Skip to main content
81

Dette jobopslag er udløbet

Attaveqatigiinnermi sulisussamik / fuldmægtigimik / immikkut siunnersortimik sulilluarsinnaasumik ineriartortitsinermillu siunnerfilimmik pissarsiorpugut

Naalakkersuisoqarfiup suliffeqarfiup iluani avammullu attaveqaqatigiinnermik nukittorsaanissaq kissaatigaa, taamaattumillu atorfimmi nutaamik pilersinneqartumi suleqatissarsiorpugut. Paasissutissiisarneq nuannaraajuk? Allanneq piginnaaneqarfigaajuk? Uummaarippit nassaassarsiullaqqillutillu? Taamaappat illiuvoq atorfissaqartitarput.
1. oktober 2020-mi imaluunniit isumaqatigiissuteqarnikkut piaartumik atorfinitsitsisoqassaaq.
 
Atorfik pillugu
Naalakkersuisoqarfimmi immikkoortortaqarfiit sisamaapput, ineqarnermi, illuuteqarnermi, sanaartornermi attaveqaqatigiinnermilu suliassaqarfinnut tunngasuusut. Naalakkersuisoqarfimmi sulisut 30-t missaa-niipput. Suleqatissamik,  immikkoortortaqarfinni sulisut aamma Naalakkersuisoqarfiup pisortai suleqatiga-lugit Naalakkersuisoqarfiup iluani avammullu attaveqaqateqarnerani qitiusumik suliassanik isumagin-nissinnaasumik pissarsiorpugut.
 
Suliassatit tassaassapput;

  • Naalakkersuisoqarfimmit immikkoortortat suleqatigalugit Naalakkersuisoqarfiup attaveqaqatigiinnermi suliniutaasa tamarmiusut ataqatigiissaarneqarnerini piareersarneqarnerinilu siuttuuneq,
  • Attaveqaqatigiinnermi suliniutissanik suliaqarneq,
  • Attaveqaqatigiinneq tamarmiusoq pillugu siunnersuisarneq suleqateqarnerlu,
  • Web-inik inuillu attaveqaqatigiittarfiinik, tusagassiorfinnik tusagassiorfinnillu alapernaarsuinermik suliaqarneq,
  • Paasissutissiissutinik, allaaserisanik, tusagassiorfinnut nalunaarutinik, tusagassiorfinnut, Nammi-nersorlutik Oqartussat nittartagaannut intranetimullu itisiliilluni allaaserisanik il.il. suliaqarneq ingerlatitseqqittarnerlu,
  • Naalakkersuisoqarfiup web-ianut aaqqissuussisutut sulineq aamma nittartakkap intranetillu nutar-tertarneranik malinnaatinneqarneranillu isumaginninneq,
  • Suliassaalersut assigiinngitsut.

 
Naatsorsuutigaarput;

  • Attuumassutilimmik ingerlaqqiffiusumik ilinniagaqassasutit.
  • Oqaasiinnaat atorlugit taamatullu allakkatigut attaveqaqatigiinneq piginnaaneqarfigissagit.
  • Inuttut sunniisinnaassuseqassasutit.
  • Najoqqutassat pisariusut inatsisissatullu siunnersuutit paasiuminartumik saqqummiussinnaas-sagitit.
  • Pissutsit ulapaarfiugaluarpataluunniit ataqatigiissaarineq suleqatigiinnerlu piginnaaneqarfigissagitit aammalu eqaatsumik aaqqiisinnaassasutit,
  • Ilakkuminartuussasutit, suleqatikkuminartuussasutit, ileqqorissaartuussasutit aammalu anguniaga-qarluarneq siunnerfigissagit.
  • Allannguinissamut piareersimasuussasutit, nutaanik sammisaqarusussuseqassasutit aammalu aaq-qissuussaanermi politikkikkut aqunneqartumi sulinissamut naleqqussarsinnaassuseqassasutit.
  • Aqutsinermut allattoqarfiup suliassaanut allanut suleqataasinnaassasutit, soorlu ataatsimiinnernit imaqarnilianik allannermut allakkianillu suliaqarnermut il.il.
  • Tunniusimasuussasutit, naapertuisuussasutit aammalu suleqateqarsinnaassasutit, taamatullu nam-minersorlutit sulisinnaassasutit.
  • Kalaallit kulturiannik aamma inuiaqatigiinnik kalaallinik ilisimasaqassasutit.

 
Politikkikkut aalajangiisarnerni suliat ingerlasarnerinik misilittagaqarnissat iluaqutaassaaq, taakkununngalu Inatsisartut ataatsimiinneri, Naalakkersuisunut suliaat aamma sullissinermik pisortallu ingerlatsinerinik mi-silittagaqarneq ilaatinneqarput.
 
Aamma assersuutigalugu tusagassiornermik attaveqaqatigiinnermilluunniit, tusagassiortunut isumaginnin-nermik attaveqaqatigiinnermilu suliaqarnermik, aammalu suliniutinik pilersaarusiornermik misilittagaqar-lutit, aammalu teknikkimut tunngasut, soorlu IT-mi sakkussat assigiinngitsut, taakkununngalu cBrain F2, Outlook aamma Microsoft Officepakken ilanngullugit piginnaaneqarfigalugit takutissinnaagukku iluaqu-taassaaq.
 
Erseqqissaatigineqassaaq, matumani atorfik assigiinngitsorpassuarnik suliaqarfiusoq akisussaaffeqarfiusorlu pineqarmat. Unnukkut sapaatillu akkunnerisa naanerini, kiisalu ulapiffiusumi sulisarnissaq naatsorsuu-tigineqassaaq. Pingaartumik tamanna Inatsisartut ataatsimiinnerini pisassaaq.
 
Neqeroorutigaavut:

  • Atorfik, politikkikkut aalajangiisarnerit qanillugit suliffiusoq.
  • Sullivimmi avatangiisit pingaartorsiorfiunngitsut, naalakkiisarnermi qanittunik aqquteqarfiusut aammalu suleqatit tunniusimasut, suliatigut piginnaasanik qaffasissunik atuisarnermik ataqqi-naateqartut.
  • Sullivimmi avatangiisit allanngorartut.
  • Inuttut suliatigullu ineriartornerit, kiisalu ilinniaqqinnissamut periarfissat pitsaasut.

 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Uppernarsarneqarsinnaasumik eqqortunik piginnaasalimmik qinnuteqartumut, immikkut siunnersortitut atorfinitsitsisoqarsinnaavoq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat amerlanerusut
Atorfik pillugu annertunerusumik paasisaqarusukkuit, Immikkoortortaqarfimmi Pisortaq Aviâja Mørch Amondsen oqarasuaat nr. +299 345000-imut imaluunniit e-mail AVMA@nanoq.gl aqqutigalugu attaveqarfigisinnaavat.
Namminersorlutik Oqartussat pillugit annertunerusumik paasisaqarusukkuit, Naalakkersuisut nittartagaat www.naalakkersuisut.gl aqqutigalugu atuagaqarsinnaavutit.

Qinnuteqaat
Qinnuteqarnissamut killigitinneqarpoq 13. august 2020.
Atorfinitsitsinissamut atatillugu oqaloqatiginninnerit sap. ak. 34-35-mi ingerlanneqarnissaat naatsorsuutigineqarpoq.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk