataasinnaallutit. 
  • Suliffeqarfik inuit innarluutillit atugaanni angusassanik pilersitsiviusoq, sulianullu ineriartortitsinermi nalinginnaasumik kivitseqataanikkut ineriartortitseqataaffiusoq. 
  • Suliffimmi assigiinngissuseq naleqartinneqartoq avatangiisillu pingaartinneqartut. 


Annertunerusumik paasissutissat
Atorfik pillugu annertunerusumik paasisaqarusukkuit suliniuteqarnermi suleqataasartoq Anna Ida Hallgard Jonsson immaqaluunnit Innarluutillit Illersuisuat Christina Johnsen oqarasuaat +299 34 50 90 immaqaluunnit +299 55 19 50 sianerlutit imlt. E-mailimut; Annaida@tilioq.gl. paasiniaanissannut tikilluaqqusaavutit.  
Nittartakkatsinni suliatsinnut tunngatillugu annertunerusumik paasisaqarsinnaavutit: https://tilioq.gl/kl/
Namminersorlutik Oqartussat ataani sulerusukkuit annertunerusumillu paasisaqarusukkuit nittartagaq www.naalakkersuisut.gl ataani ”atorfiit” iserfigalugu paasisaqarnerusinnaavutit, annertunerusumillu Sisimiut pillugu paasisaqarusukkuit nittartagaq una: https://www.qeqqata.gl/Emner/Om_kommunen/Byer_bygder/Sisimiut?sc_lang=da iserfigalugu paasisaqarnerusinnaavutit.

Qinnuteqaat
Qinnuteqarfissaq piffissarititaasumi 25. oktober. 2019 tungaanut killeqarpoq.

Atorfik pillugu tulleriiaaraluni oqaloqatiginninnermi, nammineerluni ornigunnikkut imlt. Videokonference atorlugu oqaloqatiginninnikkut sapaatip akunnerani 44-mi ingerlanneqarnissaa naatsorsuutigineqarpoq. 
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sapaatip akunneranut 40 tiimit suliffigisussaatitaapput. Ulloq atorfiniffik: 1. 11 - 2019. Immaqaluunnit ulloq isumaqatigiiffimmi.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk