Skip to main content
88

Dette jobopslag er udløbet

Aatsitassanut Suliassaqarfinnut Avatangiisinik Aqutsisoqarfimmi erninermi sulinngiffeqarneq peqqutigalugu piaartumik sulilersinnaasumik pisortamut taartaasussaq

Inuttassarsiuuteqqitaq: Aatsitassanut Suliassaqarfinnut Avatangiisinik Aqutsisoqarfimmi erninermi sulinngiffeqarneq peqqutigalugu piaartumik sulilersinnaasumik pisortamut taartaasussaq

Aqutsisoqarfimmi pisortap erninermi sulinngiffeqarneq peqqutigalugu 2020-mi juulip qulinganiit 2021-imi apriilip aallaqqataata tungaanut taartaagallartussamik Aatsitassanik Suliassaqarfinnut Avatangiisinik Aqutsisoqarfimmi pisariaqartitsivoq. Ersarissumik periarfissaqartitsilluartumillu aqutseriaaseqarputit, nunat tamalaat akornanni suliassaqarfinni assigiinngitsuni suleriusini siunertaqarlutit sulisinnaallutit. Suliassaqarfiit akimorlugit suleqatigiinnermi aaqqiissutissanik nassaarniallaqqissuuvutit kiisalu ersarissumik paasinnippasittumillu attaveqateqariaaseqarlutit.

Atorfiniffissaq sapinngisamik piaarnerpaamik. Oqaloqatiginninnerit ingerlaavartumik ingerlanneqassapput, atorfinitsitsisoqassaarlu atorfimmut piukkunneqartumik nassaartoqarpat.

Atorfik pillugu
2020-mi julip qulinganiit 2021-mi apriilip aallaqqaataata tungaanut aqutsisoqarfimmi pisortaagallassaatit, aqutsisoqarfimmi pisortap erninermi sulinngiffeqarnerani taartaallutit.

Aqutsisoqarfimmi pisortatut sulinippit nalaani ulluinnarni ingerlatsinerup iluani aqutsinerit ingerlatissavatit aammalu immikkoortortaqarfimmi sulisut tallimaasut suliaannik aqutsissallutit. Taamaattumik sulisunik aqutsinerup saniatigut ingerlatsinerup, ataqatigiissaarinerup isumaqatiginninniarnernillu aqutsinernik, suliarineqartunut isumaqatigiissutit aqunnerinik aammalu suliniutini allaffissornernik minnerunngitsumillu sulianik ingerlatsinerni aatsitassarsiornerup iluani avatangiisinut tunngatillugu isummersoqateqartassallutit. Naalakkersuisunut paasissutissiissutinik isummernissanullu tunngavissianik suliaqarsinnaasariaqarputit kiisalu innuttaasunut siammasissumik paasissutissiinerni peqataasinnaasariaqarlutit. Attaveqatigiinnerit nalinginnaasumik tuluttut, kalaallisut aammalu/imaluunniit qallunaatut ingerlanneqartarput.

Aatsitassarsiortut aatsitassanik kulbrintinilluunniit misissuinissaannut atuinissaannulluunniit tunngassuteqartut Aqutsisoqarfiup oqartussaqarfinni suliassai assigiinngitsut avatangiisinut malittarisassaqarnerup iluaniittut suliarineqartassapput. Ulluinnarni sulininni Pinngortitamut Avatangiisinullu Naalakkersuisoqarfimmi Aatsitassiornermi naalakkersuisoqarfiup iluani sulisut suleqatigiumaarpatit kiisalu Avatangiisinut aqutsisoqarfiup ilisimatuussutsikkut siunnersortigisai Nationalt Center for Miljø og Energi (DCE)-meersut Pinngortitaleriffimmeersullu (GN) aamma suleqatigiumaarlugit.

Suliassanut naammassinnilluarnissannut ilisimasat iluatigut pikkorissuunissat pingaartitaraarput. Avatangiisinut aqutsisoqarfiup iluani aqutsisutut ataatsimuulersitsisinnaavutit pitsaanerulersitsisinnaallutillu. Naatsorsuutigaarput piffissap ilaani aqutsinermik tigusisinnaassasutit nutaanillu ilikkagaqarnissamut kajumissuseqassasutit.

Naatsorsuutigaarput:

  • Naapertuuttumik qaffasissumik ilinniagaqarsimanissat naapertuuttumillu sulinermi misilittagaqarsimanissat, tassunga ilanngullugu aqutsinerup iluani misilittagaqarsimanissaq ingammik pinngortitalerinerup iluani imaluunniit inatsisilerinerup, aningaasalerinerup aammalu inuiaqatigiinni ilisimatusarnerup iluani avatangiisinut aatsitassarsiornerullu iluani ilisimasaqarlutit
  • Pitsaalluinnartumik attaveqariaaseqarnermik pingaartitsisutit
  • Ilisimasaqarfiit ajornartoorutaasinnaasullu assigiinngitsut iluanni ersarissumik paasissutissiiffissannut assigiinngitsunut paasinartumik oqaatsit assigiinngitsut atorlugit paasissutissiisarnermut paasisimasaqartutit
  • Kalaallit Nunaanni avatangiisinut aatsitassanullu tunngatillugu soqutiginnittuunissat ilisimasaqarnissallu
  • Oqartussaqarfinni ingerlatsininni oqartussaqarfinnilu malittarisassani ilisimasaqarluarnissat
  • Nunat tamalaat akornanni avatangiisilerinermi namminersorlutit ataqatigiissaarluakkamik suliaqarusuttutit
  • Sulianut tunngatillugu ingerlatsisinnaassuseqartutit torersumillu periuseqartutit
  • Aqutsinerup iluani misilittagaqartutit aammalu soqutigisallit tunngavigalugit isumaqatiginninniarnernik ingerlatsinermi misilittagaqarnissat
  • Suliniutinik aqutsinernik misilittagaqartutit
  • Tuluttut suliaqarnermi allannermilu misilittagaqartutit
  • Qarasaasianik atuinermi piginnaaneqarnissat


Neqeroorutigaarput
Suliassat soqutiginartut pingaaruteqartut namminerlu akisussaaffigisannik namminersorfiulluarsinnaasut iluanni atorfik. Atorfimmi ilisimasatigut unammillerneqarluarsinnaavutit aammalu ilisimasaqarfippit inuttullu piginnaasaqassutsivit iluani ineriartorfissaqarluni, soorluttaaq Aqutsisoqarfimmi pisortatut sulinerup ingerlanerani aqutsinerup iluani misilittakkanik katersiffiusinnaalluni. Avatangiisinut aqutsisoqarfimmi pingaartitaraarput ataatsimoorluta ersarissumik, ataqatigiissumik ineriartoqatigiinnissarput sulianik ingerlatsinermut iluaqutaasinnaasumik. Atorfimmi pineqartumi ilisimasallit pikkorissut attaveqaatigineqarput tassuunakkkullu aqutsinerup iluani suleqatigiinnerullu iluani isummersoqatigiilluartoqarsinnaalluni.

Angalasarnissat pillugit
Suliamut atatillugu naatsorsuutigineqassaaaq Kalaallit Nunaata iluani avataanullu angalalaartarnissaq.

Atorfimmi piffissaq suliffiusussaq killiligaanngilaq.

Uagut pilluta –Aatsitassanik Suliassaqarfinnut Avatangiisinut Aqutsisoqarfik 
Aatsitassanut tunngasunut Avatangiisinut Aqutsisoqarfik Pinngortitamut Avatangiisinullu Aqutsisoqarfiup ataani aqutsisoqarfiuvoq.  Aatsitassanik Suliassaqarfinnut Avatangiisinut Aqutsisoqarfik aatsitassanut tunngasuni avatangiisinut, pinngortitamut silallu pissusaannut attuumassuteqartuni naliliisarlunilu aalajangiisarpoq. Suliffeqarfiit ilisimatuussuseq tunngavigalugu suliffeqarfinniit arlalinniit avatangiisinillu kikkunnilluunniit attuumassuteqanngitsunit siunnersorneqareernermi naliliinerit tunngavigalugit. Avatangiisinut Aqutsisoqarfik Nationalt Center for Miljø og Energi-mik (DCE) Aarhus Universitetip ataaniittumik kiisalu Pinngortitaleriffimmik (GN) ukiunik arlalinnik suleqateqarnissamik isumaqatigiissuteqarpoq. Avatangiisinut Aqutsisoqarfiup ersarissuunissaq, kinaassusersiortuunnginnissaq sunullu tamanut attuumassuteqartunut akuersaaqataarussussuseqartarneq angorusuppaa. Suliamut ilisimasaqarluarnissaq, peqqissaarluarnissaq, namminersorluartarnissaq tatigeqatigiinnermillu pilersitsisarnermik tunngavilimmik attaveqaqagiittarnissat suleqatigiikkuutaajusugut pingaartippavut. 

Tallimanngorneq ulloq 24. juli 2020 qinnuteqarfissaq kingulliuvoq.
Oqaloqatiginninnerit ingerlaavartumik ingerlanneqassapput, atorfinitsitsisoqassaarlu atorfimmut piukkunneqartumik nassaartoqarpat.

Paasissutissat sukumiinerusut
Atorfik pillugu sukumiinerusumik paasisaqarusukkuit Aqutsisoqarfiup pisortaa Najaaraq Demant-Poort saaffigineqarsinnaavoq oqarasuaat +299 34 68 38 imaluunniit e-mail: nasd@nanoq.gl

Aatsitassat pillugit oqartussaaffeqarfik pillugu sukumiinerusumik paasisaqarusukkuit nittartagaq www.govmin.gl misissorneqarsinnaavoq. 

Aatsitassanik Suliassaqarfinnut Avatangiisinut Aqutsisoqarfiup nittartagaa www.asaa.gl -imi takuneqarsinnaavoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Maleruagassat qaqugukkulluunniit atuuttut malillugit atorfimmut atatillugu utaqqiisaasumik najugassaqartitsisoqarsinnaavoq, najugassaqartitsiviugallartup ingerlanneranut tunngasunik akileeqataanissamut piumasaqartoqarsinnaalluni kiisalu malittarisassat malillugit pisatsersuinermut akileeqataanissamut aamma piumasaqartoqarsinnaalluni. Utaqqiisaasumik najugassaqartitsivik atorfeqarunnaarnermi qimanneqassaaq. Sulisorisap attartukkani atornerlussimassagaluarpagu tamannalu inigisamiit anisitaanermik kinguneqarsimappat, inissiamik allamik utaqqiisaagallartumik tunniussisoqassanngilaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk