Skip to main content
106

Dette jobopslag er udløbet

Aningaasaqarnermut siunnersortimik pissarsiorneq

Aningaasaqarnermut siunnersortimik pissarsiorneq
- Nunatsinni pisortat ataatsimut ERP allattoqarfianni siunnersortitut sulissallutit piareersimavit?

Pisortat ataatsimut ERP-mi allattoqarfianni aningaasaqarnermut siunnersortinik sulisussarsiorpugut, aningaasaqarnermut aqutsinermik naatsorsuuserinermillu  misilittagaqarsimaneq iluaqutaassaaq.
ERP allattoqarfiup Kalaallit Nunaanni ERP systemimik ingerlatsineq sullissinerlu akisussaaffigaa. ERP-allattoqarfiani qitiusumik suleqatitillu Kalaallit Nunaanni kommunini tallimani aamma Namminersorlutik Oqartussani ataatsimut ERP-mi nalunaarsuiffimmik ingerlatsinermi peqataassaatit.

Suliassatit
Allaffimmi pisortaq qullersaralugu suliarissavatit:

  • Qitiusumik nalunaarsuiffimmik ERP-mik ikkussuineq
  • Atuisunik sullissineq
  • Kommunini aamma Namminersorlutik Oqartussani immikkoortortaqarfinnut Naalakkersuisoqarfinnullu oqaloqateqartarnermi attaveqartarnermilu peqataaneq
  • Misileraanerni peqataaneq
  • Ilinniartitsinermi atortunik suliaqarneq ilinniartitsinerillu suliaralugit
  • Suliffimmut atasumik angalaneq ilinniartitsinerlu
  • Allaffimmi suliassanut tunngassuteqartunik suliaqarneq
  • Suliniuteqarnerup kingorna ERP systemimi qitiusumik ingerlatsineq/sullissineq ineriartortitsinerlu

Piginnaasatit
Naatsorsuutigaarput immikkoortuni ataaniittuni ataatsimi arlalinniluunniit misilittagaqartutit:

  • aningaasaqarnermik aqutsinermik aningaasaqarnermilu nalunaarsuiffinnik suliaqarneq, AX2012 suliaqarnermik misilittagalik
  • ilinniartitsissutinik suliaqarneq
  • naatsorsuuserinermik ilisimasaqarluartoq  
  • sullissinermik sungiussisimasoq
  • paasititsiniaaneq
  • kalaallisut danskisullu piginnaasaqarneq, tuluttullu paasisinnaaneq

Naatsorsuutigaarput inuttut qajannaatsuusutit, tusarnaarsinnaasutit, paasissutissanik isumaginnissinnaasutit, aamma attaveqartarnermik pikkoriffeqartutit aalaakkaasumillu attaveqaqatigiilersitsisinnaasutit. Suliffeqarfimmi tamanut attaveqallaqqissuusutit, allattariarsornikkut oqaluttariarsornermilu.

Ilinniakkatit
Piginnaasatit qulaaniittunut naapertuuttumik ilinniagarneq.

Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut Kalaallit Nunaanni inuiaqatigiit digitalikkut ineriartornerat siuarsarnissaa, pisortat allaffissorneranni pisariillisaaneq aamma anguniarlugu.Tamanna ERP-mik suliniuteqarnerup pingaaruteqartup ilagaa. Suliniut maannakkut projektitut aaqqissuussaanermit ingerlasoq sullissivittut qitiusumik ataavartumik allaffeqarfinngornissamut ikaarsaarpoq.

Neqeroorutigaagut
Atorfik assigiinngitsunik suliaqarfiusoq tamatigoortoq, namminersorfiusoq unammillernartorlu neqeroorutigaarput, suliamik ingerlatsinermi inuttullu ineriartornissamik periarfissiisoq. Suleqatit pikkorissut tunniusimasullu peqatigalugit persuarsiorani avatangiiseqarfiusumi suleqataassaatit.
Aaqqissuussaanermi ERP allaffeqarfimmiissatit, taannalu maannakkut Digitalimik Sullissinermut Aqutsisoqarfiup ataani inissisimavoq..

Atorfik pillugu annertunerusunik paasisaqarusukkuit allaffimmi pisortaq Svend Lynge Larsen attaveqarfigisinnaavat, oqarasuaatikkut
Atorfik pillugu annertunerusunik paasisaqarusukkuit allaffimmi pisortaq Svend Lynge Larsen attaveqarfigisinnaavat, oqarasuaatikkut +299 346478 mailikkulluunniit uunga: svll@nanoq.gl.

Qinnuteqaateqarnissamut piffissaliussaq: 17. oktober 2019.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk