Skip to main content
106

Akileraartarnermut Aqutsisoqarfik Ilanngaaserisumik ikiaroornartumik qinaasisinnaasumik qimmeqartinneqartussamik ataatsimik sulisussarsiorpoq

Inuiaqatigiit toqqissisimasumik sullinneqarnissaannut suleqataarusuppit?
 
Kallaallit Nunaat tamakkerlugu suliffigaarput najugaqartut allallu tamaasa sullillugit.
 
Suliffitsinni pimoorullugu suleqataarusukkuit – taava ilanngaaserisutut atorfik Nioqqutissanik Akitsuutinillu Nakkutilliisoqarfimmi ilinnut piukkunnartuuvoq! Sulinitsinni angusagut pitsaasut suleqatigiilluarnitsigut takussutaassapput.
 
Ilanngaaserisutut qimmeqartinneqartussatut allanik pingasunik ilanngaaserisunik suleqateqassuutit Nuummiit allaaveqartunik.
 
Taamaattumik pingaaruteqarpoq, illit inuttut, allanik suleqatissarsiorninni, illit sulianik iluarseeriarsinnaassuutit, sulinerullu nalaani sullissaq qitiutillugu ulapaarsinnaasuussaallutit.
 
Sulinermi aaqqissuussaanermik inissisisimaneq suliassallu:
Atorfik Nuummi Nioqqutissanik Akitsuutinillu Nakkutilliisoqarfimmi, Akileraartarnermut Aqutsisoqarfiup Siunnersuinermut Nakkutilliinermullu Immikkoortortaqarfiata ataani inissisimavoq.
 
Immikkoortortaqarfiup suliarai akileraarutinut tunngasut tamaasa,  ilanngullugit nunami innuttaasut, ingerlatsiviit, suliffeqarfiillu namminersortut akileraarutaannik naliliinerit, kukkunersiuinerit, apeqquteqaatit akineri kiisalu tamakkiisumik innuttaasunut suliffeqarfinnullu ilitsersuinerit, il.il. ilanngaaserisoqarnerlu.
 
Ilanngaaserisutut, makku suliarissavatit:

  • Umiarsuit timmisartullu ikiffigalugit misissuiffigineri il.il.
  • Timmisartukkut, allakkatigut umiarsuakkullu nassiussanik misissuinerit
  • Timmisartunut ilaallutik tikittunik misissuinerit
  • Kallaalit Nunaani ilanngaaserisunik nakkutilliineq ilinniartitsinerlu
  • Ilanngaaserinermi sulinermi allaffissornermi suliassanik suliaqarneq, misissugassanik paa-siniaaqqissaarneq, nioqqutissat eqqussukkat annissassallu uppernarsaataannik misissuineq il.il.

 
Naatsorsuutigissavat ukiup ingerlanerani arlaleriarlutit angalasarnissat.
 
Akileraartarnermut Aqutsisoqarfimmi suleriutsinik makkuninnga ilinniartinneqassuutit:

  • Inatsisit ukununnga tunngasut, nioqqutissanik eqqussuinermi- annissuinermi, tikinnermilu akitsuuteqanngitsunik nassarneqarsinnaasut.
  • Sulinermi qarasaasiat atortorissaarutit nammineq- allallu suleqatigisat pigisaat seqersaatillu
  • Tamakkiisumik misissueqqissaarnissamik suliaqarneq, sulianullu atatillugu isumasioqatigiinnerit
  • Immikkut ittumik umiarsuarni inini matoqqalluinnartuni misissuinermi ilinniarneq Qallunaat Nunaanni Kalaallit Nunaanilu

Ilinniartitaaneq nalinginnaasumik pissaaq Nuummi Akileraartarnermut Aqutsisoqarfimmi.
Piginnaasat:
Illit atorfimmut qinnuteqartutut naatsorsuutigaarput:

  • Suleqatigiinnissamik pingaartitsisuussaasutit
  • Suleqatiginnilluartuussasutit allanillu attaveqarluarsinnaallutit allakkatigut oqaloqatigiinnikkullu
  • Oqaatsitigut piginnaasaqarluassasutit – kalaallisut, qallunaatut tuluttullu.
  • Inussiarnersuullutit, peqqissaartuullutit akisussaaffilimmillu suleriuseqarlutit, sullissinissaq pingaartitaralugu.
  • Tatiginartutut pissuseqarnissat
  • Akulikitsumik kivitassanik oqimaatsunik sulisinnaassaatit

 
Suleqataalluarnerpit saniatigut suliartornissannut kajumissuseqartuussuutit saamasuullutillu, imaassinnaavoq illit tassaasutit atorfimmut inuttassarsiuussarput.
 
Suliffik pillugu saaffissaq
Tikilluaqqusaavutit atorfik pillugu annerusumik paasiniaassallutit saaffiginninnikkut uunga, allaf-fimmi suleriutsinik aqutsisoq Uvdloriánguaĸ Hansen, tlf. (+299) 34 65 83, e-mail uvh@nanoq.gl
 
Atorfik 1. November 2019-imi inuttalerneqassaaq kingusinnerusukkuulluunniit isumaqatigiissu-teqarneq tunngavigalugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk