Skip to main content
115

Dette jobopslag er udløbet

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik ilinniartitaanerup iluani suliaqartussamik AC-fuldmægtigissarsiorpoq

Atorfimmi ulloq sulilerfissaq: 1. septembari imaluuniit isumaqatigiissuteqarneq naapertorlugu.

Atorfik pillugu
Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik ilinniartitaanerit iluanni qullersaalluni oqartussaasuuvoq.
Uagut suliagut pingaarnerit tassaapput isumannaassallugu Naalakkersuisut Kalaallit Nunaanni ilinniartitaanikkut ilisimatusarnikkullu ineriartortitsinermi suliniuteqarnermilu naammaginartunik tunngavilinnik aalajangiinissaminni aallaavissaqarnissaat.
Suleqatigiiuvugut tamatigoortut, kontorfuldmægtiginik aammalu AC-fuldmægtiginik inuttaqartut  eqaatsumik fagitigullu ilisimasanik pingaartitsisut.
Suliffitsinni ileqqoqarpugut ingerlatsinitsinni nutaaliortumik eqqarsarnissamut suliatsinnillu naammassinninnissamut periarfissiisumik. Ammasuuguit, suleqatigiinnissamullu piumassuseqaruit, ilinniartitaanermillu soqutigisaqaruit immaqa tassaavutit suleqatissarput nutaaq.
 
Suliassat akisussaaffiillu:
Kalaallit brancheskolii arlaqartut illit pingaarnertut sullitarissavatit. Taamaasillutillu illit pingaarnertut ilinniarfiit pisortaat suleqatigissavatit, kiisalu Naalakkersuisut politikkikkut anguniagaasa piviusunngortinneqarnissaannik suliaqarlutit.
Tamatumalu saniatigut suliassat assigiinngiiaartuupput:

  • Kalaallit brancheskoliinut tunngasunik sulianik ingerlatsisuusutut ilinniarfiit nalunaarutigisartagaasa suliareqqinneqartarnissaat isumagisassaraat, ilinniarfiit forstanderiinut qanimut attaveqassaatit, ilinniarfinnilu ataatsimiittarnernik assigiinngitsunik aaqqissuussisarlutit.
  • Politikkikkut sullissineq, oqalugiaatissiorneq tusagassiorfinnullu nalunaarutissanik suliaqarneq.
  • Inuutissarsiutinik ilinniartitsinermi ineriartortitsinermik piviusunngortitsinermillu suliniuteqarneq.
  • Aatsitassarsiornermut ilinniarfimmut tunngasunik sulianik ingerlatsisutut aamma aatsitassarsiorfiit oliasiorfiillu ilinniartitaanermut aningaasaliissutissaasa isumaqatigiinniutigineqartarnerannut (IBA-mi isumaqatigiissutit) peqataasassaatit.
  • Nunat avannarliit suleqatigiit ataatsimiinneranni Nordplus aqqutigalugu ataatsimiinnermi alaatsinaattutut peqataaneq.


Uagut naatsorsuutigaarput illit:
Siuliani eqqartorneqartut saniatigut allanik ingerlaavartumik suliassinneqartarnissat naatsorsuutigissavat. Suliavit ingerlanneranni Naalakkersuisoqarfimmi sulisuusut kiisalu ingerlatsiviit Naalakkersuisoqarfiup ataaniittut suleqatigisartakkagullu avataaniittut allat qanimut attavigisuussavatit. Taamaattumik pingaartuuvoq suleqateqarsinnaanermut pitsaasunik piginnaaneqarnissat, aammali nammineersinnaanerit, namminerlu iliuuseqartarlutit aamma.

Uagut ilinnut tunngasumik naatsorsuutigaarput:

  • Naleqquttumik ingerlaqqiffiusumik ilinniagaqarsimasuussasutit.
  • Assingusumik atorfimmiit misilittagaqassasutit, imaluunniit ilinniartitaanerit iluanni atorfimmit misilittagaqassasutit.
  • Nammineersinnaassuusutit, aammali suleqatigiinnerup pitsaaqutaanik fagillu assigiinngitsut akimorlugit suleqatigiinnermik pingaartitsisuusutit.
  • Piffissaleriikkanik naammassinninniarnermi sulilluartartutit, sulianillu assigiinngitsunik amerlasuunillu ingerlatsisinnnaassuseqartutit.
  • Microsoft Office Pakke internanut ilisimasaqarfigigit, aamma Scan Jour Captia-mik imaluunniit F2-mik  ilisimasaqareerneq iluaqutaassaaq.


Angalatitaasarnerit pillugit
Atorfimmut atatillugu angalasarnissaq naatsorsuutigisariaqassaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk