Skip to main content
118

Dette jobopslag er udløbet

Nerlerit Inaat kiffartuussinermi sulisussarsiorpoq

Nerlerit Inaat sulisumik qiimallunilu aalajaatsumik pisariaqartitsivoq. Nerlerit Inaat tassaavoq suliffik pimoorussillutillu piginnaaneqartunik sulisoqartoq, kiffartuussinermilu sulisussamik ataatsimik pissarsiniarpugut.

 

Naatsorsuutigaarput tassaasutit:
Tatiginartoq, suliartortuartoq, sulininnilu iliuuseqarninni aalajaatsoq. Saniatigut suleqatigiinnermik piginnaaneqalluassaatit, aammalu qaqugumulluunniit suleqatinnik ikiuinissamut piareersimasassallutit. Piginnaasat sinneri pingaartitaasut tassaapput inuit nuannaartut, kiffartuusserusuttut, nioqquteqarfigisanullu inussiarnissaartut ujartoratsigit. Taamaattumik suliffinni makkuninnga piareersimaffeqarnissat naatsorsuutigaarput:

  • Sungiussianissaq, nammineq ingerlassaqarsinnaaneq, assullu kiffartuusserusussuseqarneq – ilaannikkut pisuni artukkiiffiusuni
  • Torersuunissaq, immikkuualuttortanillu sianiginnissinnaaneq
  • Nioqquteqarfigisatsinnik pitsaanerpaamik pitsaassusilimmillu sammisaqartumik isumaginninnermik qularnaarisarneq
  • Saliisarneq pitsaanerpaamik pimoorussamillu qularnaarisarneq
  • ”Maannakkorpiaq” pisunik assigiinngitsunik isumaginnilluarsinnaaneq
  • Sungiussianeq pisariaqartitsisoqarfinnilu ikiuisinnaasarneq

 

Ilinnut neqeroorutigissavagut:

  • Inunnut ataasiakkaanut tunngatitamik isumaqatigiissuteqarnikkut atorfinitsitaaneq
  • Malittarisassiat atuuttut malillugit sulilernermi soraarnermilu akilikkamik angalaneq
  • Malittarisassiat atuuttut malillugit inissaqartitaaneq
  • Sapaatip akunnerinik sisamanik sulinngiffeqarnermik malitseqartumik sapaatip akunnerini 12-ini sulisarneq
  • Ullut tulleriit assigiinneq ajorlutik suliffeqarfik
  • Sunngiffimmi tamaaniippoq pinngortitaq pikkunartorsuaq, silami suliassanut periarfissarpassualik, ilaatigut pisuttuarsinnaaneq aalisariarsinnaanerlu.

 

Sillimaniarnikkut akuerineqarneq
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq.

 

Annermik paasisaqarit:
Atorfik pillugu apeqqutissaqaruit MIttarfiup pisortaa Robert Larsenimut attaveqarnissannut tikilluaqqusaavutit mailikkut rola@mit.gl oqarasuaatikkut + 299 56 4485.

Apeqqutit nalinginnaanerusut HR-imik immikkoortoqarfimmut mailerutigineqarsinnaapput: hr@mit.gl

 

Soqutigaajuk?
Atorfimmut naatsorsuutigineqassaguit ataani linki aqqutigalugu qarasaasiakkut qinnuteqaatit, cv, kiisalu ilinniagaqarnermut uppernarsaatit kingusinnerpaamik 28.juni 2021-imi nassiutissavatit.

 

Emailukkut qinnuteqaatit tiguneqarneq ajorput

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 46-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik.  450 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

Qinnuteqarnissamut killissarititaasoq: juunip 28.-at, 2021

Atorfik una qinnuteqarfigiuk