Skip to main content
127

Dette jobopslag er udløbet

GUX-Aasiaat sullissinermik tamanut sullissinermut aqutsisoq

Avannaani Ilinniarnertuunngorniarfik, GUX-Aasiaat, aqutsinerup aaqqissuussaanerani allanngortitsivoq. Taamaattumik atuarfimmi sullissinernut, sullissinermi qullersatut aqutsisussamik pissarsiorpugut.
Sullissinerni sammisunut ilaapput atuarfitsinnut tunngatillugu ataqatigiissaarisoq, nakkutilliisut/pedelit, kantiinami aamma eqqiaanermik suliaqartut.
Sullissinermut aqutsisup sulisut 15-it missaanniittut qullersatut akisussaaffigissavai, tassani ilaapput atuarfitsinnut tunngatillugu ataqatigiissaarisoq, pedelit pingasut, kantiinami sulisut arfinillit aammattaaq eqqiaanermik suliaqartut sisamat.
Sullissinermut aqutsisup atuarfitsinnut tunngatillugu ataqatigiissaarisoq aamma kantiinami aqutsisoq ulluinnarni isumasioqatigisassavai, tamatumunnga ilanngullugit sulisut aamma missingersuutit. Taakkua saniatigut sullissinermut tunngatillugu suleriaatsinik ineriartortitsinermut aamma atuutilersitsinissamut akisussaasuussaaq.
Atorfik atuarfiup rektoriata ataani inissisimavoq, ingerlatsinermi aqutsisoq atuarfimmik aqutsisunut peqataavoq.
Aqutsinerup aaqqissuussaanera atuarfiup nittartagaani takuneqarsinnaavoq.
Sullissinermut aqutsisutut atorfik nutaapajaajuvoq soorunami atuarfimmi sullissinerup qaffasissusianik ineriartortitsisinnaasumik aqutsisussamik atorfinitsitsinissarput eqqarsaatigaarput.

Sullissinermut aqutsisutut ilaatigut akisussaaffigissavatit makku:

  • Sammisamut tunngatillugu missingersuutit
  • Sulisunik aqutsineq
  • Immikkoortunik tamavinnik ineriartortitsinermut peqataaneq
  • Atuarfimmut tunngatillugu ataaqatigiissaarisumik akisussaaffeqarneq
  • Kantiinap ingerlanneqarneranut akisussaaffeqarneq
  • Sillimasiissuteqarnermik suliaqartartumut attaveqaataaneq
  • Atuarfiup
  • iluini atortut allattorsimaffiat
  • Sulisunik nutaanik tikilluaqqusineq
  • Matuersaatit SALTO
  • Ineriartortitseqqinneq aamma sulisunik allanik suleqateqarneq

Assingusumik atorfeqarsimaneq suliffeqarfimmi assingusumi assut iluaqutaassaaq.
Naatsorsuutigaarput ilinniagarisimasamik tulluartumik tunngaveqarnissaq pisariaqartutut piumasaqaataavoq, sulisut akademiskiusumik ilinniarsimasut, assassornermi aamma inuussutissalerinermi suliamik ilinniagallit aamma ilinniagaqanngitsut attaveqaqatigineqartassammata.

Neqeroorutigaagut:

  • Suleqatit pimoorussisut
  • Annertuumik akisussaaffeqarnissamut periarfissaqarneq aamma suliassat namminersuutigisassat
  • Suliffimmi pissutsinut nammineq sunniuteqarnissamut periarfissaq
  • Sullivimmi avatangiisinik ineriartortitsinissamut periarfissaq
  • Suliatigut aamma inuttut erinartornissamut periarfissaq

GUX-Aasiannit ammaffigineqarpoq isumassarsiat nutaat sullissinerup qaffasissusianik pitsanngorsaataasinnaasut.
Atorfik sapinngisamik piaartumik inuttaleqarneqarusuppoq imaluunniit isumaqatigiissuteqarneq tunngavigalugu.

Atorfik pillugu paasissutissat Dorthie Siegstadimut dorthie@gux-aasiaat.gl  +299 56 01 46-imut saaffiginninnikkut pissarsiarineqarsinnaapput.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk