Skip to main content
161

Dette jobopslag er udløbet

Nerlerit Inaannut mittarfimmi pisortassamik

Nerlerit Inaat tassaavoq kalaallit mittarfeqarfiat Jameson Land (Constable Pynt) Sermersooq Kommune-mi inissisimasoq. Atorfik ”1:1 aaqqissuussineq” malillugu inissitaavoq. Imatut paasillugu sapaatit akunnerit suleriarlutit sapaatit akunnerit 5 freerlutit. Tamanna pissutigalugu mittarfimmi pisortatut suleqatigisallu ”ingerlaqatigiissaasi”.

 

Mittarfimmi Pisortatut mittarfiup ulluinnarni aqunneqarnera akisussaaffigivat, ulluinnarni sulisutigut aamma aningaasaqarnikkut akisussaaffik ilanngullugu. Timmisartuussisarnermi oqartussanut aamma Mittarfeqarfiit pisortaanut ingerlatsinermut tunngasutigut tamanut akisussaallutit, tamatumani ilanngullugu Mittarfik Nerlerit Inaat sukkulluunniit piumasaqaataasut naapertorlugit isumannaallisaanikkut inatsisitigullu naapertuuttumik ingerlanneqattartoq qulakkeertuassallugu.

 

Mittarfeqarfimmi avinngarusimasumi suliassat assigiinngitsorpassuarnik suliassaqartitsivoq. Naatsorsuutigineqareerpoq aqutsinermik misilittagartuujunissat, aamma ilanngullugu piareersimasutit atorfissaqartinneqartillugu ”sukkulluunniit ikiuuttassallutit”. Timikkut tarnikkullu qajannaatsutit, aamma kulturit ileqqullu assigiinngissitaaraluartut suleqatigisinnaallugit. Aasaanerani ulapaarfiup nalaani naammagisimaarnissat naak ulaperuluttoqartoq, takornariat umiarsuarnik tikillattaasut taavalu ukiuunerani susoqannginnerulluni.

 

Suliassat:
·Mittarfiup isumannaatsumik pitsaalluinnartumillu ingerlatissallugu
·Pitsaassutsimut- timmisartuussisarnermilu isumannaallisarnikkut atuisinnaaneq
·Oqartussanut nalunaartussaatitaaneq akisussaaffigalugu
·Pisiortorneq tuniniaanerlu
·Aningaasatigut missingersuusiornermi akisussaasoq
·Mittarfeqarfimmi innaallagissakkut-imeqarnikkut-kiassarnermullu tunngasutigut qulakkeerisuulluni
·Mittarfeqarfiup naliginnaasumik ingerlatsineq akisussaaffigalugu, tamatumani ilanngullugu kiassaasersorfik maskinanillu aserfallatsaaliineq
·Mittarfeqarfimmi ajutoortoqartillugu inunnut 20-nut unnuiffigisartagaq

 

Piginnaaneqarfissatit:
Najukkami aamma suliffeqarfik akimorlugu suleqatigiinnillaqqipputit, aamma ilanngullugu:

 

Mittarfeqarfiit neqeroorutigivaat
Suliffeqarfik pissanganartoq ineriartorfiulluartoq, sulisuminut ajunngitsorsiassatigut pingaartitsisoq suleqatigiilluarnermillu pingaartitsisoq.

 

 

Isumannaallisaanikkut akuerisaaneq
Atorfinitsitaaniaraanni malittarisassiat atuuttut malillugit isumannaallisaanikkut akuerisaasinnaanissat piumasaqaataavoq. Ilinnut tunngasutut pinerluttulerinermut nalunaarsuiffimmit naqitap muminga ilanngullugu nassiutissavat. Taanna najugarisami politeeqarfimmi pissarsiarisinnaavat imaluunniit www.sullissivik.gl -kkut.

 

Atorfinitsitaanermut atugassarititat:
·Atorfinissaatit immikkut ittumik isumaqatigiissuteqarlutit.
·Akeqanngittumik nerisaqarneq najugaqarnerlu akileraarusigassaavoq.
·Malittarisassiat atuuttut malillugit sulilernermi akeqanngitsumik angalatitaaneq.
·Immikkut uttumik ”1:1-mik aaqqissuussineq”atuuppoq. Imatut paasineqassaaq sapaatit akunnerit 5 mittarfimmi suleriarlutit taava sapaatit akunnerit 5 angerlarsimallutit, freerfinni Nunatta Danmarkilluunniit akornanni angalaneq najukkat apeqqutaalluni.
·Isumaqatigiissuteqarnikkut, sukkanerpaamilluunnit sulilluni aallartissinnaavoq.

 

Paasisaqarnerorusuppit:
Paasisaqarnerorusupppit imaluunniit atorfimmut apeqqutissaqarpit, taava tikilluaqquneqarputit Ingerlatsinermut direktøri Niels Grosen e-mail-ikkut attavigeqqullugu ngr@mit.gl imaluunniit oqarasuaatikkut +299 38 26 01

 

Qinnuteqaat
Atorfik soqutigigukku kaammattussavatsigit qinnuteqaatit, CV, kiisalu ilinniagaqarnermut uppernarsaatit nassiuteqqullugit, online aqqutigalugu ataani tuugassaq toorlugu quppernitsinni iserlutit kingusinnerpaamik 13.02.2022.

Qinnuteqaatit maili aqqutigalugu nassiussat tiguneq ajorpagut.

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut. Mittarfeqarfiit 2021-mi suliffissatialattut toqqagaavoq.

Qinnuteqarnissamut killissarititaasoq: februaarip 13.-at, 2022

Atorfik una qinnuteqarfigiuk