Skip to main content
115

Angarlarsimaffik Aja immikkoortortaqarfimmut minnermut pisortassamik qinnuteqarpoq

Immikkoortortaqarfimmi minnerusumi pingasunik najugaqarfiusumi pingasunillu sulisulimmi pisortanngorusuppit - taamatullu atorfimmik attuumassutilimmik sungius-sisimavit ? 

Suliassatit makkuussapput:

  • Ulluinnarni aqutsineq, nakkutilliineq aamma suleqatinik pingasuusunik ilinniartitsineq..
  • Suliffimmi sulinermi ingerlatsinermi peqataalissaatit
  • Skemaliorneq  -  suliffimmi sulisut piffissaannik aaqqissuineq
  • Perorsaanermut tunngasuni pingaaruteqartumik sulissaatit
  • Toqqaannartumik najugalinnut attaveqarneq
  • Allaffiup (pisortap aamma tullersortip)  suleqatinut avataaniittunut allakkatigut atassuteqarneq isumagisavaat


Naatsorsuutigaarput annerpaamik  makkua piginnaaneqarfigigitit pisinnaassuseq aamma piginnaaneqarneq
Sulianut pisinnaassutsit:
Naleqquttumik ilinniagaqarneq
Ajornanngippat ulloq unnuarlu angerlarsimaffinni sulinermik  sungiussisimaneq aamma/imaluunniit inunnik timikkut tarnikkullu sulinermi sungiussisimasoq

Inuttut piginnaaneqarfiit:

  • Nukik/piginnaasaq akuersaaartoq
  • Marluinnik oqaaseqarneq iliaqutaassaaq
  • Nammineq paasisimasaqassuseq
  • Sungiussiasoq
  • Qajannaatsoq
  • Tatiginarlutit periaatsit piviusunngortitseriaatsillu suliarisagut sulilluarlutit ingerlateqqittas-sagitit.

Uatsinnut tunngasut:
Kalaallit Nunaanni Namminersortut ataani ulloq unnuarlu suleffeqarfimmut inuusuttunut 14-niniit-20-it angullugit ukiulinnik ingerlatsilluta suliffeqarfiuvugut  -  aammalu aaqqissuussi-nermut ataqatigiissillugu inunnik isumaginnittoqarfiup  ataani ulloq unnuarlu angerlarsimaf-finnut immmikkoortortaqarfimmi inissisimalluta..
Pingasunik (3) immikkoortortaqarpugut katillugit 13-inik  najugaqarfiusumi aamma 21-nik aalajangersimasumik sulisulimmi.
Immikkoortortami pisortaq pisortamut taassumalu tullersortaanut attaveqaataavoq  aamma ulluinnarni immikkoortortaqarfiit sulianut tunngasunik allat isumasioqatigisarlugit.

Neqeroorutigaagut:
Aqutseqatitiit sungiussisimasut
Ilisimasanik suliassanillu avitseqatigiinneq
Piginnaatitsineq
Imartussuseq aamma sulisorisanik isumaginninneq
Suliassanut annertuumik ilisimasalik
Ajunngilluinnartuunngilagut – eqqarsarluartuullutali

Paasissutissat allat:
Atorfimmut tunngatillugu paasisaqarnerorusukkuvit  tikilluaqqusaavutit pisortaq (forstander) Fie Hansenmail-ikkut aaja@nanoaq.gl imaluunniit oqarasuaatikkut +299 32660 atorlugu atta-veqarfigissallugu. Eqqaamalluguli  Qallunaat Nunaanniit sianissaguvit taanna nalunaaquttap akunnerinik sisamanik siulliulluni nikingammat.

Qinnuteqartut pillagaasimanermut allagartaq tunniutissavaat aamma meeqqanik atornerluisi-mannginnermut uppernarsaat pissarsiariniarneqassaaq.
Atorfininneq isumaqatiginnikkut allartinneqssaaq
Qinnuteqarfissaq ulloq kingulleq tassaavoq 31. August.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk