Skip to main content
106

Digitalimik Sullissinermut Aqutsisoqarfik suliniutinik sulisussarsiorpoq - Ikkuteqqitaq

Piffissaq eqqorlugu pilersuineq pilersaarusiorlugulu, ataqatigiissaarlugulu aamma qularnaarsinnaaviuk? Taava Digitalimik Sullissinermut Aqutsisoqarfimmi allaffissavit nutaap utaqqivaatit.

Digitalimik Sullissinermut Aqutsisoqarfimmi suliniutinut immikkoortoqarfiani suliniutini arlalinni suliaqarsinnaasussanik amigaateqarpugut. Taamaattumik pisortat ataatsimoorussamik IT-mik suliniutaannik angisuunik ingerlatsinissamut suliniutinik siulersuisunik tapersersuisinnaasumik suliniutinik sulisussamik ataatsimik imaluunniit arlalinnik inuttassarsiorpugut. Ullormit aallartiffinnit suliaqarsinnaassutsit piumaneqassasoq naatsorsuutigissavat.

Digitalinngorsaanermut periusissiarput anguniagartooq iliuuseqarfissatut suliassaqarfippassuarnik, piviusunngortinnissaanut peqataaffigisinnaasannik imaqarpoq. Suliaqarfigaagut tunngaviusutut paasissutissat, digitalimik ilusilersukkat, pisortat digitalikkut allagaqartarneri, pisortat ataatsimoorussamik suliniutinut periusissiaat allarpassuillu. Uani annermik atuagaqarsinnaavutit: https://digitalimik.gl/da/Digitaliseringsstrategi.
Akisussaaffik annertooq tigussavat, namminerlu atorfigisat ilusilersoqataaffigisinnaallugu. Namminersorluinnarlutit, sulilluarniuteqarlutit, anguniagaqarlutit aaqqissuussaasumillu suliaqartarnissat naatsorsuutigaarput. Tamanna ilutigalugu suleqatinnik aamma soqutigisaqaqatigiit sinnerinik suleqateqarninni tatiginnissutsimik pilersitsillaqqinnissat pingaartuuvoq. Maligassiuisutut anersaaqarluarnissat, aammalu sananeqaatilimmik najoqqutassialigaanngitsumillu iluseqartumik allannguinissanut akiuunnerit qaangerniarsinnaassagitit naatsorsuutigaagut.

Suliniutinut sulisuutut suliasstit ilaatigut tassaassapput:

  • suliniutinut allagaatinik aserfallatsaaliuillunilu malinnaatitsinermut ilapittuineq
  • suliniutini namminersuutitut ingerlatassanik assigiinngitsunik ingerlatsinissamut akisussaaffeqarneq
  • pilersuisartuni siuarsartitsillunilu inernerisanik malitseqartitsisarneq
  • aqutsisoqatigiinnut allanillu ataatsimiinnerni atortussanik, assersuutigalugu suliniutinut tunngavigisanut killiffinnik nalunaarutinik, missingersuutinik, attaveqaqatigiinnissamut pilersaarutinik il.il. suliaqarnernut ilapittuineq
  • suliniutinut atasuusunik siunertanut aalajangersimasunut suliassanik isumaginninnerit, ilanngullugit tusagassiorfinnut upalungaarsimanissamut siunnersuutinik, aamma tusagassiorfinnut saaffiginnissutinik il.il. suliaqarnerit
  • periusissiamut suliniutitsinnik aamma suliniutinik aqutsinermut sakkutsinnik ilitsersuillunilu ilinniartitsineq.

Ataani piginnaasat arlallit pigissagunarpatit:

  • IT-p aamma digitalinngorsaanerup iluini ilinniagaqarsimaneq imaluunniit misilittagaqarneq
  • Erseqqissumik eqqortumillu allallaqqinneq
  • Ilinniartitsinermik misilittagaqarneq
  • Kalaallit Nunaannik aamma kalaallit oqaasiinik ilisimasaqarneq

Najoqqutassialigaanngitsumik qungujussaqarfiusumillu akunnitsinni oqaluuteriaaseqarlutalu inooqatigiinnikkut pitsaasumik ingerlatsivugut, pimoorussinerit sulinermillu nuannarisaqarnerit pingaarutilittut ilaallutik. Ulluinnarni ulapaarfiusuni ilisimasanik paarlaateqatigiinnerit, peqatigiilluni kivitseqatigiittarneq, aammalu akunnitsinni immitsinnut ikiuilluta pitsaanerulersitsiniartarnerput assut pingaartipparput. Naak naalakkersuinermi aaqqissuussivimmi suligaluarluta qullersaqartitsiniaasuunngitsumik ilusilimmik aqutsiveqarpugut, aamma aaqqissuussaanermik ingerlatsiviup ilagaa akisussaaffeqarluni kiffaanngitsuutitsisarneq. Aaqqissuussivimmi annertuumik sungiussiassuseqarfiusumi suliamut tunngasunik inummullu tamaviaarfissanik pissanganartunik tamanna nassataqarpoq, illillu nammineq ullup suliffigisassavit aaqqissuunnissaa peqataaffigisinnaallugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk