Skip to main content
112

Ilinniartitsisumik pikkorissartitsinerni ataqatigiissaarinermik suliaqartussaq

Kalaallat Nunaanni perorsaanermik ilinniarfik Ilinniartitsisumik pikkorissartitsinerni ataqatigiissaarinermik suliaqartussamik pissarsiorpoq
 
Unamminiagassanut nutaanut sapiissuseqarpit killingusaarlu nutaaq piareersimaffigaajuk, taava PI/SPS-imi Perorsaanermik Ilinniarfimmi Ilulissaniittumi ilinniartitsisutut pikkorissartitsinermilu ataqatigiissaarisutut atorfik soqutiginartoq inuttassarsiorneqarpoq. PI/SPS Kalaallit Nunaanni perorsaanermik seminariatuaavoq, nunarsuarmi kangerluit iigartartullit annersaat kusanarnerpaallu, nunarsuup kingornutaatut erligisassatut UNESCO-mit ilanngunneqarsimasup, qanittuani inissisimaffeqartoq.

Seminaria 350 missaanik ilinniartoqarpoq ilinniartitaanernut assigiinngitsunut tallimanut agguataarsimasut: isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, najugaq qimannagu perorsaasunngorniarneq kiisalu ulluunerani meeqqanik sullissinermi ikiortinngorniarneq. 48-nik sulisoqarpugut taakkunannga 22 missaat ilinniartitsisuullutik.

PI/SPS nuna tamakkerlugu suliassaqarfii pingaarutillit makkuupput:

  • Perorsaasunngornianik, socialassistentinngornianik isumaginninnermilu ikiortinngornianik ilinniartitsineq
  • Perorsaanermik suliassaqarfik tamakkerlugu pikkorissarnernik ilinniagaqaqqinnernillu isumaginninneq
  • Najukkami pisariaqartitsineq malillugu ulluunerani neqeroorutini ikiortitut ilinniartitaaneq isumagissallugu
  • Perorsaanermik suliassaqarfimmi – suliatigut ilinniartitaanernullu tunngasutigut - ineriartortitsineq isumassarsiornerlu 

Ilinniartitsisumik pikkorissartitsinermi ataqatigiissaarisutut suliaqartussamik kissaateqarpugut. Pikkorissartitsinerit amerlanerusut ingerlanneqartarnissaat kissaatigaarput PI/SPS-imilu ilinniartitsisoqatigiinnut ilaalissaatit Seminariap Kalaallit Nunaanni isumaginninnermi suliassaqarfiup iluani allanngueqataanissamut anguniagaanut atasumik pikkorissartitsinerit ineriartortitseqataaffiginissaannut periarfissaqassallutit.

Ilinniartitsisumik pikkorissartitsinermi ataqatigiissaarinermik suliaqartartussamik pissarsiorpugut, ilinniartitaanerni arlalinni ilinniartitsisinnaasumik PI/SPS-illu suliassaqarfiini pikkorissartitsinerit ineriartortinneqarnerannik suliaqartussamik pissarsiorluta. Pikkorissartitsinerit nuna tamakkerlugu ingerlanneqartarput perorsaanermilu suliassaqarfiup iluani pikkorissartitsinikkut neqerooruteqartartuni siuuttunngornissaq anguniarlutigu.

Ilinniartitsisutut pikkorissartitsinermilu ataqatigiissaarisutut ilinniartitaanerni pikkorissartitsinernilu seminariap ingerlataani ilinniartitsisassaatit, pikkorissartitsinermi ilinniartitaanermilu aqutsisoq suleqatigalugu pikkorissartitsinermi neqeroorutigineqartartut nukittorsassallugit. Nuna tamakkerlugu suliassaqarfimmik qanimut attaveqarnissat naatsorsuutigineqarpoq, taamatullu suliffimmi misiliisunut siunnersortitut pikkorissartitsinernik neqerooruteqarnermut tunngatillugu kiisalu immaqa suliffimmi misiliisunut ataqatigiissaarisutut suliassaq perorsaasunngorniat eqqarsaatigalugit aamma suliassaqarfigilersinnaallugu.

