Skip to main content
115

Atuisartoqarnermut Unammilleqatigiinnermullu Aqutsisoqarfik allaffimmiumik pissarsiorpoq

Atuisartoqarnermut Unammilleqatigiinnermullu Aqutsisoqarfiup allattoqarfiani suleqatitaarissavatsigit? 
 
Atuisartoqarnermut Unammilleqatigiinnermullu Aqutsisoqarfik allattoqarfitsinnut allaffimmiumik pissarsiorpoq, sapinngisamik sullissinermik misilittagalimmik. Inunnik isumaginninnermi inatsisitigut tunngaveqarluartumik suliaqarnissat ilimagissavat, tamatumanilu illit pingaarutilimmik inissisimanissat naatsorsuutigisinnaavat.
 
Suliassat ilagivaat s.a. maalaarutinik suliassatut takkuttunik pilersitsiortorneq, allakkat tigusat akisarnisaat aammalu kommunenut pisup uppernarsaataanik noqqaasarnissaq, pisup uppernarsaataanik tigusinermi nalilersueqataaneq, suliassat annikinnerusut nutsertarnissaat, suliassanillu naammassisunik nassitsisarneq. Suliassat pineqartut naammassilluarnissaannut sulisussarsiorpugut aaqqissuillaqqissumik suliamullu tunniussisimalluartumik, suliassanik arlariinnik ataatsikkut ingerlatsisinnaasumik, ulluinnarnilu suliffimmi ulapaarfiusumi pitsaasumik inernilimmik suliaqarsinnaasumik. Aqutsisoqarfik sinnerlugu suliamik pikkorissusilittut sassartarnissat naatsorsuutigissavat.
 
Allattoqarfiup suleqataaffigisaa pingaarnerpaamik tassaavoq saaffiginnittartunik tigusinissaq, tamatumanilu aamma toqqaannartumik  nutserisinnaaneq piumasarineqariataarsinnaavoq, suliamik sullissineq, iluarsartuullugu suliaqarnermi aqutsineq, nerisassanik pisiortugassanillu isumaginninneq il.il. Ulluinnarni suliavut ESDH-mik aaqqissuussamik tunngaveqarput system F2 aamma Public 360, kiisalu suliamik ataqatigiissaarineq annertuumik aamma suliassaqartarluni soorlu nutsigassat ingerlaartut aammalu suliassat naammassiniagassat eqqarsaatigalugit.
 
Sulisussarput immikkoortualunnut takunnissinnaallunilu peqqissaarullugillu suliaqarsinnaanissaa piginnaasaqarfigisariaqarpaa. Allattoqarfimmit suliat Aqutsisoqarfiup sinnerata immikkoortuisa sulinissaannut tunngaviliipput, suliarlu taanna qajannaatsumik suliarisariaqarpoq. Suliassarpassuit uteqattaartuummata pisariaqarluinnarpoq suliap immikkoorutaannut takunissinnaassuseqaqqissaarnissat, naliginnarmiillu allaassutaa takutinneqareerpat, immikkoortualuit naleqqussarneqassammata.
 
Aqutsisoqarfiup allatoqarfiata imarivai Pisisartut Pisinnaatitaaffiinik Sullissivik, tamatumani ilanngullugu Atuisoq, Unammilleqatigiinnermut Sullissivik aammalu Maalaartarnermut Sullissivik. Suliassat assigiinngeqisut ulluinnarni suliaraavut tamattalu piginnaasavut pikkoriffivullu suleqatigiinnitsinnit
atorluartarpavut. Avatangiisit suliffigisavut ammasuupput ilumoorsaaratalu sulivugut. Suliffeqarfiuvugut ineriartortoq, suliattalu ingerlaasii qitiutilluinnaqqissaarlugit suleriaaseqarpugut, suliavummi ajunnginnerpaamik sunniuteqarluartumillu inerneqarnissaat soqutigisarilluinnaratsigu.
 
Naatsorsuutigaarput illit:

  • Allaffimmi ilinniarsimanissat allaffimiutullu misilittagaqarluarnissat
  • Kalaallisut qallunaatullu oqalussinnaasutit
  • Suliamut tunniussimasutit aaqqissuillaqqillutillu
  • Suliffeqarfimmi suleqatigiit ataqatigiinnerat peqataaffigisinnaallugu

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Atorfiniffissaq
Atorfiniffissaq: Ulloq 1. september 2019-i imaluunniit immikkut paaseqatigiissuteqarnikkut.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk