Terminalarbejderitut imaluunniit arlaannik assassornermut tunngasumik ilinniagaqarpit ulluinnarnilu silaannarissuaq iluarusuutigiutaa pitsaasunik suliaqarneq ataqqinaatigerusuttarpiuk? Taava Mittarfik Nerlerit Inaanni terminalarbejderitut atorfik ilinnut tulluuppoq.

Suliassat:

• Pissanganartunik assigiinngiiaartunillu suliassaqassaatit ullullu tamarmik assigiinngitsunik pisoqarfiusarput. Ilaatigut makkuninnga suliaqassaatit:
• Timmisartunik isumaginninneq – Timmisartunik usilersuineq aamma usingiaaneq
• Qatserineq, annaassiniarneq kiisalu imaani annaassiniarneq
• Aputaajaaneq
• Mittarfimmi atortunik iluarsaassineq aamma aserfallatsaaliuineq
• Suliassat takkussuuttut allat

Piginnaasat:

• Terminalarbejderitut ilinniarsimasuunissat, suliartortuaannarnissat, takujuminartuunissat kiffartuussillaqqissuunissallu naatsorsuutigaarput. Taakkua saniatigut atorfimmi uku piumasaqaataapput;
• Ilakkuminartuuneq, eqaatsumik pissuseqarneq mianersortuunerlu
• Kalaallisut danskisullu oqaaseqartuunissaq
• Pitsaasumik peqqissuseqarnissaq
• Biilersinnaanermut truckinillu ingerlatitsisinnaanermut allagartaqarneq
• Pinerluuteqarsimannginnermik uppernarsaateqarneq

 

Mittarfeqarfiit neqeroorutigai:

Atorfik suliffiuvoq piffissaq tamakkiisoq, pissanganartoq, unamminartoq kiisalu ineriartoqqinnissamut periarfissiisoq. Suleqatigilerumaagassatit, ikiuiumatuujullutillu, illarumatuujupput suleqatigiilluarnissamillu pingaartitsisuullutik. Suliffigilerumaagassat avatangiiserissumiippoq suliffeqarfiullunilu pissanganarlunilu ineriartupiloornerup qeqqaniittoq.

 

Neqeroorutigaagut:

• Ini pequtsersoriigaq
• Sulinngiffeqartarnernut atatillugu Nerlerit Inaanniik utimullu akiliunneqarlutit angalasarneq 12:4 sulisarneq, imatut paasillugu sap. akunneri 12-it suleriarlutit sap. akunneri 4 sulinngiffeqartassaatit
• Ineqarneq nerisaqarnerlu akiqanngitsumik maleruagassat atuuttut malillugit
• Suliffik pinngortitami alutornarlunilu alianaatsumiittoq
• Suliffik ullut tamaasa assigiinngisitaartunik suliassaqarfiusoq
• Suliffik asseqanngitsoq suliassaqarfigiligassannut tunngatillugu oqartussaaqataaffigisassat

 

Atorfinitsitaanermi atugassarititaasut:

Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq Taamaattoqanngippat, atorfinitsitaaneq isumaqatigiissut atorfinittussamut toqqartoq isumaqatigiissutigalugu atorfinittoqarsinnaavoq. 

 

Sillimaniarnikkut akuerineqarnissaq:

Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.

 

Paasiniagaqaqqikkusukkuit:

Nerlerit Inaanni pisortat ingerlaavartumik qinnuteqartunik piukkussaminnik oqaloqateqaqattaassapput.

Allanik paasiniaarusukkuit atorfimmulluunniit tunngasunik apeqqutissaqaruit mittarfiup pisortaa Robert Larsen e-mail rola@mit.gl imaluunniit sianerlutit uunga +299 56 44 85.

Paaserusutat naliginnaanerusut sulisoqarnikkut qullersaqarfimmut paasiniarneqarsinnaapput uunga allalluni hr@mit.gl

Mittarfeqarfiit nittartagaat aamma nammineerlutit alakkarsinnaavat uunga iserlutit www.mit.gl

 

Soqutiginnippit?

Soqutiginnikkuit qinnuteqaativit tigunissaa qilanaaraarput, ilinniarsimasarnut allagartatit uppernarsaatitit septembarip ulluisa 28-at 2022 tikitsinnagu ataani iserfissamut iseriarlutit nassiutikkit. 

 

Emailukkut qinnuteqaatit tiguneqarbeq ajorput

 

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 46-t ingerlatarai. Timmisartunik ukiumut 60.000-init amerlanerusunik tingisitsisarlutalu mitsitsisarpugut, ukiumillu ilaasut 350.000-init amerlanerusut sullittarlutigik. 400missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

Qinnuteqarnissamut killissarititaasoq: juunip 15.-at, 2023

Atorfik una qinnuteqarfigiuk