Skip to main content
93

Dette jobopslag er udløbet

Nuummi Ilulissanilu mittarfiliassatut pilersaarutaasunut suleqatissanik

 

Kalaallit Nunaata siunissaa sanaartoqataaffigerusuppiuk, aamma attaveqaqatigiinnermut suliniut angisooq soqutiginartorlu peqataaffigerusukkukku, taava tusarfigerusuppatsigit. 

Munck ukiuni tulliuttuni sisamani Nuummi Ilulissanilu mittarfittaassat sanaartorneqarneranni siuttuussaaq. Taamaattumik suliassanut assigiinngitsunut sulisussanik pissarsiorpugut.

Ammasumik qinnuteqateqaateqarnissannut tikilluaqqusaavutit.

Sulisussat assigiinngitsut

• Sanaartornermi sulisut, mekanikerit, saffiuut, maskiinalerisut, nunamik uuttortaasartut 

• Formandit, pilersaarutinut aqutsisut/qullersat, ingeniørit, sullissinermi suleqataasut, allaffimmiut suliniutinilu ikiortit.

Takorloorparput suliffimmut kissaatigineqartumut naleqquttumik tunuliaqutaqarlutillu misilittagaqartutit. Tamatuma saniatigut pingaaruteqarpoq, sulianik assigiinngitsunik ingerlataqartut akimorlugit suleqatiginnissinnaanissat aamma sungiussiasuusariaqarputit naammassisaqarusuttuullutillu.

Neqeroorutigaavut    

• suliffik soqutiginartoq, allanngorartoq aamma unammillernartoq     

• inuttut suliamullu atatillugu ineriartorfiusoq   

• kulturi nukittooq, immikkoortukkuuttaarfiusoq, ataqqinninneq aamma piffissaq eqqorlugu naammassisaqartarneq

Isumaqatigiissuteqarnikkut sulineq aallartinneqassaaq. 

Annerusumik paasisaqarniaruit sulisunut ataqatigiissaarisoq una attaveqarfigiuk Mia Hardorf, oqarasuaat  41386789.

Pilersaarut pillugu paasissutissat   

Sanatitsinissamut isumaqatigiissummi ilaapput mittarfinnik sanaartorneq, timmisartunut inissiiartornernut aqqusiornerit, aallartarfimmi/tikittarfimmi illuutit sananeqarnissaannut nunagissaaneq, asfaltiliorneq asfaltilersuinerlu, aqqusinernut tikikkuminarsaaneq, innaallagissap erngullu aqqutissaannik kuuffinnillu ikkussuineq aamma biilit unittarfissaannik pilersitsineq.

Suliassat 2019-imi ukiakkut aallartinneqassapput 2023-llu naanerani naammassineqassallutik.

Munck Gruppenip ingerlatai tassaapput Munck Forsyningsledninger, Munck Asfalt, Munck Havne & Anlæg, Tarcopol, Munck Civil Engineering aamma Munck Íslandi. Suliffeqarfissuaq nuna tamakkerlugu atuuffeqartoq aamma nunani tamalaani, soorlu Polenimi, Kalaallit Nunaanni, Ghanami aamma Islandimi suliaqarlunilu immikkoortortaqarpoq. Munck Gruppen Danmarkimi suliffeqarfiit asfaltiliorfiit sanaartugassanillu suliakkerneqartartut siuttuisa ilagaat. 1.800-t missaannik sulisoqartoq 2 mia. DKK-illu missaannik kaaviiaartitaqartoq.      

  • Munck Forsyningsledninger pilersuinermi aqqusersuutinik ikkussuisarpoq nutarterisarlunilu, soorlu ungasianit kiassarnermik pilersuinernik, eqqakkat aqqutaannut erngullu kuuffiinut tunngasunik. 
  • Munck Asfaltip asfaltilersuinermut suliassat, soorlu aqqusinersuarnut, nunaannaap aqqusernginut aamma biilinut inissiisarfissuit kiisalu biilinut isertarfiit asfaltilersortarlugit. 
  • Munck Havne & Anlægip umiarsualiviit sanasarpai aserfallatsaalisarlugillu aamma nunagissaasarlunilu kuuffilersuisarlunilu betonnginik sanaartornermi atugassanik suliaqartarluni. 
  • Tarcopolip ikaartarfiit betonngilu aserfallatsaalisarpai aamma Polenimi katiterinermut ikkussuinernik aamma asfaltinut kuitsivinnik suliaqartarluni.  
  • Munck Civil Engineeringip suliassat attaveqaasersuinermut tunngasut suliarisarpai – nunamut tamarmut nunanilu tamalaani atuuttussat. Ingerlatseqatigiiffiup maanna sanaartuleruttorpai Odense Letbane aamma Ghanami ikaartarfiliassatut pilersaarut.
  • Munck Íslandip suliarisartagai tassaapput umiarsualiviliornerit, sinerissamik aserfallatsaaliinerit, inuussutissarsiornermut sanaartukkat illuliortiternerillu, mittarfiit, sulluliat, aqquserniornerit aamma nukissiorfinnik pilersitsinerit.

Qinnuteqaammik nassitsigit