Skip to main content
121

Dette jobopslag er udløbet

Mittarfik Paamiut terminalarbejderissarsiorpoq check-iniutigisumik atorfilimmik

Terminalarbejderitut ilinniagaqarsimavit, aamma check-in’imi atuuffimmik isumaginnissinnaavit? Ullut tamaasa sulilluartarneq imminut ataqqinaatitut isigaajuk? Taava Mittarfik Paamiut sulisussarsiorpoq.

 

Suliassat

Suliassat pissanganarlutillu assigiinngiiaartut isumagisassavatit, ullullu tulleriit assigiinngisaannassapput. Ilaatigut makku suliarisassavatit:

 

  • Ilaasut usillu suliassartaannik ulluni suliffiusuni isumaginnittarneq
  • Mittarfimmi allaffissornikkut suliassat isumagisassat
  • Qatserisartutut annaassiniartartutullu suliaqartarneq
  • Timmisartunik suliarinnittarneq – Timmisartut usilersorneri usingiarnerilu, kiisalu orsersorneri
  • Mittarfimmi illumik atortorissaarutinillu aserfallatsaaliuinerit
  • Suliassat takkuttartut sinneri.

 

Piginnaasat
Terminalarbejderitut ilinniagaqarsimanissat, aammalu 100 %-imik suliartortuartarnissat, aamma pisussaassutsinnik ilaginnaasuunatillu kiffartuusserusussuseqarnissat naatsorsuutigaarput. Tamakku saniatigut suliffiup makku pisariaqartippai:

 

  • Mittarfinnik ingerlatsinerup iluani misilittagaqarnerit
  • Kalaallit, danskit, ajornanngippallu tuluit oqaasiinik oqalussinnaanerit
  • Peqqissuunerit
  • Biilersinnaanermut allagartaqarnerit, ajornanngippat angisuumik aamma truckersinnaanermut uppernarsaateqarnerit
  • Pineqaatinneqarsimannginnerit
  • Timmisartoqarfimmi qatserisartutut ilinniarsimanerit / taamaattorli atorfininnerup kingornatigut ilinniartitaasinnaavutit.

 

Mittarfeqarfiit neqeroorutigaa
Suliffik pissanganartoq ineriartortitaq, sulisunut atugassanik pitsaasunik pingaartitsillunilu suleqatigiilluarnermik naleqartitsisoq. Ilagilissavatit sulisut arfineq pigasut, tamarmik namminersuutigisaminnik, soorlulusooq suleqatigiillutik suliaqartartut.

 

Atorfinitsitaanermut atugassarisat
Atorfinitsitsineq qaammammusiaqarluni SIK-p isumaqatigiissutaatigut pissaaq, tassani ilaatigut ilaallutik:

  • Malittarisassiat atuuttut malillugit atorfininnermi akilikkamik angalatitaaneq
  • Sapaatip akunneranut sulinerup nalaa tassaavoq nal. ak. 40
  • Sapinngisamik piaarnerpaamik atorfininneq.

 

Isumannaallisaanikkut akuerisaaneq
Atorfimmut naatsorsuutigineqassagaanni timmisartortitsinerup iluani malittarisassiat malillugit isumannaallisaanikkut akuerineqarsinnaanissat piumasaqaataavoq. Taamaattumik pinerluttulerinermut nalunaarsuisarfimmit naqitaq ilanngullugu nassiuguk. Taanna sumiiffimmi najugaqarfinni politiinit pissarsiarineqarsinnaavoq.

 

Annermik paasisaqarit
Atorfik pillugu annermik ilisimasaqarnissaq kissaatigigukku, imaluunniit apeqqutissaqaruit Mittarfiup pisortaanut Hanseeraq Nathansenimut attaveqarnissamut tikilluaqqusaavutit mail: hana@mit.gl imaluunni +299 38 27 01. Apeqqutit nalinginnaanerusut HR-imik immikkoortoqarfimmut saaffiginnissutaassapput, mailikkut: hr@mit.gl.

 

Qinnuteqaati
Atorfimmut naatsorsuutigineqassaguit qinnuteqaatit, cv, kiisalu ilinniagaqarnermut uppernarsaatit qarasaasiakkut ataani linki aqqutigalugu kingusinnerpaamik ull. 11. juulii 2021-mi nassiutissavatit.

 

E-maili aqqutigalugu qinnuteqaatit tiguneqarneq ajorput.

 

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 46-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-it sinnitsiarlugit sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

Qinnuteqarnissamut killissarititaasoq: juulip 11.-at, 2021

Atorfik una qinnuteqarfigiuk