Skip to main content
122

Dette jobopslag er udløbet

Mittarfik Nerlerit Inaannut innaallagisserisoq kiffartuussisarnermik atuuffeqartussaq ujarparput

Ullut tamaasa suliaqartarluarnissaq aamma nammineq suliarisanut akisussaaffimmik tigusisarnissaq pingaartuutikkukkit taava Mittarfik Nerlerit Inaanni innaallagisserisutut atorfiup ilinnut tulluartuunissaa ilimanarpoq. Ullut suliffiusut assigiinngiiaartut assigiinngitsorpassuarnik suliassaqarfiusut neqeroorutigisinnaavagut.

 

Suliassat

  • Innaallagiatortutut teknikkikkut ingerlatsivinni ivertitikkanilu aserfallatsaaliuisrneq iluarsaassisarnerlu
  • Ivertitikkanik innaallagissavinnillu ingerlatsivinnik nutaanik mikinerusunik suliaqartarneq
  • Innaallagiatortutut ivertitikkanik – ilanngullugu najoqqutassat atuuttut naapertorlugit mittarfiup qulliini kukkunersiuisarneq aamma nakkutilliisarneq
  • Kalerrisaarutitigut isumannaallisaanikkullu aaqqissuussanik aserfallatsaaliuilluni nakkutilliisarnernik isumaginnittarneq
  • Immikkoortoqarfinni allani suliassat takkussortut naammassisassat, teknikki pillugu immikkoortumut attaveqartut

 

Piginnaasat
Suleqatigiinni sulisinnaalluassaatit, tamannalu ilutigalugu nammineq ingerlassaqarsinnaassallutit. Piffissani aalajangersimasuni ataatsikkut suliassarpassuaqartarsinnaavoq, taamaattumillu eqqissisimasuunissarpit ataatsimullu isiginnissinnaanerpit attassinnaanissaat pingaartuupput. Tamakku saniatigut inuttassami eqqortumi piginnaasat tullinnguuttut pingaartinneqarput:

  • Ilinniagaqarsimasutut innaallagisserisoq
  • Ajornanngippat mittarfinni ivertitikkanik misilittagaqarneq
  • Naapikkuminartoq qungujunnartunullu tappiitsuunngitsoq

 

Mittarfeqarfiit neqeroorutigaat
Kalaallit Nunaanni suliffiit kajungernarnerpaanngulerluni pissanganartumik ineriartornermik ingerlassalimmi suliffimmi atorfininneq. Ullut suliffigisatit najoqqutassialigaanngitsumik suliffimmi avatangiisuni pissaaq, tamaani salliutinneqarlutik kiffartuussilluarneq, pitsaassuseqarluarneq annertuumillu pimoorussineq. Suliffik assut assigiinngiiaartoq, ulluinnarni assigiinngitsorpassuarnik nuannersunillu unammillerfissalik pissarsiarissavat.

 

Atorfininnermi atugassat:
Aningaasarsiat atorfininnermilu atugassarisat inunnut ataasiakkaanut tunngatitamik isumaqatigiissutikkut pissaaq, tassani ilaatigut makku ilaallutik:

  • Atorfininnermi soraarnermilu malittarisassiat atuuttut akilikkamik angalanerit
  • Atorfininnermi soraarnermilu timmisartukkut assartukkanut 75 kg tikillugit imaluunniit umiarsuakkut assartukkanut 200 kg-nut ajunngitsorsiassat.
  • Inunnut ataasiakkaanut tunngatitamik isumaqatigiissuteqarluni atorfinitsitaaneq, aaqqiissut 2/2 atugaralugu (qaammatini marlunni sulineq, malitsigalugu qaammatini marlunni sulinngiffeqarneq)
  • Mittarfik Nerlerit Inaannut malittarisassat atuuttut malillugit inissaq pequsersugaq
  • Sulinerup nalaa tassaavoq sap. akunneranut nal. akunneri 40
  • Isumaqatigiissuteqareernikkut atorfininneq

 

Annertunermik paasisaqarit:
Annertunermik paasisaqarusukkuit, imaluunniit atorfik pillugu apeqqutissaqaruit Mittarfiup pisortaanut Henrik Søltoftimut hero@mit.gl-ikkut, imaluunniit +299 38 28 81-ikkut attaveqarnissannut tikilluaqqusaavutit. Apeqqutit nalinginnaanerusut HR-imi immikkoortoqarfimmut uunga nassiunneqarsinnaapput: HR@mit.gl

 

 

Qinnuteqaat
Atorfinitsitaaniaraanni qinnuteqaatit, cv, kiisalu ilinniagaqarnermut uppernarsaatit internettikkut ataani linki aqqutigalugu kingusinnerpaamik 20. marts 2019-imi nassiutissavatit.

 

Send din ansøgning via dette link:

 

Mittarfeqarfiit tassaavoq Namminersorlutik Oqartussat ataanni suliffeqarfik namminersortitaq. Kalaallit Nunaanni mittarfinnik, qulimiguullit mittarfiinik, aamma mittarfinni akunnittarfinnik marlunnik ingerlatsinermik Mittarfeqarfiit ingerlatsisuuvoq. Ingerlatat 70.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t sinnitsiarlugit sulisoqarpugut. Qullersaqarfik Nuummi inissisimavoq.