Skip to main content
112

Aalisarnermut Piniarnermut Nunalerinermullu Naalakkersuisoqarfik / Aalisarnermut immikkoortortaqarfik pissarsiorpoq A/C-fuldmægtigimik

Aalisarnermut Piniarnermut Nunalerinermullu  Naalakkersuisoqarfimmi Aalisarnermut immikkoortortaqarfik AC-fuldmægtigimik pissarsiorpoq. Kalaallit Nunaanni inuussutissarsiutit pingaarnersaani aqutsinermik suliaqarnermi kajumissusilimmik soqutigisaqarluartumillu Naalakkersuisoqarfik sulisussarsiorpoq.
 
Piaartumik atorfinittoqassaaq.
 
Immikkoortortaqarfimmut atorfimmullu tunngatillugu
Aalisarnermut immikkoortortaqarfimmi Kalaallit Nunaanni aalisarnermik naalakkersuinikkut ingerlatsinermik ulluinnarni allaffissornikkut aqutsineq piviusunngortitsisarnerlu suliarineqartarput.
 
Immikkoortortaqarfiup akisussaaffigai pisassiissutit aalajangersarneqarnissaannut inassuteqaatit suliarineqartarnerat aamma kalaallit nunaanni najugalinnut  nunanilu allamiunut umiarsuaatilinnut aalisartunullu aalisarsinnaanermut akuersissutinik tunniussisarneq. Inuussutissarsiortut suleqatigalugit pisortat ingerlatsinissaannut pilersaarusiortarneq immikkoortortaqarfiup suliassaasa aamma ilagaat.
 
Atlantikup avannaani EU-milu Nunanilu illugiilluni aalisarnikkut isumaqatigiissuteqartarnerit immikkoortortaqarfiup akisussaaffigai, aalisakkat ataatsimoorussat isumaqatiginninniutigineqarneri pillugit nunat sineriallit isumaqatigiinniartarnerannut peqataasarpoq, nunani aalisartut kattuffiinut soorlu ukununnga NAFO, NEAFC aamma NASCO taamatullu nunat avannarliit issittormiullu suleqatigiinnerinut peqataasarluni. 
 
Politikkikkut aalajangiisartut qanimut suleqatigineqarput, taamaattumik suliap ilarujussua naalakkersuisumik kiffartuussinerussaaq kiisalu suliassaqarfimmi Naalakkersuisut politikkiinik malitseqartitsineq.
 
Kalaallit Nunaanni aalisarneq assut naalakkersuinikkut eqqumaffigineqarpoq soqutigisat pillugit imminnut akerleriissinnaasut amerlasinnaallutik. Tamannarpiaq pissutaalluni suliassaqarfik pissanganartuuvoq unammilligassartaqarlunilu.
 
Kipparippallaanngitsumik Ilumoorsaarfiuvallaanngitsumillu avatangiiseqarluta sulivugut suliassallu assigiinngiiaartorpassuit naammassisarlugit , inuttut ataasiakkaarluta sulisarpugut aamma suleqatigiit annikinnerusut  assigiinngitsunik inuttalinnik suleqateqartarluta amerlanertigullu  pisortat suliassaqarfiinik allanik kattuffinnillu akuttunngitsumik suleqatiginnittarluta. Taamaattumik immikkoortortami ulluinnarni sulineq ilaannikkut ulapaarfiusinnaavoq unamminartoqarsinnaallunilu. Taamaattumik sulineq sukkasuumik aamma namminersorfiusumik ingerlavoq. Taamaammat nammineerlutit  makkunannga sulisinnaanissannut piareersimassaatit,  ilaatigut pilersaarusiukkamik ineriartortitsisinnaaneq iluarsartuullugulu pilersaarusiorsinnaanissaq aamma pisortatigoortumik suliassanik suliaqarsinnaaneq    peqatigitillugulu suliassanik ingerlatsinermik nuannarisaqassallutit.
 
 
Suliassat
Suliassat piginnaasat malillugit iluarsaanneqassapput ilaatigullu makkuusinnaallutik;

  • Avataasiorluni sinerissamullu qanittumi aalisarnernik ingerlareersunik ineriartortitsineq ingerlatsinerlu
  • Avataasiorluni aalisarsinnaanermut akuersissutinik suliaqarneq
  • Pilersaarusiornikkut, politikkikkut pisortatigoortumillu aalisarnernik aalisarfiusinnaasunillu nutaanik ineriartortitsineq
  • Aqutsinermut pilersaarusiornernik ineriartortitsineq aammalu piujuaannartitsinissamik sulianik akuersissutinillu ataqatigiissaarineq  
  • Aqutsiveqarfimmi piujuaannartitsinissaq malillugu anguniakkat pingaarnerit
  • Sulliassaqarfimmi Naalkkersuisumik kiisalu aalisarnermut politikkinut tunngasunik apeqqutinut tunngatillugu Naalakkersuisunik tamanik sullissineq

 
Piginnaasat:                     
Naatsorsuutigaarput:                   

  • Ilinniagartuutut naleqquttumik ilinniagaqarsimassasutit                
  • Nammineerlutit, aaqqissuulluakkamik anguniakkanillu aalajangiussisimalluartuullutit sulisinnaasutit
  • Suliassanik siuariartortitsinissamut akisussaaffeqarnissamut aamma suliassat suliarineranni pitsaassutsimik qularnaarinninnissamut piareersimassasutit.
  • Pitsaasumik attaveqalersitsisinnaassuseqarluartutit, sulisinnassuseqarluarlutit sunniuteqaqataasinnaassuseqarluartutillu
  • Danskisut tuluttullu allattarissanik oqaluinnarlutillu erseqqissuliorsinnaassasutit
  • Suleqatigiuminartuusutit
  • Sulinermut suleqatinullu tamatigoortumik ilakkuminartumillu isummersinnaasutit

 
Aqutsinermik misilittagaqartuunissat, naalakkersuinermik avatangiiseqarlutit sulisimanermik misilittagaqartuunissat, aalisarnermut naalakkersuinermik ilisimasaqartuunissat kalaallit nunaannilu pissutsinik ilisimasaqartuunissat iluaqutaassaaq.
 
Kalaallisut oqalussinnaanissat allassinnaanissallu iluaqutaassaaq, piumasaqaataanngilarli.
 
Immikkoortortaqarfipput anginngimmat suleqateqarluarsinnaassuseqassaatit suliassanullu nutaanut suliassaqarfinnut aammalu suliaqartussanik katitigaasut suleqatiginissaannut ammasuussallutit. Immikkoortortaqarfitsinni pingaartipparput suliassat unammillernarsinnaasut qanimut suleqatigiilluta ikioqatigiillutalu naamassisinnaanissaat. Ilutigalugu nammineq akisussaaffigalugu suliassanik  kivitsisinnaanermik akisussaaffeqarpugut
 
Attavissaq/paasiniaavissaq:
Atorfimmut tunngatillugu annertunerusunik paasisaqarusukkuit immikkoortortaqarfimmi pisortaagallartoq Birgitte Jacobsen oqarasuaat  + 299 345346 imaluunniit e-mail bija@nanoq.gl atorlugu saaffiginninnissamut tikilluaqqusaavutit. 
 
Namminersorlutik oqartussat pillugit annertunerusumik paasisaqarusukkuit nittartakkami www.nanoq.gl-mi atorfiit ataani atuarsinnaavatit
 
Qinnuteqaat
Qinnuteqarfissaq ulloq kingulleq 21-10-2019
 
Atorfimmi sulilernissaq piaartumik isumaqatigiissuteqarnikkulluunniit aalartissaaq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk