Skip to main content
83

Dette jobopslag er udløbet

Attaveqaqatigiinnermut immikkkoortortaqarfimmut fuldmægtigi

Attaveqaqatigiinneq pingaartippiuk? Taamaappat illit tassaavutit amigaaterput.

Kalaallit Nunaanni attaveqaqatigiinnermut tunngasut ineriartupiloorput – attaveqaqatigiinnermullu immikkoortortaqarfik ulapiffiuvoq. Taamaattumik immikkoortortaqarfimmi fuldmægtigissamik, nalunaarasuartaateqarnerup allakkerinerullu ineriartoqqinnissaannik soqutigsaqartumik pissarsiorpugut.

Atorfik pillugu nassuiaat
Attaveqaqatigiinnermut Immikkoortortaqarfik Ineqarnermut Attaveqaqatigiinnermullu Naalakkersuisoqarfiup ataani inissisimavoq, aammalu Naalakkersuisoqarfimmi immikkoortortaqarfiit sisamaasut ilagalugu. Attaveqaqatigiinnermut Immikkoortortaqarfik ulluinnarni ulappuffiuvoq, suliassanik assigiinngitsorpassuarnik suliaqarfiulluni.

Attaveqaqatigiinnermut immikkoortortaqarfiup ”nunamut, immamut silaannarmullu” tunngasut iluanni suliassanik pilersaarusiorneq, ataqatigiissaarineq suliaqarnerlu isumagisarai, taamaattumillu imarsiornermi, silaannakkut angallannermi, mittarfeqarnermi, umiarsualiveqarnermi, nalunaarasuartaateqarnermi aammalu nunakkut imaatigullu assartuussinermi suliassaqarfinnut akisussaasuulluni.

Immikkoortortaqarfiuvugut mikisunnguaq assigiinngitsorpassuarnik suliaqartoq aammalu nuna isorartooq, siammasissunik najugaqarfeqartoq attaveqaatillu ingerlalluarnissaannik pingaartitsiviulluinnartoq sullitaralugu.

Attaveqaqatigiinnermut Immikkoortortaqarfimmi suliat naalakkersuinikkut eqqumaffigineqartorujussuupput, aammalu tamanit tusagassiorfinnillu soqutigineqarluni. Suliassat suleqataaffigisavut innuttaasut tamarmik ulluinnarni atugaannut pingaaruteqartorujussuupput, aammalu nunatsinni ineriartorfiusinnaasut piviusunngortinneqarnissaannut isumaqartorujussuullutik.

Ilinnut tunngasut

  • Attuumassutilimmik ilinniagaqartoq. Inatsisilerinermik tunuliaqutaqarneq iluaqutaassaaq, piumasaqaataanngilarli.
  • Aaqqissuussaanermi naalakkersuinikkut aqunneqartumi sulinermik misilittagalik.
  • Suliassaqarfimmi suliani sullissinissamut ineriartortitseqqinnissamullu soqutigisaqartoq, taakkununngalu nalunaarasuartaateqarnermi allakkerinermilu inatsisinik suliaqarneqilaatinneqarpoq.
  • Suleqatinik suleqateqarnissamut, ikioqateqarnissamut ilisimasanillu avitseqateqarnissamut piginnaanilik.
  • Oqaatsit allattariarsornerlu aqqutigalugit attaveqaqateqarnissamut piginnaanilik.
  • Isumagissaartoq sullivimmilu avatangiisini pingaartorsiorfiunngitsuni sulinermik nuannarisalik.
  • Ajornanngippat Kalaallit Nunaanni pissutsinik ilisimasalik.


Danskisut/Kalaallisut marluinnik oqaaseqartuuneq iluaqutaassaaq.

Suliat avatangiisini ulapaarfiusuni suliatigullu unammillernartuni ingerlanneqarput, tassanilu sulinermik nuannarisaqarneq akisussaaffeqarnerlu angusanik pitsaasunik, tulluusimaarutigisinnaasatsinnik inerneqartarput.

Ataatsimooqatigiinneq pitsaasuuvoq ilumoorsaaginnarfiunanilu, aammalu ulluinnaat amerlanertigut ulapaarfiusut isumagissaarnermik sunnersimaneqartarput. Suliffeqarfiuvugut inissaqartitsiviulluartoq, suleqatigiit nuannersumik ataatsimoorfigisaat aammalu sulinerup iluani ilaqutariittullu inuunerup ataqatigiinnissaannik ataqqinniffiusoq.

Atorfimmi pingaartumik nalunaarasuartaateqarnermut allakkerinermullu inatsisinik nalunaarutinillu pioreersunik nutarterinissaq aallunneqassaaq.

Tusarfiginissat qilanaaraarput, aammalu Naalakkersuisuni sulineq, Attaveqaqatigiinnermut Immikkoortortaqarfiup suliai sullivippullu pitsaasoq pillugit paasissutissanik tunniussinissamut piareersimavugut.

www.naalakkersuisut.gl aqqutigalugu Kalaallit Nunaanni Namminersorlutik Oqartussani sulineq pillugu isumassarsiorsinnaavutit paasisaqarsinnaallutillu.
 
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga atorfinitsitaanermi soraarnermilu angalanissamut pisattallu nassiunneqarnerannut akiliunneqarnissamut ilanngullugit. Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inummik piukkunnaatilimmik, ukiuni arlalinni aaqqissuussaanermi naalakkersuinikkut aqunneqartumi sulinermik misilittagaqartumik atorfinitsitsinermi, aalajangersimasumik nalileereernerup kingorna immikkut ittumik siunnersortitut imaluunniit siunnersortaanertut atugassaqartitsiviusumik atorfinitsitsisoqarsinnaavoq.

Inissiaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Ulloq atorfiniffissaq
Januaarip ulluisa aallaqqaataanni isumaqatigiissuteqarnikkulluunniit.

Piffissaq suliffissaq
Sapaatip akunneranut nal. ak. 40-t

Ulloq qinnuteqarnissamut killigititaq
Ulloq 6. decembari 2019

Ulloq atorfinitsitsinissamut atatillugu oqaloqatiginniffiusussaq
Sap. ak. 50, 2019

Soqutiginnippit?
”Qinnuteqaat nassiuguk” toorlugu qinnuteqaatit, CV-t, ilinniarsimanermut pikkorissarsimanermullu uppernarsaatit kiisalu allagaatit attuumassuteqartut allat nassiutikkit.
E-mail aqqutigalugu qinnuteqaatinik tigusisanngilagut.

Apeqqutissaqaruit allaffimmi pisortaq Baldur av Skarði baos@nanoq.gl tel: 346959-imut attaveqarfigisinnaavat.
 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk