Skip to main content
115

Immikkoortumut immikkut ittumik suliniuteqarnermut, misissueqqissaarnernut nunanullu allanut suleqateqarnermut AC-fuldmægtig-imik/Immikkut ittunut siunnersortimik pissarsiorneq

Ilinniartitaanermut, Kultureqarnermut Ilageeqarnermullu Naalakkersuisoqarfik kisitsisinik takussutissaliornermik kiisalu imikkoortumut immikkut ittumik suliniuteqarnermik, periusissiornermik, misissueqqissaarnermik aamma ilinniartitaaneq pillugu nunanik allanik suleqateqarnermik ilisimasaqarluartumik sulisussamik pissarsiorpoq.

Atorfik pillugu:
Suleqatitaassarput Naalakkersuisoqarfiup immikkoortunut iliuusissanut sulisuinut ilanngutissaaq, atorfimmilu qitiusutut inissisimalissalluni siuariartornermik uuttuisarnermi, ilaatigut Nunatsinni ilinniartitaanermut tunngasutigut ineriartortitsinernik suliaqartassalluni. Immikkoortumut immikkut ittumik suliniuteqarnermut suleqataasutut peqataassaatit ilinniartitaanermi naalakkersuinikkut anguniakkat pingaarnerit suliarineranni isummernissamut pitsaasumik tunngaviliinermi. Tamanna pisassaaq ukiumoortumik Ilinniartitaanermut Pilersaarutinik suliaqarnermi aamma misissueqqissaarluni suliniuteqarnermi misissuinernilu annerni minnerusunilu.  2019-imi ukiakkut suleqatigiit ukiunut qulinut atuuttussamik ilinniartitaanermut periusissiamik suliaqalissapput, suleqatitaassallu pingaarnertut akisussaaffigissavaa taassuma ataqatigiissaarnissaa.

Ilinniartitaaneq Kalaallit Nunaata EU-llu peqatigiinnissamik isumaqatigiissuteqarneranni pineqarpoq, isumaqatigiissutillu aappassaata naanissaa qanillivoq. Immikkoortumut immikkut ittumik suliniuteqarnermi suleqatissarput peqatigiinnissamik isumaqatigiinnissamik piviusunngortitsinermi nalunaarusiortarnermilu qitiusumik inissisimassaaq, aammali peqatigiinnissamik 2021-mi atuutilertussamik isumaqatigiissusiornermi peqataasassaaq.

Atorfik soqutiginartunik suliassaqarfiuvoq ukunani immikkoortuni:

  • Nunami namminermi nunallu assigiinngitsut ilinniartitaanerup iluani suleqatigiinnermi ataqatigiissaarinermi peqataanissaq
  • Ilinniartitaanermi suliniutinik nalunaarsuinermi periusissanik aallaavissanik saqqummersitsineq, inerisaaneq aamma aserfallatsaaliineq
  • Ilinniartitaanermi kisitsisinik takussutissiornermi atugassamik databasemik pilersitsineq
  • Kisitsisinik takussutissiorneq nunap iluani nunallu allanik suleqateqarnermi atugassanik
  • Immikkoortumut immikkut ittumik nunatsinni ilinniartitaanermut pilersaarutinik aamma periusissianik suliarinnittarneq
  • Ukiumut marloriarluni EU-Kommissionilu ataatsimiinnernut peqataasarnissaq
  • Misissueqqissaarnernik annertunerusunik annikinnerusunillu suliarinnittarneq
  • Suleqatigiissitanut immikkoortumut immikkut ittumik suleqatigiit suliaannut piginnaasaannullu  naleqquttunut peqataasarneq

Immikkoortumut immikkut ittumik suleqatigiit annertuumik namminersornerummata suleqataasoq immersueqataanissamut periarfissaqarluarpoq.

Piffissap ilaani suleqatigiit nunatsinni nunanilu allani angalasariaqartarput.

Naatsorsuutigaarput:

  • Kisitsisinik takussutissanik suliaqarnermik (statistik), aningaasaqarnermik, allaffissornermik, naalagaaffiit pissusiinik ilisimasaqarnermik imaluunniit assigisaannik qaffasinnerusumik ilinniagaqarsimanissat
  • Kisitsisitigut misissueqqissaarnernik misilittagaqarlutillu soqutigisaqartuuvutit
  • Excel-imik atuinermut annertuumik misilittagaqartuuvutit aammattaarlu Stata-mik Access-imillu (imaluunniit assigisaannik)
  • Ilinniartitaanermut soqutigisaqarnissat aamma ilisimasaqarnissat
  • Siusinaartumik iliuuseqartarnissat aamma nutarsaasinnaassuseqarnissat
  • Piffissaq annikitsoq atorlugu paasissutissanik annertoorujussuarnik paasinnissinnaassuseqarputit aammalu tigusisussanut siammasissunut ingerlatitseqqillaqqissuuvutit
  • Suliassarpassuaqaraangat aammalu paasissutissat pineqartillugit tamakkiisumik isiginnissinnaasuussaatit, aammalu paasissutissarpassuit paasinartunngorlugit aalajangiinissamullu isummerfigisassat eqqortunngorlugit suliarisinnaagitit
  • Suleriaatsinik aaqqissuussinermik ilisimasaqartuussaatit
  • Piffissaliussat eqqortittassavatit
  • Suleqatigiinneq oqaloqatigiinnerlu pingaartitarissavatit
  • Sapinngisamik marluinnik oqaaseqartuunissaat kalaallisut/danskisut
  • Tuluttut qaffasissumik piginnaasaqartuussaatit


Suliffik pillugu:
Ilinniartitaanermut, Kultureqarnermut Ilageeqarnermullu Naalakkersuisoqarfik suliffeqarfiuvoq assigiinngitsunik suliaqarfiusoq sulinermilu avatangiisit persuarsiorfiunatillu ammasut, suleqatillu pimoorussillutillu isumaginnillutik sulisut. Sulisut 50-ingajaavugut suliatigut qaffasissumik pitsaassusilinnik suliaqarusuttut inooqatigiinnikkullu pitsaasumik avatangiiseqarnissamik pilersitserusuttut.

Paasissutissat allat:
Atorfik pillugu annertunerusumik paasissutissanik perusukkuit attavigiuk suleqatigiinni siuttuusoq, Astrid Maria Spring Öberg, asob@nanoq.gl, +299345693. Kalaallit Nunaanni Namminersorlutik Oqartussat pillugit paasissutissanik piniaruit, takuuk www.naalakkersuisut.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik immikkut ittumik siunnersortitut inissiffissamik periarfissalerlugu inissiffissalerlugu inuttassarsiorneqarpoq. Immikkut ittumik siunnersortitut inissiffissalerlugu neqeroorutigineqarsinnaavoq, qinnuteqartoq eqqortunik uppernarsarneqarsinnaasunik piginnaasaqarpat.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarnissamut piffissaliussaq
Atorfik pillugu piukkunnassuseqaruit, CV aamma pappialat pingaarutillit link ataani allassimasoq aqqutigalugu kingusinnerpaamik 25/8 2019. 

E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk