Skip to main content
67

Dette jobopslag er udløbet

Ataatsimut atuarfiusuni qallunaatut, tuluttut inuiaqatigiilerinermilu vikari/paarlatsissarsiorneq Aatsitassalerinermut Ilinniarfimmi KTI – Greenland School of Minerals & Petroleum Sisimiuni

Kalaallit Nunaat nuannernerpaaffiani misigiuk.

Ataatsimut atuarfiusuni qallunaatut, tuluttut inuiaqatigiilerinermilu vikari/paarlatsissarsiorneq Aatsitassalerinermut Ilinniarfimmi KTI – Greenland School of Minerals & Petroleum Sisimiuni.

Qallunaatut, tuluttut inuiaqatigiilerinermilu, maannakkumiit december 2020 tikillugu, paarlatsissarsiorpugut ajornanngippallu sivitsuisoqarsinnaalluni.

Teknikimik Ilinniarfik (KTI) Namminersorlutik Oqartussat ataanni inissisimavoq Nuummi Sisimiunilu ilinniarfinnik neqerooruteqarluni ukunani; Savimilerineq, sanaartorneq, aatsitassalerineq, oqaatsit kiisalu ilinniarnertuungorniarfik.

KTI aamma ARCTIC - DTU peqatigalugu ingeniørinngorniarfinnik marlunnik neqeroorpoq.
Aatsittassalerinermut Ilinniarfimmi neqeroorutaapput aamma aatsitassalerinermut ilinniarnerit pikkorissarnerillu nunat tamalaat akornanni suliffeqarfinni sulinermut sammisut.
 Ilinniartut siunissami sanaartornermi aatsitalerinermilu sulineranni, oqaatsinut piginnaasai qitiusussaapput. Taamaammat ilinniartitsisumik ilinniartunik piginnaasamikkut assigiinngisitaartunik, ilinniarnerullu sammiviinut tunngasunik qallunaatut tuluttullu oqaatsitigut ilinniarnertuut piginnaasaannut kivitsisinnaasumik pissarsiorpugut.

Naatsorsuutigaarput:

  • Ilinniarfissuarmi assigisaaniluunniit ilinniarsimasuusutit.
  • Ilinniartitsinermik misilittangaqartutit.
  • Inuusuttut inersimasullu sullisissallugit piareersimasutit.
  • Aqutsisut ilinniartitsisullu allat peqatigalugit nutaanik ilinniusiorsinnaanerit.
  • Ataavartumik sullarissuusutit, naapikkuminartoq ilinniartunut ammasumik naaperiaasinnaasoq. 


Tunniussinnaasagut:

  • Suliffitsialak.
  • Ulluinnarni ilinniartitsissutinilu sunniuteqarsinnaanerit.
  • Kalaallit Nunaat – ukiup taamaalinerani pinngortitamut unnuiartorsinnaaneq soorlu katersilluni, aalisarneq piniarnerlu. Iluatsitsissaguit qimusserneq misigisinnaavat.
  • Suliartornermi uternermilu angalaneq.
  • Illusimaffik pisatsersoriigaq.


Qinnuteqarfissaq ulloq kingulleq: 26. august 2020 – qinnuteqaatit takkukkaangata suliarisassuagut.

Paasissutissat allat.
Atorfik pillugu paasissutissanik piniaraanni saaffiginniffissaq: Ilinniartitaanermut Pisortaq Hans Hinrichsen, oqarasuaat +299 532988 immaqaluunniit e-mail hahi@kti.gl  aamma Curtis Chapman +299 867638 cuch@kti.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk