Skip to main content
88

Dette jobopslag er udløbet

Nerlerit inaat Lastvogns/Entreprenørmaskinanut mekanikerimik sulisussarsiorput

Atorfik siullermik paarlattaanerussaaq, siunissamili periarfissaalluni atorfinivinnissaq.

 

Makku akisussaaffigissavatit:

Makku aserfallatsaaliuineq iluarsaassisarnerlu:

  • Lastvognit Mercedesit
  • Aputaajaassutit assigiinngitsunik meqqillit
  • Entreprenør maskiinat assigiinngitsunik meqqillit
  • Gaffel trucksit
  • Innaallagissiorfik (Volvo)
  • Qamutit qatserussutit

Immikkoortortaqarfinni allani piffissami sivikitsumi suliarisarialinnik naammassigasuagassanik suliassaqartarsinnaavoq.

 

Naatsorsuutigaarput:

  • Lastvogns mekanikeritut ilinniagaqarsimassasutit tamakkuninngalu minnerpaamik ukiuni 3-ni sulisimanermik misilittagaqassasutit.
  • Hydraulikinut innaallagissanillu ilisimasaqassasutit.
  • Aalajaatsuussasutit.
  • Peqqissaartuussasutit.
  • Qamutinut mikinernut anginernullu kørekorteqassasutit.
  • Pinerlussimassanngitsutit.

 

Ilinnut neqeroorutigaagut:

  • Ini pequsersugaq
  • Atorfininnermut soraarnermullu atatillugu angalanerit akilernissaat, angalaneq København-mi aallartillunilu unittassaaq.
  • Suliffeqarfik pinngortitarsuarmi pinnerlunilu alianaatsumiittoq nannunik, teriannianik, ukallinik aqissinillu qanimut takunnittarnissamut periarfissagissaartumiittoq
  • Sapaatip akunneranut suliffiusartussat 40 tiimiupput
  • Atorfeqarnerup nalaanni sapaatip akunnerini ingerlaannartumik 8-ini sulisoqartarpoq tamatumalu kingorna sapaatit akunnerini arfineq pingasuni sulinngiffeqartoqartarluni.

 

Suliffik pissanganartoq ineriartortitsiviusorlu sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaannik pingaartitsisoq. Mekanikerimik suleqateqassaatit akunnissinnilu qaqugukkut sulisarnissasi nammineerlusi isumaqatigiissutigisassavasi

 

Atorfeqarnermi atugassarititat

Ilinniagarisimasat misilittakkallu aallaavigalugit akissarsiat atorfeqarnermilu atugassarititaasut namminersorlutik oqartussat kattuffiullu attuumassuteqarfigisap isumaqatigiissutaat naapertorlugu pissaaq.

 

Isumannaallisaaneq eqqarsaatigalugu akuerineqarnissaq

Atorfinissaguit isumannaallisaaneq eqqarsaatigalugu akuerineqarnissat piumasaqaataavoq. Taamaattumik pinerlussimannginnermut uppernarsaammik qinnuteqaammut ilanngussillutit nassiussissaatit. Uppernarsaat najukkanni politeeqarfimmi pissarsiarisinnaavat.  

 

Paasisaqarnerorusukkuit

Mittarfeqarfiit pillugit paasissutissat annertunerusut uani atuarsinnaavatit www.mit.gl. Annertunerusumik paasisaqarusukkuit imaluunniit atorfik pillugu apeqqutissaqaruit Robert Larsen , telefoni +299 56 44 85 imaluunniit mail: rola@mit.gl aqqutigalugit saaffiginnissinnaanissamut tikilluaqqusaavutit.

Apeqqutit nalinginnaasut HR-immikkoortortaqarfimmut mail: hr@mit.gl aqqutigalugu ingerlanneqarsinnaapput.

 

Qinnuteqaateqarfissaq

Atorfinissinnaassaguit  qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki siuliani innersuussutigineqartoq aqqutigalugu qarasaasiakkut kingusinnerpaamik 17. Juli 2020 nassiutissavatit.

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 43-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik.  450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

 

 

Qinnuteqarnissamut killissarititaasoq: juulip 17.-at, 2020

Atorfik una qinnuteqarfigiuk