Skip to main content
116

Dette jobopslag er udløbet

Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisumut allatsi

Naalakkersuisumut allatsitut atorfik piaartumik inuttalerneqarnissaminut piareerpoq isumaqatigiissuteqarnikkulluunniit. 

Ilinniartitaanermut, Kultureqarnermut Ilageeqarnermullu Naalakkersuisoq nutaamik allatsissarsiorpoq. Ilinniartitaanermut, Kultureqarnermut Ilageeqarnermullu Naalakkersuisumut allatsitut naalakkersuisoqarfiit marluk qanittumik suleqatigilissavatit, taakkununnga ilaallutik angalasarnissat. Pissanganarpasippat, taava immaqa atorfik ilinnut piukkunnarpoq?  

Allatsip suliassai Naalakkersuisoq naalakkersuisoqarfiulluunniit pisortaa suleqatigalugit erseqqinnerusumik aalajangersarsinnaavai, ilaatigullu makku suliassanut ilaapput:

  • Naalakkersuisumik pitsaanerpaamik sullinneqarnissaq kiffartuussinissarlu qulakkiissallugu.
  • Naalakkersuisoqarfiit iluini avataannilu ataatsimiinnernut, aaqqissuussinernullu Naalakkersuisumut ingiaqataaneq.
  • Suliassanut immikkoortortaqarfinni suliassatigut ataqatigiissaarisarnertigut, saaffiginnissuteqartarnertigut akissuteqarnernilu suliassanik isumaginnittarnernik piumasaqaateqarpoq.
  • Tusagassiuutitigut nalunaarutinik assigisaannillu, allakkanik oqalugiaatinillu suliarinnittarnernut ataqatigiissaarisarneq.
  • Naalakkersuisup ataatsimiinnerinik, aaqqissuussisarnerinut atorfimmi suliassaqarluni angalasarnerinik malitsitsisarneq pilersaarusiortarnerlu.
  • Naalakkersuisup ullorsiutaanik aqutsisarneq piareersaasarnerlu
  • Allatsip Naalakkersuisumut suliassanik suliaqartinnani Naalakkersuisoqarfiup suliassaanik allanik suliarinneqataanissamut ilaassalluni piareersimaffigissavaa.

Pisinnaasat

  • Sulianut attuumassutilimmik ilinniagaqarsimaneq, ajornanngippat backelor-itut imaluunniit kandidatitut qaffasitsigisumik.
  • Aaqqissuussillaqqinneq, salliutitsisarneq takussutissaqalersitsisinnaanernik piginnaasaqarfeqarneq.
  • Pitsaalluinnartumik suleqatigiisitsisinnaanermik piginnaasaqarneq.
  • Annertuunik suliaqarsinnaassuseqarneq eqqissisimasumillu tarneqarneq piffinni ulapaarfiungaartuni eqqissisimasumik sulilluarsinnaasoq.
  • Oqaatitigut allattagarsornikkullu attaveqallaqqissuusoq.
  • Kalaallit Nunaanni pissutsinik ilisimasaqarluarneq.
  • Allatatigut oqalunnikuullu tuluttut, danskisut kalaallisullu piginnaasaqarneq.
  • Sungiussiasuuneq piuminartuuneq, aammalu nalinginnaasumik sulinerup avataani sulinissamut piareersimanissaq angalasarnissarlu akuersaarsinnaassallugit.
  • Naalakkersuisoqarfiit suliassaannik pingaarnernik politikkiinnillu ilisimasaqarluaruit iluaqutaassaqaaq.

Aningaasarsiat atorfeqartitaanermilu atugassarititaasut.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inissiaq:
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnini aqqutigalugu sulisutut ineqareersimaguni sulisunut inissiamik innersuussiffigineqarsinnaanini attatiinnassavaa. Atorfimmut atatillugu ini atorfeqarnermut tunngavoq atorfeqarnerullu taamaatinneqarnerani qimanneqassalluni.
 
Paasissutissanik allanik perusukkaanni attavissaq:
Atorfiup imarisai pillugit paasissutissat sukumiinerusut piniarneqarsinnaapput naalakkersuisoqarfiup pisortaani Lone Nukaaraq Møller oqarasuaatikkut. +299 345620 lnm@nanoq.gl imaluunniit Aqutsinermut Allattoqarfiup pisortaa Adolfine Christensen oqarasuaatikkut. +299 345711 (adch@nanoq.gl).


Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk