Skip to main content
106

Dette jobopslag er udløbet

Saqqummiuteqqitaq - Mittarfik Narsarsuaq terminalarbejderissarsiorpoq

Terminalarbejderitut ilinniagaqarsimavit, aammalu silaannarissoq, Kujataani pinngortitaq nuannaraagit, aamma ullut tamaasa sulilluarnerup isumaginissaa ataqqinaatitut isigaajuk? Taava Mittarfik Narsarsuarmi terminalarbejderitut atorfiup ilinnut naleqquttuunissaa ilimanarpoq.

 

Suliassat:
Suliassat pissanganarlutillu assigiinngiiaartut isumagisassavatit, ullullu tamarmik assigiinneq ajussapput. Ilaatigut makku suliarissavatit:

  • Flyhandling (Timmisartut isumagineri)
  • Nunnuffinni sulinerit
  • Qatserisarlunilu annaassiniartarneq, kiisalu immami annaassiniartarneq
  • Securitymi sulineq
  • Aputaajaaneq
  • Suliassat isumagisassat sinneri

 

Piginnaasassat:
Terminalarbejderitut ilinniarsimavutit, assasornermik sulisartuuvitit, imaluunniit assingusunik piginnaasassaqarputit.

Tamakku saniatigut suliffimmut piumasaqaataapput makku:

  • Tamakkiisumik suliartortarnissat, takujuminarnissat, kiffartuusserusunnissallu
  • Peqqissuunissat
  • Kalaallisut qallunaatullu oqaatsinik sapigaqannginnissat
  • Biilersinnaanermut allagartamik suussuseq B-mik C-millu, ajornanngippallu truckersinnaanermik allagartamik peqarnissat
  • Pineqaatinneqarsimannginnissat

 

Mittarfeqarfiit neqeroorutigaa
Suliffik pissanganartoq allanngoriartortoq, suleqatitsinnut pitsaasunik atugassaqartitsinermik pingaartitsillunilu suleqatigiilluarnermik naleqartitsisoq. Namminersorlutik suleqatigiittullu suliaqartarnermik sungiussisimasut suleqatigiit qulit akornanniilissaatit. Atorfimmi tigussaasunik sungiusarnikkut, soorlulusooq ilassutitut pikkorissartitaanerit ilinniagaqarnerillu aqqutigalugit piginnaasavit ineriartorteqqinnissaannut piginnaasannik attassinissannut ineriartortitseqqinnissannullu periarfissaqarluassaatit.

 

Isumannaallisaanikkut akuerisaaneq:
Atorfinitsitaassaguit politiinit isumannaallisaanikkut akuerineqarnissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat.

 

Atorfinitsitaanermi atugassarisat
Atorfinitsitaaneq qaammammusialinnut SIK-p isumaqatigiissutaatigut pissaaq, ilaatigut tassani ilaallutik:

  • Inissamik innersuussineq – ajornanngippat pequtilersukkamik, tassanilu malittarisassiat atuuttut malillugit inissiamik attartornermut akiliuteqartassaaq
  • Malittarisassiat atuuttut malillugit atorfininnermi akilikkamik angalaneq, kiisalu pequtit nassiunnerini timmisartukkut 75 kg-nut, imaluunniit umiarsuakkut 200 kg-nut akilikkanut taarsiivigineqarneq
  • Sap. akunneranut nal. akunnerini 40-ni sulisarneq
  • Erseqqinnerusumik isumaqatigiissuteqarnikkut atorfininneq

 

Annermik paasisaqarit
Atorfik pillugu annertunermik paasisaqarnissat kissaatigigukku imaluunniit apeqqutissaqaruit ingerlatsinermut pisortamut Peter Johansenimut sianernissannut tikilluaqqusaavutit, 38 28 10-kkut, imaluunniit mailerfigalugu ugguuna: pejo@mit.gl.

Apeqqutit nalinginnaanerusut HR-imi immikkoortoqarfimmut saaffiginnissutaasinnaapput, mailikkut ugguuna: hr@mit.gl

Mittarfeqarfiit pillugit annertunerusumik nittartakkatsinni nassaarsinnaavutit, ugguuna: www.mit.gl

 

Qinnuteqaat
Qinnuteqaativit, cv-p, kiisalu ilinniagaqarnermut uppernarsaatit ataani linkikkut kingusinnerpaamik 13. august 2021-mi tigunissaat qilanaaraagut. Atorfinitsitsiniarnermi oqaloqatiginninnerit ingerlanneqartuassapput.

 

 Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 400.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

Qinnuteqarnissamut killissarititaasoq: aggustip 13.-at, 2021

Atorfik una qinnuteqarfigiuk