Perorsaanermik suliassaqarfimmik ilisimasaqarlutik qinnuteqartut salliutinniarpagut.

Pikkorissartitsinernut ataqatigiissaarisup suliassarai:

  • Pikkorissartitsinernik nutaanik neqeroorutit ineriartortitsineq, matumani imaanut, ingerlanneqarnerannut sinaakkutit ilinniartitseriaatsinillu isumaliutit ilanngullugit.
  • Pikkorissartitsisut suliatigut siunnersioqatigisassallugit
  • Pikkorissaasassalluni imaluunniit ilinniartitaanerni pisariaqartitsineq naapertorlugu sivikinnerusumik ilinniartitsisuusassalluni.
  • PI/SPS-imi pikkorissarnermut immikkoortortaqarfiup tunngaviusumillu ilinniartitaanerit suleqatigiinnerannik nukittorsaassalluni.
  • Pikkorissartitsinerit ataqatigiissassallugit, pilersaarusiussallugit nalilersortassallugillu.
  • Pikkorissartitsinerit ingerlanneqarnissaannut aningaasassarsiortassalluni
  • Ujartuilluni sulisassalluni pikkorissartitsinernillu ujartorneqartunik suliaqartassalluni.
  • Pikkorissartitsinermut allattoqarfik, oqalutsi pikkorissartitsinermullu aqutsisoq siunnerfilimmik oqaloqatigisassallugit.
  • Allaffissornikkut suliassat isumagisassallugit 

Pikkorissartitsinermut ataqatigiissaarisoq eqaatsoq ineriartortitsinissamut isumaliuteqarsinnaasoq perorsaanermilu suliassaqarfiup iluani kajumissuseqarnerata saniatigut suleqatitut pitsaasoq suleqatikkuminartorlu pissarsiarerusupparput, avatangiisiminut suliassaminullu ajunngitsumik isummertaaseqartoq.

Qinnuteqartuni ilinniakkamik atuilluarsinnaaneq piginnaasallu makku pingaartinneqarput: 

  • Perorsaasutut ilinniagaqarputit attuumassutilimmik ilinniagaqaqqissimasoq immaqa masteritut imaluunniit kandidatitut.
  • Inuussutissarsiutini ulluunerani aamma ulloq unnuarlu paaqqinnittarfiit suliassaqarfiini misilittagaqarputit perorsaasutut atorfinni suliassat ilisimasaqarfigalugit imaluunniit perorsaanermut attuumassutilimmik uppernarsaatitalimmik misilittagaqarlutit aamma isumaginninnermi / inuiaqatigiilerinermi suliassaqarfiup iluani.
  • Pikkorissartitsinernik ingerlatsinermik misilittagaqarputit.
  • Ilinniartitsinermik misilittagaqarputit.
  • Suliassarpaaluit namminersorlutit suleqateqarlutillu aaqqissuullugit ataqatigiissarlugit ataatsikkut naammassineqarnissaannut ingerlassinnaavatit.
  • Kalaallit Nunaannit misilittagaqarlutillu ilisimasaqarputit kulturillu allat aallaavigalugit sulinissat ammaffigalugu.
  • Pikkorissartitsinernut ataqatigiissaarisutut kalaallit oqaasiinik piginnaaneqarneq iluaqutaassaaq.  

Paasissutissat sukumiinerusut Rektorimit Nuka Kleemann, oqarasuaat +299 38 35 50-ikkut, mail: nuka@pi.sps.gl -ikkut imaluunniit Ilinniarnermi pikkorissartitsinernilu aqutsisoq Ketty Avbæk Larsen oqarasuaat +299 38 35 50-ikkut imaluunniit mail: ketty@pi.sps.gl-ikkut pissarsiarineqarsinnaapput.

Seminaria pillugu www.pi.sps.gl–imi

Atorfik 1. januar 2020 imaluunniit piaarnerpaamik inuttalerneqarnissaa kissaatigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk