Skip to main content
112

Aalisarnermut Piniarnermut Nunalerinermullu aalisarnermut immikkoortortaqarfimmi pisortamik pissarsiorpoq

Aalisarnermut Piniarnermullu Naalakkersuisoqarfik, aalisarnerup, piniarnerup,nunalerinerup aammalu uumasunut nakorsaqarnerup iluani allaffissornermik tassanngalu ineriartortitsinermik  ingerlataqartussamik tamatigoortumik, Naalakkersuisoqarfiup aalisarnermut immikkoortortaani, ulluinnarni aqutsinermik ingerlatsisussamik pisortassarsiorpoq.
 
Pisortanngortussap suliassaa pingaarnerpaaq tassaavoq inuussutissarsiornermi politikkimi pingaarnertut anguniakkat suliniutillu ataqatigiissaassallugit, inatsisit atuuttut aalajangersakkallu iluanni, Kalaallit Nunaata pisussaaffiinut, Naalagaaffiup iluani aammalu Nunat tamat akornanni isumaqatigiissutinut, nunap immmikkoortuini kiisalu atsioqatigiilluni isumaqatigiissutinut naapertuuttumik.
 
Naalakkersuisoqarfiup pingaarnertut suliassaraa aalisarnerup, piniarnerup, aammalu nunalerinerup inuussutissasiutigineqarnerisa ineriartortinnissaat  kiisalu politikkikkut pingaarnertut  anguniakkat naapertorlugit uumasunut nakorsaqarnermut tunngasut ineriartortissallugit. Inatssisartut Naalakkersuisullu malittarisassat aalajangersagaat allaffissornikkut ilanngullugit ingerlanneqassapput.
 
Aalisarnermut immikkoortortaqarfik akuersissutinullu immikkoortoq ataatsimoorput. Sulineq pissanganartuuvoq sulianut unamminartunut ineriartortitsinermik kinguneqartumik imaqarluni. Tamaalilluta suliffeqarfik ineriartortitsinermik nutaamillu periuseqarnermik aallussisoq neqeroorutigaarput. Suliaq naalakkersuinikkut aalajangiinernut qanilluinnartoq. Suliffeqarfik ammasoq qeratasuujunngitsoq eqeersimaarluartunik suleqateqarfik; Inuttut suliassatigullu unammilligassartalik.
 
 
Suliassanut tunngasut
Immikkoortortami pisortap pingarnertut makku suliassarai:

  • Naalakkersuisoqarfiup aqutsisuinut akuussaatit, matumani aningaasanik ingerlatinermut peqataassallutit, allaffeqarfimmi ineriartortitsineq aammalu Naalakkersuisoqarfimmi  pisortanut attaveqarluarneq pilersissallugu suleqatit allat ilanngullugit.
  • Naalakkersuinikkut anguniakkat ataqatigiissaarneri, Naalakkersuisoqarfimmi suleqatit peqatigilluinnarlugit
  • Aalisarnermut immikkoortortaqarfimmi sulisoqarnermut tunngassutillit
  • Immikkoortortaqarfiup siunnersuinermi pisortaa suleqatigalugu suliakkersuineq
  • Pilersaarusiornermi suliassat akisussaaffiillu
  • Sulianut tunngasutigut ineriartorneq qularnaassallugu
  • Inatsisit atuuttut naapertorlugit ingerlatsisoqarnissaa akisussaaffigissallugu
  • Naalakkersuisoqarfimmi allaffissornermi malittarisassat, periutsit pitsaassuserlu peqataaffigalugit
  • Naalakkersuinikkut aalajangiinissamut tunngavissat pitsaasuunissaat peqataaffigissallugu aammalu aalajangiussat piviusunngortinniassallugit
  • Naalakkersuisoqarfiup  Naalakkersuisoqarfinnik allanik suleqateqarnera ataqatigiissaassallugu taamatullu aamma aalajangiussat naapertorlugit allaffissornermi ingerlatassat ataqatigiissaarlugit

 
Piginnaasatut piumasaqaatit:
Aqutsisoq tamatigoortoq inuiaqatigiilerinermik imaluunniit pinngortitalerinermik ilinniarsimasoq imaluunniit allamik naleqquttumik ilinniarsimasoq, aalisarnermut piniarnermullu inuussutissarsiuteqarnermut attuumassuteqaruni pitsaassaaq.

  • Kalaallit, qallunaat tuluillu oqaasiinut piginnaasaqarluartoq
  • Qaffasissumik aqutsinermik misilittagalik
  • Aqutsisimanermut uppernarsaatilik
  • Politikkikkut aqunneqartumik suliaqarnermik misilittagalik
  • Naleqquttumik ilinniakkamut ingerlaqqissimasoq
  • Naalakkersuisoqarfiup akisussaaffiinut ilaanulluunniit misilittagalik
  • Suleqatigiilluarsinnaasoq, ammasoq sullerissoq
  • Aalajaatsoq aammalu qiimasoq

Atorfik Nuummiippoq. 1. Nov 2019 inuttalerneqarusuppoq, imaluunniit allatut isumaqatigiissuteqarnikkut, naleqquttumut. Angalasarnissaq naatsorsuutigineqassaaq.
 
Paasissutissat ersseqqinnerusut Naalakkersuisoqarfiup pisortaanit Jørgen Isak Olsen-imit, jio@nanoq.gl pissarsiarineqarsinnaapput
 
Qinnuteqarnermut killigititaasoq: 25. oktober 2019

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk