Skip to main content
122

Dette jobopslag er udløbet

Mittarfik Nerlerit Inaanni trafikassistentissarsiorneq

Ullut tamaasa suliaqartarluarnissaq aamma nammineq suliarisanut akisussaaffimmik tigusisarnissaq pingaartuutippigit? Ullut marluk assigiinngitsuuneri nuannaraajuk, aammalu kikkut tamarmik kikkunnik tamanik ikiuisarnerat iluarisimaarpiuk? Taava Mittarfik Nerlerit Inaanni trafikassistentitut atorfiup ilinnut tulluartuunissaa ilimanarpoq.

Suliasst:

Suliassat pissanganartut assigiinngiiaartullu isumagisassavatit, ullullu tulleriit assigiinngisaannassapput. Ilaatigut makkuninnga suliaqassaatit:

  • Norlandairimi Air Greenlandimilu ilaasunik nassatanillu nalunaarsuineq
  • Allakkanik assartukkanillu ingerlatitseqqinneq
  • Mittarfimmut allaffissornikkut suliassat sinneri takkussortullu
  • Nalunaarsuinerup allaffissornerullu isumagereernerini mittarfeqarfimmi suliaqarnermut peqataaneq

Piginnaasassat:

Trafikassistentitut/terminalarbejderitut ilinniarsimanissat naatsorsuutigaarput. Tamatuma saniatigut atorfimmi pisariaqartinneqarput:

  • Tamakkiisumik suliartortuartarnissat, takutinnissannut ajukkunnartuunnginnissat, kiffartuusserusunnissallu
  • Nammineq suliassannut akisussaaffimmik tigusinnissinnaanissat, namminersuutigalugulu sulisinnaanissat
  • Inunnik assigiinngitsorpassuarnik suleqatiginnilluarsinnaanissat
  • Oqaatsit makku oqaluttariarsornikkut allattariarsornikkullu sapinngikkitit: kalaallisut, danskisut tuluttullu
  • Isertuussisinnaanermut akuerineqarsinnaanissat, aammalu angisuumik kørekorteqarnissat.

Mittarfeqarfiit neqeroorutigaat:

Kalaallit Nunaanni suliffiit kajungernarnerpaanngulerluni pissanganartumik ineriartornermik ingerlassalimmi suliffimmi atorfininneq. Ullut suliffigisatit najoqqutassialigaanngitsumik suliffimmi avatangiisuni pissaaq, tamaani salliutinneqarlutik kiffartuussilluarneq, pitsaassuseqarluarneq annertuumillu pimoorussineq. Suliffik assut assigiinngiiaartoq, ulluinnarni assigiinngitsorpassuarnik nuannersunillu unammillerfissalik pissarsiarissavat.

Atorfininnermi atugassat:

Aningaasarsiat atorfininnermilu atugassarisat inunnut ataasiakkaanut tunngatitamik isumaqatigiissutikkut pissaaq, tassani ilaatigut makku ilaallutik:

  • Atorfininnermi soraarnermilu malittarisassiat atuuttut akilikkamik angalanerit
  • Atorfininnermi soraarnermilu timmisartukkut assartukkanut 75 kg tikillugit imaluunniit umiarsuakkut assartukkanut 200 kg-nut ajunngitsorsiassat.
  • Inunnut ataasiakkaanut tunngatitamik isumaqatigiissuteqarluni atorfinitsitaaneq, aaqqiissut 12/4 atugaralugu (sap. akunnerini 12-ini sulineq, malitsigalugu sap. akunnerini sisamani sulinngiffeqarneq)
  • Mittarfik Nerlerit Inaannut malittarisassat atuuttut malillugit inissaq pequsersugaq
  • Sulinerup nalaa tassaavoq sap. akunneranut nal. akunneri 40
  • Isumaqatigiissuteqareernikkut atorfininneq

Isumannaallisaanikkut akuerisaaneq:

Atorfinitsitaaniaraanni isumannaallisaanikkut akuerineqarsinnaanissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiuguk. Tamanna najukkanni politeeqarfimmi pissarsiarisinnaavat, imaluunniit uani: www.sullissivik.gl.

Annertunermik paasisaqarit:

Annertunermik paasisaqarusukkuit, imaluunniit atorfik pillugu apeqqutissaqaruit Mittarfiup pisortaanut Henrik Søltoftimut hero@mit.gl-ikkut, imaluunniit +299 38 28 81-ikkut attaveqarnissannut tikilluaqqusaavutit. Apeqqutit nalinginnaanerusut HR-imi immikkoortoqarfimmut uunga nassiunneqarsinnaapput: HR@mit.gl

Qinnuteqaat:

Atorfinitsitaaniaraanni qinnuteqaatit, cv, kiisalu ilinniagaqarnermut uppernarsaatit internettikkut ataani linki aqqutigalugu kingusinnerpaamik 13. marts 2019-imi nassiutissavatit.

 

Send din ansøgning via dette link:

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.