Skip to main content
115

Aja marlunnik sulisussarsiorpoq

Aja angerlarsimaffiuvoq inuusuttunut tarnimikkut sanngiitsunut ulloq unnuarlu ammasuusoq.
Immikkoortortatsinnut marluusunut marlunnik sulisussarsiorpugut.
Immikkoortortaq aningeq 8-nit najugaqarfiuvoq. Immikkoortortaq mikineq pingasunit naju-gaqarfigineqarluni. Nukappiaraallutillu niviarsiaraappuut.
Sullitat tassaapput  tarnimikkut nappaatillit misigissutsiminnillu allanngorartitsisut.
Suliassaq tassaavoq ulluinnarni imaqarluartumik pitsaasumik pissusilersornissaq.

Piukkunnaatit:

  • Tarnikkut qajaannaatsoq imartussuserlu.
  • Suliamigut piginnaanilik alapernaatsorlu.
  • Qungujunnartunnguanik nuannarisalik.
  • Inuusuttunut inatsisaatsuliorniakujuttartutut pissusilersortartunut maligassiuissallutit piumassuseqartutit.

Suleqataasut suleqatigiinnut ilanngutissapput tamarmiunngikkaluaq  tunngavigisamik tunuliaquteqanngikkaluartunut.
Piffissani assigiinngitsuni pigaartuusarluni sulisoqartarpoq.
Ukiup ingerlanerani naatsorsuutigineqartassaaq aallaarsimaartarfimmut sulialluunniit allat tunngavigalugit angalasarnissaq.
Sulisut nakkutigineqarnissaq naatsorsuutigissavaat.
Qinnuteqartut piumanerussavagut  qallunaatut kalaallisullu oqalussinnaasut.
Isumaqatigiissut tunngavigalugu atorfimmut ikkutissaaq.
Qinnuteqartut naatsorsuutigissavaat oqaaseqaatinik piumasaqarsinnaaneq aamma meeqqanik qanoq iliuuseqarsimannginnermik uppernarsaammik aammalu pinerluttuliorsimannginnermut uppernarsaammik piniarsinnaaneq.
Sapaatip akunneranut 40 tiimit sulisartussamik.
Angerlarsimaffik Aja, Box 1542, 3900 Nuuk, pisortaq Fie Hansen imalluunniit pisortap tullia Jens Pavia Lennert, telefon: +299 326660 imaluunniit:  aaja@nanoq.gl
Eqqaamallugu   Danmark-imiit sianerniaruit nalunaaquttap akunnerinik sisamanik nikingagatta

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk