Skip to main content
72

Dette jobopslag er udløbet

Avatangiisinut Upalungaarsimanermullu Immikkoortortaqarfimmi AC-fuldmægtigi

Avatangiisinut Upalungaarsimanermullu Immikkoortortaqarfik sulisussamik, avatangiisinik suliassaqarfimmi oqartussaasut suliaqarnerinik misilittagalimmik pikkorissumik tunniusimasumillu, aammalu tamatigoortunik piginnaaneqarluartumik pissarsiorpoq.

Suliffeqarfik naatsumik
Pinngortitamut Avatangiisinullu Naalakkersuisoqarfiup Avatangiisinut Upalungaarsimanermullu Immikkoortortaqarfiani suleqataalissaatit. Immikkoortortaqarfimmi sulineq avatangiisini pissanganartuni suliatigullu unammillernartuni, suliatigut ineriartornissamut periarfissaqarfiulluartuni ingerlanneqarpoq.

Avatangiisinut Upalungaarsimanermullu Immikkoortortaqarfiup suliassaqarfiit arlallit akisussaaffigai, ilaatigut eqqagassat, imeq imigassaq, sinerissami qanittumi immami avatangiisit, imeq errortuutikoq, ASN, poortuutissat, suliffeqarfiit annertuumik mingutsitsisut upalungaarsimanerlu. Aamma immikkoortortaqarfiup avatangiisinik innarlitsaaliuinissaq pillugu nunani tamalaani isumaqatigiissutit arlallit akisussaaffigai. Immikkoortortaqarfimmi atorfiit akuerisat tassaapput immikkoortortaqarfimmi pisortatut atorfik aamma AC-fuldmægtigitut atorfiit 12-it.

Suliffeqarfimmi pitsaasunik suleqateqarfiusumi, pingaartorsiorfiunngitsunik avatangiiseqarfiusumi aammalu toqqissisimanermik ineriartornermillu pingaartitsiviusumi suleqataalissaatit.

Suliassatit
Suleqatissatsinnik, suliffeqarfinnut avatangiisinik akuersissuteqartarnermik nakkutilliinermillu suliaqarnissamik nuannarisalimmik pissarsiorpugut. Kisiannili suleqatitaassarput aamma immikkoortortaqarfimmi suliassaqarfinni allani sulinissamut kajumissuseqassaaq.

Ulluinnaat pissanganartut, suliassanik assigiinngitsorpassuarnik suliaqarfiusut, akuttunngitsumik naalakkersuinikkut suliaqartunit, innuttaasunit kommuninilluunniit saaffiginnissutinik suliaqarnissamik apeqqutaatitsiviusut naatsorsuutigisinnaavatit.
Sulinermi Naalakkersuisoqarfimmi immikkoortortaqarfiit allat aamma Namminersorlutik Oqartussani oqartussaasut allat, kiisalu avataani suleqatit suleqatigineqassapput.


Suliassat ilaatigut tassaassapput:
 

  • Avatangiisinut akuersissutinik suliaqarneq nakkutilliinerlu
  • Kommuninut suliffeqarfinnullu siunnersuisarneq ilitsersuisarnerlu
  • Namminersorlutik Oqartussanut avataanullu tusarniaanernik ataqatigiissitsineq
  • Avatangiisinik sullissivimmi suliat ineriartortitsiviusut
  • Pisortanik kiffartuussinerit
  • Naalakkersuinikkut sulialinnut kiffartuussineq, taakkununnga allakkiorneq, naalakkersuinikkut isummernissamut tunngavissiorneq politikkikkut oqariartuutinik suliaqarneq ilanngullugit
  • Paasissutissiissutinik ilitsersuutinillu suliaqarneq


Immikkoortortaqarfimmi sulisut allat qanillugit suleqatigilissavatit, aammalu avatangiisinik suliassaqarfimmit tamarmiusumit suliassanik tigusaqartassaatit.

Naatsorsuutigisavut
Kissaatigaarput:

  • Ilinniagartuutut ingerlaqqiffiusumik ilinniagaqassasutit imaluunniit sulianut attuumassutilinnik allanik tunuliaqutaqassasutit
  • Avatangiisinut suliassaqarfimmi oqartussaasutut suliassanik misilittagaqassasutit soqutigisaqassasutillu
  • Sulianik suliallu ingerlanerinik aqutsinermik misilittagaqassasutit
  • Aaqqissuussaanermi naalakkersuinikkut aqunneqartumi sulinermik misilittagaqassasutit
  • Pisortat ingerlatsivianni suliffeqarfimmiluunniit siunnersuisarfiusumi sulinermik misilittagaqassasutit
  • Ajornartorsiutit pisariusut oqaatsit ersarissut atorlugit ingerlateqqinnissaannut piginnaaneqassasutit
  • Suleqatikkuminartuussasutit kiisalu suliat amerlasuut ataatsikkut ingerlannissaannut piginnaaneqassasutit
  • Oqaatsinut piginnaaneqarluassasutit, taakkununngalu tuluttut, danskisut kalaallisullu oqaatsit ilaapput


Suliat isumagisavit naalakkersuinikkut eqqumaffigineqarnerat iluaraat aammalu ajornartorsiutit pisariusut oqaatsit ersarissut atorlugit ingerlateqqinnissaat piginnaaneqarfigaat. Namminersorlutit, tunniusimallutit, pitsaasumik isumagissaarlutillu sulisinnaanissat pingaartipparput.

Paasissutissat amerlanerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Karen Anne Arleth telefon (+ 299) 34 54 65-imut attaveqarfigisinnaavat.

Qinnuteqarneq:
Qinnuteqarnissamut 28.02 2020 killigitinneqarpoq
01.05 2020-mi imaluunniit piaartumik atorfinitsitsisoqassaaq
Oqaloqatiginninnerit sap. ak. 13-imi ingerlanneqarnissaat naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput. Piffissaq suliffiusoq sapaatit akunneranut nal. ak. 40-nik sivisussuseqarpoq.

Naalagaaffimmi tjenestemandit aamma AC-mut isumaqatigiissutit arlallit, ilaatigut DJØF-ip aamma Aningaasaqarnermut Ministereqarfiup akornanni isumaqatigiissutit malillugit atorfeqartinneqartut, Namminersorlutik Oqartussani atorfeqarnerminnut atatillugu akissarsiaqaratik sulinngiffeqarsinnaatitaapput. Aamma Nunamut Namminermut Ministereqarfik kommuninut nunallu immikkoortuinut inassuteqarpoq, Namminersorlutik Oqartussani atorfeqarnermut atatillugu akissarsiaqarani sulinngiffeqarnissamut qinnuteqartunut akuersaaqqullugit. Sulinngiffeqarnermut aalajangersakkanut aamma Namminersorlutik Oqartussani atorfinittunut aappaasut/inooqataasut ilaatinneqarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq.

Atorfik Nuummi inissisimavoq. Illoqarfik periarfissarpassuaqarpoq, soorlu kulturip illorsua, filmertarfik, naluttarfik, timigissartarfik, kaffisorniartarfiit peqatigiiffiillu assigiinngitsut. Aamma Nuup eqqaani pinngortitami sisorartarfeqarpoq golfertarfeqarlunilu, kiisalu qajartornissamut, aalisarnissamut, imaatigut angallammik angalanissamut, nunami pisuttuarnissamut aalalluartunullu sunngiffimmi allarpassuarnik sammisaqarnissamut periarfissaqarpoq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk