Skip to main content
106

Dette jobopslag er udløbet

ASA qarasaasialerinikkut suliniutinik ineriartortitsisarnernut ingerlatsisarnernullu siunnersortimik pissarsiorpoq

Aqutsisoqarfimmi eqeersimaarfiusumi pissanganartumilu sulissallutit takorloortarpiuk tassanilu pingaarnertut akisussaaffigissavatit ineriartortitsineq, atulersitsisarneq aammalu ulluinnarni qarasaasiakkut iluarsisarnernik ingerlatsisarneq, intranetti kiisalu Namminersortutik Oqartussat sulisussarsiornermi aaqqissuussineq?
- Taamaassimappat taava atorfik una ilinnut assut piukkunnassaaq!

Allaffik pillugu
Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq. Aaqqissugaanermiipput naalakkersuisoqarfiit arlallit kiisalu aqutsisoqarfiit tamarmik immikkut suliassaqarfiusut.
Suliassanik aqutsisoq suleqatit marluk ilinniartunut ilaasut pingasut peqatigalugit Suliniutinut allattoqarfimmisulilissaatit. AllaffikAningaasaqarnermut Sulisoqarnermullu Aqutsisoqarfimmi (ASA) inissisimavoq.

Atorfik pillugu
Aningaasaqarnermut Sulisoqarnermullu Aqutsisoqarfimmi pingaarnertut anguniagaasoq tassa, tulluusimaarutigisarujussuarput ''Kalaallit Nunaanni ineriartortitsinissanut isumalluutinik atorsinnaalersitsineq.'' Siunertgamut tamatumunnga naammassinninnermut tunngatillugu saqquminerusumik ataqatigiissaarinermillu inissisimassaatit. Tassunga atatillugu pingaarnertut suliassat tassaassapput aaqqissuussamik PODIO-mik atuutsitsisarnernik nangitsisarneq kiisalu Namminersorlutik Oqartussat sulisussarsiornermi aaqqissuussamik EMPLY-mik ulluinnarni ilinniartitsisarnernik, ineriartortitsinermik ingerlatsisarnernullu akisussaasuuneq.
PODIO tassaavoq suliassat suliarineqarnissaannut aqutsinermi, suliniutillu ingerlanneqarnerani aamma aqutsisut paasissutissiisarnissaannut iluaqutaasussamik digitalitigut sulinermi sakkoq. Aaqqissuussineq ilisimasanik agguaassisarnernut, suliariaatsinik ammasunik qulakkeerinnippoq aammalu akisussaaffimmik agguaassinermut erseqqarissumut ilanngussilluni. Tamakku saniatigut aaqqissuussaaneq ASA-mi pitsaanerusumik atuisunut misigisaqartitsisarpoq. 
EMPLY tassaavoq Namminersorlutik Oqartussat tamarmiusut sulisussarsiornermi aaqqissuussineq. Ulluinnarni ingerlatsinermut akisussaasunngussaatit - taakkununnga ilaallutik pitsaassutsimik misissuineq, piffissaliussanillu assigiinngitsunik malinnilluarsinnaanernik qulakkerinnittarnerit, tusagassiuutinik suleqatigisanillu attaveqartarnerit kiisalu isumaqatigiissutitigut ukiumoortumik isumaqatigiinniartarnerit.
PODIO EMPLY-mullu tunngatillugu atuuttoq tassa, atorfiup ilagigaa ASA-mi aammalu Namminersorlutik Oqartussani tamarmi suleqatinik ilinniartitsillunilu ikiorsiisarnissaq.

Sulianut tunngasutigut piginnaasat 

  • Paasinnillaqqissuuseqarneq ataqatigiimmillu aaqqissussisarnernut nutaanut ilanngussinnaassuseqarneeq.
  • Attuumassuteqartumik ilinniagaqarneq aamma/imaluunniit qarasaasianut atortorissaarutinik misilittagaqarneq
  • Ingerlatitsinermut pikkoriffilik / ilinniartitsisartoq

Inuttut piginnaasat

  • Kiffartuussiumalluartoq tamatigullu ikiorsiinissamut qungujulalluni piareersimasartoq
  • Ataqatigiissillugu aaqqissuussamik sulineq aamma akisussaassutsimik, pitsaassutsimik aamma sullissinerup ilusaanik pingaartitsineq
  • Kusanartumk misikkarissoq
  • Ammasuulluni ilakkuminartuuneq, attavigiuminartuuneq aamma aaqqissugaanikkut avatinniittunik kajumissaarisinnaassuseq
  • Sulianut nutaaliortumik pilersitsisinnaavoq
  • Eqeersimaartoq isumassarsillaqqissorlu
  • Isummanik aallartitsisassaatit suliassanullu qarasaasiatigut aaqqiissutissanik siunnersuuteqartassallutit.'

Akissarsiat atorfininnermilu atugassarititaasut
Sapaatip akunneranut 40 tiimit suliffiussapput.
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Paasissutissat sukumiisut
Atorfik pillugu paasissutissat sukumiinerusut pineqarsinnaapput saaffigalugu Suliassanik aqutsisoq Jacob Larsen, jala@nanoq.gl imaluunniit +299 345219.
Namminersorlutik Oqartussat pillugit erseqqinnerusumik paasisaqarusukkuit  www.naalakkersuisut.gl takuuk
Ulloq sulilerfissaq tassaavoq 1. december 2019 imaluunniit piaarnerpaamik
CV, soraarummeersimanermut uppernarsaatit, pineqartumullu attuumassuteqarsinnaasut qinnuteqaammi ilannguteqquneqarput.


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk