Skip to main content
72

Dette jobopslag er udløbet

Akileraartarnermut Aqutsisoqarfimmut fuldmægtigi ilinniagartooq

Ulluinnarni ulapiffiusuni aqutsisoqarfimmi pisortamik ikiorsiisartussamik fuldmægtigimik ilinniagartuumik pissarsiorpugut.

Uani suliassanik immikkut ilisimasalittut ilinniagalittullu atorfik eqqartorneqarpoq, aqutsisut aqutsisoqarfiullu, kiisalu aqutsisoqarfiup naalakkersuisoqarfiullu akornanni ataqatigiissaarisutut attaveqaataasussaq.  Ujartugarput tassaavoq ulluinnarni sukkasuumik ulapaarfiusaqisumi sivikitsumillu piffissalikkanik suliaqarsinnaasoq.

Uagut pilluta
Akileraartarnermut Aqutsisoqarfik 120-nik sulisoqarpoq Nuummi, Qaqortumi, Maniitsumi, Sisimiuni, Ilulissani kiisalu Danmarkimi allaffinnut agguataarsimasut.

Atorfik Nuummi qullersaqarfittut ingerlatsivimmi inissisimavoq aqutsisoqarfiup pisortaanut toqqaannartumik nalunaartartussaalluni, aqutsisoqarfimmut kiisalu Aningaasaqarnermut Naalakkersuisoqarfimmut attaveqarluartuulluni.  

Suliffik persuarsiorfiunngitsumik ammasumillu sulinermi atugassaqarfiusoq, assigiinngiiaartunik suliassaqarfiusoq, suliakkiisartunut qanittumik inissisimasoq sulilluartunillu sulisulik neqeroorutigaarput. Suliffeqarfiuvugut isummersoqatigiittarnertigut suliatigullu immikkoortortaqarfiit ineriartortinnissaannut pitsaasunik periarfissaqarluta.

Suliassat      
Qullersaqarfittut ingerlatsivik eqqartorneqarpoq assigiinngitsorpassuarnik suliassaqarfiusoq ulluinnarni tamatigoortunik assigiinngiiaartunik ulapaarfiusumik ataqatigiissaarinermik sammisaqarfik, taakkununnga ilaallutik:

  • Akileraarnermut Aqutsisoqarfiup suliassaqarfiisa iluini misissueqqissaarinernut atortussanik aammalu nalunaarusianik suliarinnittarnerit, taakkununnga ilaallutik Inatsisartut ataatsimiinnerisa nalaani atortussat kiisalu § 37-inik akissuteqaatit.
  • Immikkoortortanit allanit suliassanut tunngasutigut ilassutinik akisussaasutut pissarsiniartartoq.
  • Suleqatinik attuumassuteqartunik ataatsimeeqqateqarnissanik piareersaanernik, naammassinninnernik malitseqartitsinernillu, taakkununnga ilaallutik ataatsimiinnernut isummernissamut tunngavissianik powerpoint-inik tunngavissiassatut atortussiaanik suliarinnittarnerit.
  • Nukinginnartumik suliassat.


Ilinnut tunngasut

  • Ilinniagartuutut ilinniagalik, ajornanngippat aningaasaqarnermut inatsisilerinermut tunngasutigut allamik tunuliaqutilik
  • Ukiorpaalunni misilittagaqartuuvutit, kisiannili aamma ilinniarnerminit naammasseqqammersut aamma eqqarsaatigineqarsinnaapput
  • Pisortat ingerlatsiviini misilittagaqarsimanissat aaqqissuussaanermilu naalakkersuinikkut aqutaasumi sulisimanissat kissaatiginarpoq
  • Oqallorissuullutillu allallaqqissuussaatit
  • Nalilersuilluni misissuisarnermut piginnaaneqarputit, kisitsisinillu paasisimasaqarluartuuguit iluaqutaassaqaaq
  • Inunnik assigiinngitsunik tunuliaqutilinnik suleqateqallaqqillutillu attaveqaqateqallaqqissuuvutit, aammattaaq inatsisilerituujunngitsunut
  • Aaqqissuussamik suleriaaseqarputit suliannullu akisussaassuseqarnermik misigisimasarlutit
  • Suleqatitit qanittumik suleqatigalugit suliassat assigiinngiiaartut arlallit ataatsikkut suliarisarsinnaavatit
  • Sulianut tunngasutigut siamasissumik piginnaasaqartutit, suliassaqarfiillu nutaat paasisaqarfigipallassinnaanissaat sapiiffigisuuat
  • Kalaallisut danskisut tuluttullu oqalussinnaallutillu allassinnaaguit iluaqutaassaaq
  • Kalaallit kulturiannut aamma inuiaqatigiinnut kalaallinut ilisimasaqaruit iluaqutaassaaq


Aningaasarsiat atorfinitsitaanermilu atugassarititaasut
Isumaqatigiissuteqarnikkut atorfinittoqarsinnaavoq.

Piffissaq suliffiusoq aallaavittut sapaatip akunneranut nalunaaquttap akunnerinik 40-nik sivisussuseqarpoq.  Qinnuteqartunut suli ilinniartunut isumaqatigiissusiortoqarsinnaavoq ilinniarnerup naammassinissaata tungaanut piffissap suliffiusup sivikillineqarnissaanut.

Atorfik aallaaviatigut fuldmægtigip atorfiatut inuttalerneqassaaq. Qinnuteqartumut eqqortumut naleqquttumik misilittagalimmut pissutsit malillugit immikkut siunnersortimut- imaluunniit siunnersortaanertut tapinik tunniussisoqarsinnaavoq.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit pissapput.

Kalaallit Nunaanni Namminersorlutik Oqartussat isumaqatigiissutaat uani takukkit: http://naalakkersuisut.gl/da/Naalakkersuisut/Job/Overenskomster-og-aftaler

Danmarkimi sulinngiffeqarnissamut periarfissat:
Naalagaaffimmi atorfillit aamma AC-mi isumaqatigiissutit arlallit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliannut/ aappaannut aamma atuupput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Paasissutissat sukumiinerusut
Atorfik pillugu annertunerusumik paasisaqarusukkuit, piumaguit attavigisinnaavat Aqutsisoqarfimmi pisortaq Kim. N. Nielsen, oqarasuaat 346531 imaluunniit e-mail knn@nanoq.glaqqutigalugit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqarnissamut killissarititaq: 16. marts 2020

Atorfinitsitsinissamut oqaloqateqarnissat qinnuteqarnissamut killigititap naanerata kingunitsianngua ingerlanneqassasut naatsorsuutigineqarpoq.

Akileraartarnermut Aqutsisoqarfiup oqaloqatigiinnissamut aggeqqullutit toqqarpagu tulliusutullu qinnuteqaativit ingerlannera ingerlateqqissallugu, Akileraartarnermut Aqutsisoqarfiup pineqaatissinneqarsimannginnermik uppernarsaativit nuutinneranik qinnuigissavaatit. Pineqaatissinneqarsimannginnermik uppernarsaateqarnissat saneqqunneqarsinnaanngitsumik piumasaqaataavoq.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk