Skip to main content
112

Dette jobopslag er udløbet

Ilinniartitaanermut, Kultureqarnermut Ilageeqarnermullu Naalakkersuisoqarfimmut inuusuttut ilinniagaqarnerinut tungaatigut AC-fuldmægtiginik pissarsiorput

Ulloq atorfiniffissaq tassaavoq 1. november isumaqatigiissuteqarnikkulluunniit.
Nunatsinni inuusuttunut ilinniarnertuunngorniarfinnik pitsaanerusunik pilersitseqataarusuppit?

Inuussutissarsiutitigut ilinniartitaanerit (EUD), ilinniarnertuunngorniarfimmillu (GUX) ineriartortitsinerit pingaartinneqaqaat, taamaasiornikkut inuusuttunut tamanut ilinniarfissanik pitsaanerpaanik periarfissaqarnissamik pilersitsisoqarniassammat taamaasilluni namminersortut pikkorissunik sulisoqalernissaat qulakkeerneqarniassammat. Taamaattumik Ilinniartitaanermut, Kultureqarnermut Ilageeqarnermullu Naalakkersuisoqarfik ilinniarnertuunngorniarfinnut inuussutissarsiutinullu ilinniarfiinut nutaanik marlunnik suleqatissanik pissarsiorpoq, tamakkununngalu tunngassuteqartuni angusarineqartartunik nukittorsaasinnaasumik peqataasussat.

Suleqatigiinnitsinni ileqqoqarpugut kikkut tamarmik aaqqissuussaanermut nutaanik eqqarsaatinik suliassanillu naammassinnittarnermut ilanngussuisinnaatillugit. Ammasuuguit, suleqatigiissinnaanermik ilisimasaqarluarlutit ilinniartitaanermullu tunngasunik soqutigisaqarluarlutit, taava illiusimassagunarpoq suleqatissarput nutaaq. Atorfinni marluusni taakkunani inuussutissarsiutinut ilinniartitaanernut tunngasuni ineriartortitsinermik, nalilersuisarnermik sulianillu suliarinnittarnermik suliaqassaatit.

Inuttut pisinnaasatit
Marlunnik AC-fuldmægtigissarsiorpugut, suliamut tunngatillugu soqutiginnittunik suleqatigiinnut suleqatigiilluinnartunut ilanngunnissamut piumassuseqarlutillu piginnaaneqarluartunik, ineriartortitsinernik qaffasissunik pingaartitsisut. Peqatigitillugu pissarsiariniarpagut suliamut tunngatillugu isumannaatsumik sulinissaminnut tulluusimaarutiginnittut aaqqissuussamillu suliassaminnut pulasinnaasut. Suliassat siammasissuupput allaffissornermiit ingerlatsinermut naalakkersuinikkullu kiffartuussisarnernik ineriartortitsisarnerit.
 
Kissaatigaarput, illit:

  • Naleqquttunik ingerlaqqiffiusumik ilinniagaqarsimasutit
  • Atorfimmit tassunga assingusumit imaluunniit ilinniartitaanermut suliassaqarfimmi atorfimmit misilittagaqassasutit.
  • Aningaasaqarnermik- naatsorsueqqissaarisarnernik suliaqartarnermik ilisimasaqarluartutit
  • paasisimasaqarluartuusutit ulapaarfimmilu sulisinnaassuseqartutit
  • inuiaqatigiinnut tunngasunik ilisimasaqarluartutit
  • ajornanngippat kalaallisut, nunani avannarlermiutit oqaasiinik tuluttullu oqaatsitigut pitsaasunik piginnaaneqartutit
  • Tamakkiisumik isiginnillaqqissuuvutit sulianillu ilungersunartunik tamanillu takunnissinnaassuseqarlutit.
  • Aningaasaqarnermik aqutsisarnernut paasissutissanullu programminik ilisimasaqarneq iluaqutaassaaq.

Immikkoortortaqarfiit
Makkununnga AC-fuldmægtigissarsiorpugut:

Inuussutissarsiutitigut ilinniartitaaneritpingaarnertut akisussaaffeqartumik suliassatit makkuussapput:

  • Inuussutissarsiutinut ilinniartitaanernut tunngasuni suliniutigineqartunik ineriartortitsineq, nalilersuisarneq piviusunngortitsiniartarnerlu.
  • Aningaasanut inatsisissat suliarineqarnerat, inuussutissarsiutinik ilinniartitaanernut tunngatillugu aningaasaqarnermut tunngatillugu paasissutissanik pissarsiniartarneq naliliisarlunilu misissuisarneq.
  • Naalakkersuinermik sulialinnik sullissineq, soorlu allakkialiorneq, oqalugiaatissiorneq tusagassiorfinnullu nalunaarutissanik suliaqartarneq.
  • Aatsitassarsiornermik Ilinniarfimmut sulianik suliarinnittartutut illit aammattaaq aatsitassarsiornermut oliasiornermullu ingerlatseqatigiiffinnit ilinniartitaanermut aningaasaliissutissat (IBA isumaqatigiissutit) pillugit isumaqatigiinniarnernut peqataasassaatit.
  • Nordplusimi alaatsinaattutut inissaq aqqutigalugu Nunat Avannarliit Suleqatigiinnerannut peqataasarneq.
  • Qitiusumik Ilinniarfiit ataatsimoorlutik siunnersuisoqatigiivinut atatillugu ataatsimiinnernut peqataasarneq
  • Ilinniartitaanermut aaqqissuussinermut ataqatigiissumut tamatigoortumullu ineriartortitsiniarluni suliniummut peqataaneq

GUX-imut tunngasutpingaarnertut suliassatut akisussaaffigisassat ukuupput:

  • Soraarummeernernik   suliarinnittaarnernut ilinnialernissamullu akuerineqarnermut atatillugu suleriaatsinik periutsinillu pitsanngorsaanernut ineriartortitsinernut ingerlatsisarnernullu peqataasarneeq
  • Ilinniarnertuungorniarfinnut qitiusumik ilinniartitseqqitsisarnertigut suliniutinik ataqatigiissaarisarnerit piareersaasarnerillu
  • Ilinniartitaanermik suleriaatsinullu periutsinik ineriartortitsisarnermut ingerlaavartumillu nalilersuisarnernut peqataaneq
  • Ilinniarnertuunngorniarfinni paasissutissanik qarasaasiamiittunik pilersitsinermut, ineriartortitsinermut ingerlatsinerlumullu peqataaneq
  • Ilinniarfiit pillugit avammut paasissutissaliornissaq, ilitsersuusiornissaq periusissiornissarlu

Immikkoortortaqarfiit pingasuullutik Namminersorlutik Oqartussanut inuiaqatigiinnullu ataatsimut isigalugit suliassat pingaarutillit suliarisarpaat tapersersugarisarlugillu. Atorfiit assigiissutigaat sunniuteqaqataasinnaaneq, akisussaaqataaneq suliassallu tamatigoortut taamatullu suleqatigiilluarneq isummersoqatigiissinnaanerlu neqeroorutaammata.
Atrofinni marluusuni atuarfeqarfinni aqutsisut suleqatigalugit ilinniartitaanernik ulluinnarni ingerlatsinernut aqutsinernullu akisussaasuussuutit. Suliassat allat suliarisinnaasavit ilagisinnaasaat tassaapput, Nalakkersuisunut/Inatisisartunut tunngatigut suliassanik qulakkeerinissaq. Aammattaaq naalakkersuisoqarfiup iluani susassaqarfiit akimorlugit suliniutinut peqataasassaatit, Ilinniartitaanermullu tunngassuteqartunut atatillugu suliassat nukinginnartut iluarsisarnissaannut peqataasassaatit.

Immikkoortortaqarfik sorleq pingaartumik soqutiginerunerlugu qinnuteqaammi ilannguguk. Periarfissaqarluinnarpoq immikkoortortaqarfinni arlalinnik soqutigisaqarnissaq - namminermi taamaappugut.

Angalasarsinnaanissaq pillugu
Atorfimmut atatillugu angalasarnissaanissaq naatsorsuutigineqassaaq.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Sulisunut inissiaq periarfissaasinnaavoq atorfinitsitsiartornerullu ingerlanerani erseqqinnerusumik paasinarsissalluni. Erseqqissaatigissavarput taakkununnga atorfinnut marluusunut ataasiinnarmik inissaateqartoqarmat. Taamaattumik atorfinittoq ataasiinnaq inissamik tuninineqarsinnaammat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk