Skip to main content
96

Dette jobopslag er udløbet

Qaqortumi Check-in assistentimik sulisussarsiorpugut – erninerup nalaani taartaasussaq

Trafik- imaluunniit check-in assistentitut ilinniagaqarpit ullullu tamaasa naammaginartumik naammassisaqarsimanissamik pingaartitsisuuit? Suliassanik assigiinngitsunik ataatsikkut suliaqarnissaq kajumigisinnaaviuk suliatillu pillugit allanik kajumilersitsisinnaavit?  Taamaasimappat Qaqortumi Check-in assistentitut atorfik illunnut soqutiginartuussinnaavoq.

 

Qaqortumi qulimiguulinnut mittarfimmi, mittarfiup pisortaata saniatigut check-in assistentit marluk terminalarbejderillu pingasut sulisorineqarput.

 

Check in assistent ernenerup nalaanni taartaasussamik ulloq. 1/11-2019-imit 2020 ukialerneranut sulisussamik suleqatissarsiorpugut.

 

Suliassat:

  • Ilaasunit assartukkallu pillugit ulluinnarni saaffiginnissutigineqartunik suliaqartarneq.
  • Helikopterinik sullissisarneq
  • Allaffissornikkut suliassat

 

Piginnaasassat:

  • Ajornanngippat trafik- imaluunniit check-in assistentitut ilinniagaqarsimassaatit.
  • Kalaallisut, qallunaatut tuluttullu oqalussinnaallutillu allassinnaasaatit.
  • Sullissilluarnissamik pingaartitsisuusaatit, tamannami sullissat pitsaanerpaamik paasissutissinneqartarnissaanut pisariaqarluinnarmat.

 

Mittarfeqarfiit neqeroorutigai

Suliffik pissanganartoq ineriartortitsiviusorlu sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaanik pingaartitsisoq.

Isumannaallisaaneq eqqarsaatigalugu akuerineqarnissaq

Atorfinissaguit isumannaallisaaneq eqqarsaatigalugu akuerineqarnissat piumasaqaataavoq. Taamaattumik pinerlussimannginnermut uppernarsaammik qinnuteqaammut ilanngussillutit nassiussissaatit. Uppernarsaat najukkanni politeeqarfimmi imaluunniit www.sulissivik.gl aqqutigalugu pissarsiarisinnaavat.  

Atorfeqarnermi atugassarititat

Akissarsiat atorfeqarnermilu atugassarititaasut kattuffiup attuumassuteqarfigisaq naapertorlugu aalajangersarneqassapput.  Tamanna periarfissaqanngippat immikkut isumaqatigiissuteqarnikkut atorfinitsitsisoqarsinnaavoq. 

Paasisaqarnerorusukkuit

Annertunerusumik paasisaqarusukkuit imaluunniit atorfik pillugu apeqqutissaqaruit Helipoortimi aqutsisoq Aviaq Meyer mail: avme@mit.gl, imaluunniit oqarasuaat + 299 38 25 81 aqqutigalugit saaffiginnissinnaanissamut tikilluaqqusaavutit.

Apeqqutit nalinginnaasut HR-immikkoortortaqarfimmut mail: hr@mit.gl aqqutigalugu ingerlanneqarsinnaapput.

Qinnuteqaateqarfissaq

Atorfinissinnaassaguit  qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki siuliani innersuussutigineqartoq aqqutigalugu qarasaasiakkut kingusinnerpaamik 24. oktober 2019 nassiutissavatit.

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik.  400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

 

 

Qinnuteqarnissamut killissarititaasoq: oktobarip 24.-at, 2019

Atorfik una qinnuteqarfigiuk