Skip to main content
144

Dette jobopslag er udløbet

Qaqortumi qulimiguulinnut mittarfimmi aqutsisussarsiorpugut

Silaannarmi angallannerup iluani ilinniagaqarpit? Pilerigiviuk suliffimmi mikisunnguami aqutsisuunissaq, suliffeqarfissuarmilu sulisutillu suleqataallusi, ullullu tamaasa piumassuseqarlusi sullisseqataallusi suleqataanissaq? Taamaasimappat Qaqortumimi qulimiguulinnut mittarfimmi aqutsisutut atorfik ilinnut soqutiginartuussinnaavoq.

 

Suliassat

 

Qulimiguulinnut mittarfimmi aqutsisuussagaanni pingaaruteqarpoq sulisunnut sulinissamut piumassuseqalersitisinnaaneq ersarissuunissarlu, taamaasilluni sulisut ataasiakkaat ataatsimoorlunilu sueqatigiilluni misigilluni makku anguniassallugit:

  • Isumannaallisaaneq qaffasissoq ataavartinnissaa, ulluinnarni qulimiguulinnut mittarfiup ingerlannerani.
  • Sakkussarititaasut atortussarititaasullu atorluarnissai.
  • Kiffartuussavit misigitinnissai Mittarfeqarfimmiit sullilluarneqarlutik, sulisuniit tunniusimasuniit.
  • Suliffimmi inuttassat tamarmik ikkusimanissai qulakkeernissa, taavalu sulisuit atorfimminnut tulluartuunissai suliassaminnillu qulakkeerinnissinnaanissaat akisussaaffigissallugu.
  • Opscom atorlugu ataavartumik atuutitsinissaq suleriusillu ingerlaarnissaat piffissarititaasup iluani suliarineqarnissai qulakkeernissaa, piffissami uani periusit atorneqartut malillugit.

Suliffimmut atatillugu akuttusuunik angalasarnissaq naatsorsuutigineqassaaq, mittarfinni allani taartaasariaqarnissaq pisinnaasarmat.

Mittarfeqarfiit atortorai 20/20, Amadeus, paragraft, AIMS, excel, word, zebra (check in) il.il.

 

Piginnaasassat

 

Kissaatigigukku uunga atorfimmut naatsorsuutigineqassallutit, taava piumasaqaataavoq qulimiguuminnut mittarfinni imaluunniit timmisartoqarfinni ingerlatsinermi tunuliaqutaqarnissat, misilittagaqarsimassallutillu sivikinnerpaamik ukiuni 2-4-ni.

Officepakke-mik atuilluarsinnaavutit.  

 

Mittarfeqarfiit neqeroorutigai

 

Suliffik pissanganartoq ineriartortitsiviusorlu sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaanik pingaartitsisoq.

Periarfissaliilluartoq suliffimmi piginnaasavit ataavartinnissaanik ineriartortinnissaanillu.

Periarfissaliilluartoq pikkorissarnissanut ilinniaqqinnissamullu.

 

Atorfeqarnermi atugassarititat

 

Akissarsiat atorfeqarnermilu atugassarititaasut kattuffiup attuumassuteqarfigisaq naapertorlugu aalajangersarneqassapput. 

  • Atorfininnermi soraarnermilu maleruagassat atuutsinneqartut malillugit
  • Atorfininnermi pisattanik nassiussinissamut maleruagassat atuutsinneqartut malillugit
  • Atorfininnermi najugassaqartinneqarneq maleruagassat atuutsinneqartut malilugit
  • Sapaatip akunneranut sulinissap 40 tiiminik sivisussuseqarpoq
  •  

Atorfinissaguit isumannaallisaaneq eqqarsaatigalugu akuerineqarnissat piumasaqaataavoq. Taamaattumik pinerlussimannginnermut uppernarsaammik qinnuteqaammut ilanngussillutit nassiussissaatit. Uppernarsaat najukkanni politeeqarfimmi imaluunniit www.sulissivik.gl aqqutigalugu pissarsiarisinnaavat.

 

Paasisaqarnerorusukkuit

 

Annertunerusumik paasisaqarusukkuit imaluunniit atorfik pillugu apeqqutissaqaruit Mittarfimmi Pisortaq Finn Thomsen mail: fth@mit.gl, imaluunniit oqarasuaat + 299 38 28 02 aqqutigalugit saaffiginnissinnaanissamut tikilluaqqusaavutit.                                                                           Apeqqutit nalinginnaasut HR-immikkoortortaqarfimmut mail: hr@mit.gl aqqutigalugu ingerlanneqarsinnaapput.

Paasissutissat sukumiinerusut Mittarferqarfiit pillugit uani takukkit: www.mit.gl

 

Qinnuteqaateqarfissaq

 

Atorfik soqutigigukku qinnuteqaatit inuuninni sulerisimaninnik allattorsimaffik (CV) kiisalu ilinniarsimanermut uppernarsaatit linki ataani tuugassaq aqqutigalugu attaveqaatikkut kingusinnerpaamik 15. juli 2021 nassiutissavatit.

 

E-mailikkut qinnuteqaatit tiguneq ajorpagut.

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik.  400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

Qinnuteqarnissamut killissarititaasoq: juulip 15.-at, 2021

Atorfik una qinnuteqarfigiuk