Skip to main content
89

Dette jobopslag er udløbet

Aningaasaqarnermut suliaqartoq/Business Controller

ALLAGARSIUTEQQITAQ

Aningaasaqarnermik suliaqartoq/Business Controller Ilisimatuarfimmut

Naatsorsuusiornermut aningaasaqarnermullu qaffasissumik inissisimasumik suliffissarsiorpit – taava tassaassaaq Ilisimatusarfik. Controlle-qarneq nukittorsarniarparput taamaammallu naatsorsuusiornermik/controller-iunermik misilittagaqarluartumik pissarsiorpugut – tassaavit illit suleqatissarput nutaaq?

Atorfiuvoq naamminersornartoq allanngorartunik suliassaqarnartoq, susassaqarfimmut inummullu unammillernartoq. Naatsorsuusiorfimmi maanna marluulluta sulisuuvugut tunniussisimalluartut, suleqatissatsinnik ujaasivugut, taamatuttaaq piumassuseqarluartumik suliassaminullu pikkorilluartumik, suliffeqarfitsinni akuusussamik.

Suliassatit ukunerussapput:

  • Aningaasartuutinut misussuinerit suleriaatsinillu nakkutilliinerit
  • Ulluinnarni Ilisimatusarfimmi ingerlatsinermik nakkutilliineq
  • Missingersuutit naatsorsuutillu
  • Akiligassanik ataavartumik akuersisarneq naatsorsuutinillu allattuineq
  • Akissarsianik naligiissaarineq
  • Assigiinngitsunik akiligassalerineq
  • Aningaasat tigoriaannat aqullugit
  • Allaffissornikkut periutsinik pitsaasunik inerisaajuarneq piuartitsinerlu.


Ilaatigit allaffimmi allaffissornikkut suliassanik naammassilluarnissamut ilisimasaqarluarlutillu ataqatigiissaarisassaatit, ilaatigullu nammineq akisussaffeqartassallutit.

Atorfinitsitaanernut atatillugu maanna suliassanik agguataarinerit allanngorsinnaassapput, illit suleqativillu piginnaasasi pitsaanerpaamik atorneqarnissaat pillugu.

Suliassat suliarineqartassapput Ilisimatusarfimmi immikkoortortaqarfiit/allaffissornermut suleqatigiikkuutaat suleqatigalugit.

Piginnaasat kissaataasut:

  • AU-mik, HD-mik imaluunniit ilinniakkamik naleqquttumik allamik aningaasaqarnermut naatsorsuusiornermullu tunngasumik ilinniaqarsimanissat.
  • Pisortat allaffissornerinik annertuumik misilittagaqarnissaq taassumalu ataani aningaasanut sulisoqarnermullu tunngasunik.
  • Ataqatigiissumik aaqqissuussisinnaaneq, tamakkiisumik isiginnissinnaaneq, peqqissaartuuneq akisussaaffimillu tigusisinnaaneq.
  • Suleqatikkuminartoq oqaloqatikkuminartorlu – illup iluani avataanilu
  • It-systeminut ilisimasaqarneq
  • Kiffartuussilluarusuttoq
  • Ulluinnarni suliassanik allanngorartuartunik sulinissamut piginnaasaqarneq
  • Sulisinnaanissamut annertuumik piginnaasalik
  • Marluinnik oqaaseqarnissaq (kalaallisut qallunaatullu) kissaatiginarpoq, tuluttoorsinnaanerlu kissaatiginarpoq.
  • Aningaasaqarnermut naatsorsuutinullu tunngasunik suliassanik takkuttartunik (Ad Hoc) suliaqarsinnaaneq.


Neqeroorutigissassagut:

  • Suleqatit pikkorissut, qiimasut piginnaasaqarluartullu persuarsiorpalaartuunngitsumik pissusillit.
  • Atorfiup suliassartaanut sunniuteqarsinnaaneq
  • Susassaqarfiup iluani ineriartorsinnaaneq
  • Suliffik ineriartortoq


Atorfik inuttalerneqarusuppoq 15.02.2020 imaluunniit isumaqatigiinnikkut

Ilisimatusarfik pillugu:
Ilisimatusarfik – Grønlands Universitet – ilisimatusarfiuvoq issittumiittoq, tamaanilu piffimmi sukkasuumik ineriartortumi ilisimasaqarlernermik nutaaliornermillu pilersitsisartoq.
Ilisimatusarfik 4-nik immikkoortortaqarpoq, (Instituttit)  
Piorsarsimassulerinermik, Oqaasilerinermik, Oqaluttuarisaanermillu Institutti
Ilinniartitaanermut Institutti,Ilinniarfissuaq, ilinniartitsisullu ilinniaqqiffiat
Peqqissaasutut Ilinniartitaanermi Peqqissutsimullu Ilisimatusarnermi Institutti, Peqqissaanermut Ilinniarfillu
Inuiaqatigiilerinermik, Aningaasaqarnermik Tusagassiornermillu Institutti.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk