Skip to main content
77

Dette jobopslag er udløbet

Atuarfinnut siunnersorti

Ilinniartitaanermut Aqutsisoqarfimmi atuarfinnut siunnersortissarsiorpoq statistikimik, naliliinissamut misissuinissamullu atortussanut meeqqanut suli atualinngitsunut tunngasunik suliaqartussamik, piaartumik imaluunniit isumaqatigiissuteqarnikkut sulilertussamik.
Atorfik perorsaanermut tunngasut pillugit immikkoortortami inissisimavoq pisortap ataaniilluni.

Atuarfimmi siunnersortip suliassai

  • Aqutsisoqarfimmi suliassanik allaffissornikkut kisitsisitigut katersukkanut atortussanik inerisaanermi ataqatigiissaarinermik akisussaaffeqarneq
  • Meeqqat peqqissusaannut, inerikkiartornerannut atualernissamullu piareersimanersut uuttuutinut inerisaanermi suleqataaneq
  • Meeqqanut suli atualinngitsunut allaffissornikkut digitalimik sulinermi atortussanik suliaqarneq
  • Uuttuusianut digitaliserinermi suleqataaneq
  • Meeqqanut suli atualinngitsunut sulisut pigiinnarnissaannut periusissiamut suleqataaneq


Atuarfimmut siunnersortip suliaasa ilagissavaat:

  • Meeqqanik suli atualinngitsunut naliliinissamut misissuinissamullu atortussiat inerisarnerinut peqataaneq
  • Perorsaasunut, meeqqerivinnut kommuninillu siunnersuineq ilitsersuinerlu
  • Allakkiorneq, akissuteqarneq, nalunaarusiorneq il.il.
  • Isumasioqatigiisitsineq pikkorissaanerlu
  • Aalajangersimasunik qulequtsikkanik allanik peqateqarluni suliaqarnermi peqataaneq – atuarfimmut siunnersortit allat immikkoortortaqarfiillu suleqatigalugit kiisalu suliffiup avataaneersut suleqatigalugit


Ilinnut tunngasut:
Qinnuteqartoq piukkunnaateqarluartoq:

  • Naapertuuttumik perorsaanermut ilinniarsimasoq aamma/imaluunniit inuiaqatigiilerinermi ilinniagaqartoq
  • Kalaallit Nunaanni meeqqat suli atualinngitsut kiisalu meeqqat atuarfiannik kultureqarnermut inuiaqatigiinnullu sukumiisumik ilisimasalik
  • Pædagogikkip atuartitsinerullu iluini assigiinngitsunik nutaarsiassanik ilisimaarinnilluartoq
  • Tulleriiaarisinnaasoq, akisussaassuseqartoq aaqqiissuteqarsinnaassuseqartorlu
  • Statistikilerinermi atortussanik atuinermik misilittagaqartutit
  • Atuarfiit allaffissornikkut ingerlanneqarnerat pillugit ilisimasaqartutit
  • Kalaallisut qallunaatullu, tuluttulluunniit aamma oqaluttariarsorluni allattariarsorlunilu suliaqarnermi attaveqaqatigiinnermut siammarterinermullu tunngasunik piginnaasaqarluartutit
  • Eqeersimaartoq namminersorlunilu sulisinnaassusilik kiisalu suleqatiginnissinnaassuseqarluartoq


Ilinniartitaanermut Aqutsisoqarfik pillugu
Ilinniartitaanermut Aqutsisoqarfik tassaavoq suliffeqarfik politikkikkut aqunneqartoq, naalakkersuisoqarfimmik politikkerinillu sullissisoq kiisalu inerisaanermik  saqqummersitsinernillu suliaqartoq. Ilinniartitaanermut Aqutsisoqarfik maannakkut suliaminik saqqummersitsisarnerminillu nutarsaavoq – peqataaffigiumaagassannik.
Suliffeqarfiuvugut assigiinngitsorpassuarnik sulialik, aqutsinerit atuutereersut saniatigut ilaatigut aamma saqqummersitsivilik, naqiterivilik paasititsiniaanermik atorniartarfimmillu tunngasunik katersugaatilik. Aqutsisoqarfiup annerusumik sammisarpai atualinnginnerup nalaa, meeqqat atuarfiat, efterskolit friskolillu. Suleqatigiit 50-it missaaniippugut, suliffeqarfimmi pingaartorsiorpallaanngitsumi suliat pitsaasuunissaannik pingaartitsisut.

Paasissutissat allat
Atorfimmut tunngasunik allanik paasisaqarusukkuit saaffiginnissinnaavutit uunga
Ilinniartitaanermut Aqutsisoqarfimmi immikkoortortaqarfimmi pisortaq
Ellen J Karlsen
eljk@nanoq.gl
+299 346212
Kalaallit Nunaat Namminersorlutillu pillugit paasisaqarnerorusukkuit www.nanoq.gl –ip ataani Suliffik-mi atuarsinnaavutit.
Akissarsiat atorfeqarnermullu atukkat
Tunngaviusumik isumaqatigiissutaasut aallaavigalugit atorfinitsitsisoqassaaq. Qinnuteqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfimmut atatillugu atorfeqarnermut inimik innersuussisoqarnissaa naatsorsuutigineqassanngilaq. Pineqartoq Namminersornerusut aqqutigalugit inissaqartinneqareersimaguni najugaqarfigineqaannarsinnaanissaa aaqqiissuteqarfigineqarsinnaassaaq. Taamatut atorfimmut atatillugu ineqartinneqarsimagaanni ini atorfimmut tunngalluinnarpoq, soraarnermullu atatillugu qimanneqassalluni.

Qinnuteqarneq
Atorfinikkusulluni qinnuteqaat, CV-mik nutartikkamik ilanngussanillu imalik, ataani nassiussiffissamut nassiunneqassaaq.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk