Skip to main content
83

Dette jobopslag er udløbet

Pilersuinermut akisussaasussamik Mittarfeqarfiit inuttassarsiorpoq

Mittarfeqarfiit Narsarsuarmut aamma Kangerlussuarmik, kiisalu Qaarsuni, Nerlerit Inaanni Kulusumilu mittarfinnut innaallagissamik, imermik kiassarnermillu pilersuisuuvoq. Nukissiornermik pilersuinerup iluani ingerlatsinermut aserfallatsaaliuinermullu periusissiamik isumaginnissinnaasumik, kiisalu najugaqarfiusuni nukissiornermik immikkoortoqarfinnik suleqateqarsinnaasumik Mittarfeqarfiit suleqatissarsiorpoq.

 

Suliffiup iluani avataanilu siunnersuisartunik, suliffeqarfiutilinnik pisortaqarfinnillu sunniivigeqatiginnilluni attaveqarfippassualimmik avatangiisini pissanganartuni suliffik tamaviaarnarlunilu assigiinngiiaartoq neqeroorutigaarput. Nunaqarfiit angisuut marluk mittarfiillu tallimat pilersuiffigineri annertuumik akisussaaffissamik nassataqarpoq, suliffimmillu tassannga Nuummi qullersaqarfimmi atorfimmik aalajangersimasumik nukittorsaanissaq Mittarfeqarfiit kissaatigaa. Suliassat pingaarnerit pilersuinermik suliassaqarfiusumut attuumasuussapput. Taamaattorli nukissiornerup pitsaanerpaanngorsaaviginissaata iluani suliassaqarfinnik, aammalu mittarfiit illuutaanni innaallagissamut aamma maskiinani teknikkimut tunngasutigut aserfallatsaaliuinissamik, kiisalu silap pissusaatigut avatangiisinilu suliassaasuni nukittorsaanissaq Mittarfeqarfiit aamma kissaatigai. Aserfallatsaaliuinissamut pilersaarutit, aamma mittarfeqarfiusuni najugaqarfinni immikkoortoqarfinnik suleqateqarnerit qitiujumaarput.

 

Suliassanni pingaarnertut makku ilaassapput

  • Pilersuivinnut aserfallatsaaliuinissamik periusissiaq (innaallagiaq, imeq kiassarnerlu)
  • Inatsisaasut pitsaassusissamillu piumasaqaatit naapertuutsillugillu nutarsartarnissaasa qularnaarnissaat
  • Najugaqarfinni immikkoortoqarfiit suleqatigalugit inuttaqartitsinerup sunniuteqarluartup qularnaartuarnissaa
  • Mittarfeqarfiit nukissiornermik pilersuinerata atugaqarneratalu pitsaanerpaanngorsarnissaat
  • Illup iluata silaannaanut attuumassutilinnik ingerlatsivinnik pitsanngorsaallunilu aserfallatsaaliuinissamut suliarisassanik suliaqarnerit
  • Immikkut ittutut suliassaqarfigisavit iluini mittarfeqarfinnik immikkoortoqarfinnillu allanik siunersuinikkut ikiorsiisarnissaq.

 

Mittarfeqarfinnik 13-inik, qulimiguullit mittarfiinik 43-nik, taakkununngalu atasunik ingerlatsivinnik Mittarfeqarfiit ineriartortitaqartuarlunilu aserfallatsaaliuisarneq ingerlattuarpaa.

 

Illit pillutit

  • Teknikkip tungaatigut ilinniarsimavutit, soorlu maskinmesteritut, ingeniøritut assigisaatulluunniit
  • Pilersuisarfittut ingerlatsivinnik misilittagaqarputit
  • Suliatit ilusilersukkamik isumagisarpatit
  • Attaveqaqatigiinnikkut suleqatigiinnikkullu piginnaaneqarluarputit
  • Inussiarnersuuvutit ataqatigiissaarillaqqillutillu
  • Innaallagialerinermik akuersissummik pissarsisinnaassaatit.

 

Aningaasarsiatigut atorfinitsitaanermilu atugassarisat

Aningaasarsiatigut atorfinitsitaanermilu atugassarisat, ilanngullugit atorfininnermut soraarnermullu angalasinnaatitaanerit pigisanillu nuutsitaqarsinnaatitaanerit atorfininnerup nalaani Namminersorlutik Oqartussat aamma pineqartup isumaqatiginninniarsinnaatitaasutut kattuffiata akornanni isumaqatigiissut atuuttoq najoqqutaralugu pissapput.

Suliffiup nalaa tassaavoq sapaatip akunneranut nal. akunneri 40-t.

Suliffik tassaavoq Nuummi qullersaqarfik, angalasaqattaartarsinnaanerli naatsorsuutigisariaqassavat.

 

Inissiaq

Atorfimmut sulisunut inissiamik innersuussisoqarsinnaassanngilaq.

 

Atorfininnerup aallartiffia

Piaarnerpaamik, imaluunniit isumaqatigiissuteqarneq malillugu atorfininneq.

 

Attaveqarfiit/paasissutissiinerit

Immikkoortoqarfiup nutaaq pilersinneqalersoq atorfiullu imarisai pillugit annertunermik paasissutissat nassiunnissaannut Martin Møller attavigitsiariuk, mailikkut: mart@mit.gl, oqarasuaatikkut: 38 26 35.

Atorfinitsitsiniarnermi oqaloqatiginnittuartoqassaaq.

 

Qinnuteqaatit, cv, kiisalu ilinniagaqarnermut uppernarsaatit ataani linki aqqutigalugu tigunissaat qilanaaraagut.

Qinnuteqarnermut killissaq kingulleq tassaavoq 18. novembari 2019.

Qinnuteqaatit mailikkoortitat tiguneq ajorpagut.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 400.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut

Mittarfeqarfiit 2017-imi ukiumi suliaqarfiulluartutut suliffittut qinigaavoq.

http://www.mit.gl

 

 

Qinnuteqarnissamut killissarititaasoq: novembarip 18.-at, 2019

Atorfik una qinnuteqarfigiuk