Skip to main content
121

Dette jobopslag er udløbet

Nuummi Mittarfeqarfiit qullersaqarfia Chef Controllerissarsiorpoq

Mittarfeqarfiit siunissap pissanganartup tungaanut ingerlavoq, taamaattumillu inissisimaffimmut siamasissumut assigiinngiiaartumullu naatsorsuuserinikkut piginnaaneqarluartumik Chef Controllerissarsiorpoq.

Chef Controlleritut nutaatut suliffeqarfimmi aningaasaqarnermut pisortaq qullersarissavat. Ulluni suliffiusuni aningaasaqarnermut immikkoortoqarfimmi controllerit sisamat isumagissavatit, ilaatigut taakkununnga ”ornittagaasutut” qaninnerpaatullu suleqatiginerisigut.

 

Akisussaaffiit:

  • Controlleritut suleqatigiittut sulisunut siulersuineq
  • Aningaasaqarnermi misissueqqissaarutinik pisortaqarfimmut ikiuisarneq
  • Suliassaqarfinni niuerfiusuni isumaqatigiissuteqarfiusunilu aningaasaqarnermi malitseqartitsinermut akisussaaffeqarneq
  • Nalunaaruteqartuartarnerup ineriartorteqqinnera
  • Pisortaqarfimmut periusissialikkatut tunngavissialiortarneq
  • Suliassaqarfimmik niuerfigisamik aningaasaqarnikkut aqutsinermut attuumassuteqartumik niuernermi pisortaqatigiinnik suleqatiginninneq
  • Aaqqissuussiffimmi tamarmi suleriaatsinik ingerlattakkanillu ineriartortitseqqinnerit
  • Ingerlattakkanik akilersinnaassutsinillu misissueqqissaarinerit (ingerlattakkanik misissueqqissaarinerit, ikiorsiissutit akigisassaannik inissiinerit)
  • Pitsanngorsaassutinik misissueqqissaarinerit (ingerlattakkanik pitsanngorsaanerit, ingerlatsinerup pitsanngorsarnissaanut suliarisassat)

 

Immikkoortoqarfik, taassumalu sulinermi ingerlattagai pitsanngorsarniarlugit suliaqarnerup niuernertaanut Chef Controlleri suliaqarfigisaminik pilersitsiniartutullu suliniartassaaq. Attaveqarfigisassatit siamasissuussapput, ilaatigut Mittarfeqarfiit piginnittuinut, pisortaqarfianut, suliffimmilu siulersuisuusut sinnerinut.

 

Piginnaasat:
Inuttut naapikkuminarputit, akisussaaffimmik tigusinnittuuvutit, sulilluarniutiginnittuuvutit, namminersuutigisannillu suliaqartarneq iluarisimaartuuat. Aningaasaqarnermut tunngasunik ilisimatitsissutinik paasisitsiniaallaqqipputit ilinniarfiulluarlutit, aammalu suliffeqarfimmi kiffartuusserusuttutut suleqatigisassatut atuuffiunissaq ataqqinartuutippat.

 

  • Aningaasaqarnermik/kukkunersiuisarnermik ilinniagaqarsimaneq, ilaatigut cand.merc., HD allatulluunniit sivisunerusumik aningaasaqarnermut tunngasumik ilinniagaqarsimaneq
  • Sivikinnerpaamik ukiuni tallimani suliaqarfigisannik naatsorsuuserinermi misilittagaqarputit
  • Namminersortuuvutit, akisussaaffeqartuuvutit, innarligassaanngitsuuvutit pisoqartunillu sianiginnilluartuuvutit
  • AX2012-imut aamma/imaluunniit D365-imut ilisimasaqartuuvutit
  • Excelimik misilittagaqartutut inissisimaffimmi atuisartuuvutit

 

Isumannaallisaanikkut akuerisaaneq
Atorfinitsitaanissaq naatsorsuutigissagaanni malittarisassiat atuuttut malillugit isumannaallisaanikkut akuerineqarsinnaanissat piumasaqaataavoq. Taamaattumik pinerluttulerinermut nalunaarsuisarfimmit anillatsitaq ilanngullugu nassiuguk. Taanna najukkami politiini pissarsiarineqarsinnaavoq, imaluunniit ugguuna aaneqarluni: www.sullissivik.gl.

 

Atorfinitsitaanermi atugassarisat:
Pineqartoq tassaavoq suliffik pissanganartoq, namminersuutigisaq tamaviaarnartulillu. Aningaasarsiat atorfinitsitaanermilu pissutsit attuumassutilittut sulisartut kattuffiannut naleqqiullugit pissapput. Sulinerup nalaa sapaatip akunneranut nal. akunneri 40-nik sivisussuseqarpoq.

Kalaallit Nunaanni inississimalluartumi suliffeqarfimmi atorfik avammut sammisuusoq tamaviaarfiusorlu ilinnut neqeroorutaavoq, tamaani suliffimmi immikkoortoqarfippassuarni sulisut sinnerinik siamasissumik attaveqartuussallutit. Mittarfeqarfiit iluani tassaalissaatit ulluni suliffiusuni pissanganartuni savituunilu ilaasoq, peqatigiissallugit suleqatigiit anguniagaqartut, pikkorissut pimoorussisullu.

 

Inissaqarneq
Atorfimmut qaqugumulluunniit atuuttutut malittarisassiat malillugit sulisunut inissiamik pequtilersugaanngitsumik innersuussisoqarsinnaavoq. Kommunimit imaluunniit Namminersorlutik Oqartussanit pigineqartumik sulisunut inissiamik inissiamillunniit allamik peqareersunut inunnut inissiamik innersuussisoqarsinnaanngilaq. Inissiamut attartornermut akiliutissaq qularnaveeqqusiissullu inissiamut innersuussutaasumut qaqugukkulluunniit atuuttutut malittarisassiat malillugit akilerneqassapput. Sulisunut inissiaq atorfeqarnermut atasuuvoq, atorfeqarnerullu naanerani qimanneqassaaq.

 

Annermik paasisaqarit:
Atorfimmut apeqqutissaqaruit Aningaasaqarnermut pisortamut Winnie Hammekenimut attaveqarnissannut tikilluaqqusaavutit, oqarasuaatikkut +299 38 26 78. Apeqqutit nalinginnaanerusut HR-imi immikkoortoqarfimmut saaffiginnissutaassapput, mailikkut: HR@mit.gl.

 

Soqutigaajuk?
Taava ataani linki aqqutigalugu qinnuteqaatit, CV, kiisalu ilinniagaqarsimanermut uppernarsaatit tigunissaat qilanaaraagut. Qinnuteqaatit misissortuarpagut, qinnuteqartunilu inuk tulluussarput utaqqilluarsinnaallutigu. Oqaloqatiginnittuartoqassaaq.

 

MALIUGIUK: Mailitigut qinnuteqaatit tiguneq ajorpagut. Taamaattumik mailitigut qinnuteqaatit naatsorsuutigineqassanngillat.

 

Qinnuteqarnissamut killissarititaasoq: juunip 28.-at, 2021

Atorfik una qinnuteqarfigiuk