Skip to main content
112

Dette jobopslag er udløbet

ILLERNIT – Qeqertarsuaq – Isumaginninnermut siunnerortimik pissarsiorpoq

Ilaqutariinnik nakuusernermik nalaataqarsimasunik isumaginninnikkut sullissinissaq soqutigilluinnarpiuk aammalu sulinermi atassuteqarneq tunngavigalugu nersuerpaluttumik perorsaariaaseqarluni sulinissap pingaassusaa ilisimalluarpiuk? Aalajangersimasumik periaaseqarlutit aaqqissuulluakkamillu periuseqarlutit nakkutiginnillutit misissuisinnaavit allaaserinnissinnaallutillu kiisalu inunnik sullissinermi sullitat suut pisariaqartinneraat paasisimasaqarfigaagit? -  Taava immaqa arnanut qitornalinnut nakuuserfingitissimasunut nuna tamakkerlugu qimarnuik katsorsaaviutigisoq ILLERNIT, suliffigissallugu ilinnut pilerinarpoq.
Ulloq sulilerfissaq 1. oktober 2019 imaluunnit isumaqatigiissuteqarnikkut.

Illernit
ILLERNIT tassaavoq nuna tamakkerlugu qimarnuik katsorsaaviutigisoq 2014 – mi pilersinneqartoq Ilaqutariinnermut Inatsisinillu Atuutsitsinermut Naalakkersuisoqarfimmit aningaasalersugaq.  
Taanna arnanut meeralinnut tarnimikkut/timimikkullu nakuuserfingitissimasunut, illoqarfimminniillu qimagukkallarnissamik pisariaqartitsisunut, taamaammallu najukaminni qimarnuinniissinnaanngitsunut naatsorsuussaavoq.

ILLERNIT uiuleriiaanik 5-nik illuuteqarpoq, tassanilu ilaqutariit 4-it inissaqarput, illulu ataaseq allaffiullunilu, katsorsaaviuvoq.
Kiisalu illoqarfimmi inimik attartugaqarluni, Imeqqutaalaq ilaqutariinnut ingerlariaqqiittunut naatsorsuussalluni.
Najugaqartut katsorsarneqarnissaminnik neqeroorfigineqartarput, kiisalu siunersorneqartarlutik aqqutissiuunneqartarlutillu ilaqutariinnik sulliseriaaseq systemisk familiebehandling atorlugu.

ILLERNIT Qeqertarsuarmi inissisimavoq, Qeqertallip Kommunianilluni. Illoqarfik 850 miss. inoqarpoq, peqqissaaveqarluni, Pilersuisoq, alllakkeriveqarpoq, atuarfik, timersortarfik, ivingaaqqanik arsaattarfeqarluni, ataataarfimmi majorartaatissaq suliarineqarluni. Peqatigiiffiit assingiinngitsut, ukiukkut sumorsuaq qimussersinnaaneq kiisalu snescooterinik angalasinnaaneq, il. Ii.

Atorfik pillugu
Suliassatit ilaatigut makkuupput:

  • Kommunimi najugaqartup sagsbehandlleria attaveqarfingalugu.
  • Suliffeqarfinnut avammut saaffinginnittartuulluni.
  • UIlut tamakkiallugit ilaqutariit imminnut atassuteqarneri pissusilersornerilu nakkutigalugit malinnaaneq paasisanillu paasiniaaqqisaarneq.
  • Katsorsaanissamut pilersaarut suliarinera.
  • Illernit isumaginninnikkut suliniutaat tunngavigalugit katsorsaanermik ikorfartuineq.
  • Pisariaqartitsineq malillugu anaanamik meeqqamilluunniit ikorfartuineq.
  • Iluaqusersuutit, soorlu pinnguaatit iluaqutigalugit ilaqutariit imminnut pitsaasumik atassuteqarnissaannut ikorfartuineq.
  • Ilaqutariit pitsaasunik sammisaqarnissaannut ikiorfartuineq.
  • Nersuerpaluttumik isiginnittaaseqarluni anaanaasumik meeqqanillu oqaloqateqarneq.  
  • Ilaqutariinnik ataasiakkaanik ilagisanillu sullissinermi susassaqarfiit akimorlugit suleqataaneq.
  • Ilaqutariinnik tikittunik tikilluaqqusineq ilaqutariillu sammisaqarnerinut peqataaneq.

Piumasaqaatigut sakkortupput, suliffeqarfillu atuuffissaminut atorluassappat, eqaatsumik suleriaaseqarlutillu suliarnut atatillugu pisartut assiginngitsorpassuit aallaavigalugit naleqqussarsinnaanissat pisariaqarpoq. Aamma tamanna suliffeqarfiup iluani, katsorsaanermullu tunngatillugu atuuppoq.

Naatsorsuutigaarput:

  • Inunnik isumaginninermi siunnersortitut ilinniagaqarsimanissat.
  • Kalaallisut oqaaseqartuunissat.
  • Isumaginninnikkut tunngaveqarlutit ilaqutariinnik sullissisinnaanissat.
  • Ilaqutariit namminneq anguniakkatut toqqarsimasaat aallaavigalugu ilaqutariit sungiusarnerinut ikiuisinnaanissat.
  • Perorsaaneq siunertarallugu meeqqanut qatanngutaasunullu attaveqarnermik pilersitsisinnaaneq sullissisinnaanerlu.
  • Ulluinnarni ilaqutariinnut attaveqaataaneq.
  • Ilaqutariittut nakuusernermik nalaataqarsimanerup kingunerisartagaanik ilisimasaqarneq aammalu suliassaqarfimmut tamatumunnga soqutiginninneq.
  • Allaffimmi suliassanik suliaqarsinnaaneq.
  • Akerleriittoqartillugu kinguneqartussamik siunissamullu sammisumik sulinermi suleqataasinnaaneqi.
  • Allaffimmi illullu iluani suliassat pisariallit.

Isumaginninnermi suliaqarnermi inuit akunnerminni pissusilersortaasiat aamma / imaluunniit naalungiarsuunermi atukkat aallaavigalugit katsorsaariaaseq aallaavigalugu sulinermik ilisimasaqaruit tamanna iluaqutaassaaq, piumasaqaataananili.
Taakku saniatigut pingaartuuvoq, illumi suliassanut assigiinngitsunut suleqataasinnaanissat, assersuutigalugu sulinermi najoqqutassanik ineriartortitsineq allaffissornikkullu ingerlatassat suliassallu takkussortut suliarineqarnerini suleqataasarnissat.

Neqeroorutigaarput:

  • Suliffik pissanganartoq, nuna tamakkerlugu qimarnuijup katsorsaaviutigisup pilersinnerani peqataallunilu sunneeqataasinnaaneq
  • Ilaqutariit pitsaasumik ineriartornissaat siunertaralugu, katsorsaavimmik pilersitsinissamik suleqataanissaq
  • Piginnaasatigut inuttullu ineriartornissamut periarfissaq

Paasissutissat allat
Suliassanut tunngasut suliassallu pillugit annertunerusumik paasisaqarusullutit kissaatigigukku, tikilluaqquneqarputit attavigissallugu Forstanderi Stina Mølgaard oqa. (+299) 92 19 19  e-mail-ikkulluunniitt: stim@nanoq.gl imaluunniit illernit@nanoq.gl.
Kalaallit Nunaannut paasisaqarfigerusukkukkit nittartakkakkut www.nanoq.gl, atorfiit ataani atuarsinnaavatit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk