Skip to main content
127

Dette jobopslag er udløbet

Mittarfik Narsarsuaq sanasussarsiorpoq

Sanasutut ilinniagaqarsimavit, allatulluunniit Narsarsuarmi Mittarfeqarfiit illuutaanik aserfallatsaaliuinissamut assigiinngissummik iliuuseqarnissamik pisarialinnik piginnaanernik pissarsiaqarsimavit, aammalu ulluni suliffiusartuni tamani pitsaasumik sulisarneq ataqqinaatiginiarpiuk?

Taava teknikkimut immikkoortoqarfitsinni atorfik inuttaligassaq ilinnut tulluartuulluarsinnaavoq.

Narsarsuaq Kujataanmi kangerluup qinnguaniippoq, tamaanilu aasakkut ukiuuneranimlu silami sunngiffimmi aallutassanut periarfissaqarluarpoq.

 

Suliassat:
Suliassat pissanganarlutillu tamatigoortut isumagisassavatit, ullullu tamarmik assigiinngissuteqartuartassapput. Ilaatigut makkuninnga suliaqartassaatit:

  • Illunik inissianillu aserfallatsaaliuinerit.
  • Allanngortiterinerit annikinnerusut.
  • Aamma immikkoortoqarfiit killingi qaangerlugit suliassat takkussuuttartut.

 

Piginnaasat:
Naatsorsuutigaarput sanasutut ilinniarsimanissat, aamma suliartortuartarnissat, aamma kiffartuusserusuttuunissat. Tamakku saniatigut makku suliffiup pisariaqartippai:

 

  • Suliffigisappit iluani namminersuutigisannik sulisarnissat.
  • Immikkuualuttortaanik arajutsisaqarnak suliamut tunngatillugu pikkorissuunissat.
  • Atortussanik inniminneeqataasarnissat.
  • Isumagittuunissat, ajornanngippallu suleqatit ikiortissaminik amigaatilik ikiortassagit.
  • Kalaallit, danskit, ajornanngippallu – taamaattorli piumasaqaataanngitsumik – tuluit oqaasiinik oqaluttarnissat.
  • Biilinik angallassisisinnaanermut allagartamik atuuttumik peqarnissat.

 

Mittarfeqarfiit neqeroorutigaa:
Suliffik pissanganartoq allanngoriartuaartoq, sulisutsinnut atugassanik pitsaasunik pingaartitsisoq, aammalu suleqatigiilluarnermik naleqartitsisoq.

Sulisut 3-4 peqatigilissavatit, illit, ruujorilerisoq, innaallagissiortoq qalipaasorlu peqatigalugit Narsarsuarmi Mittarfeqarfiit illuutaasa aserfallatsaaliuinikkut qanoq issusiannik pitsaasumik qularnaarissallutit.

 

Isumannaallisaanermut akuerisaaneq:
Atorfininnissamut naatsorsuutigineqassagaanni politiinit isumannaallisaanikkut akuerineqarnissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiuguk. Taanna sumiiffigisanni politiinit pissarsiarineqarsinnaavoq.

 

Atorfininnermi atugassarisat:
Aningaasarsiat atorfininnermilu pissutsit attuumassutilittut sulisartut kattuffiannut naleqqiullugu pissaaq. 

  • Malittarisassiat atuuttut malillugit inissaqartitaaneq.
  • Malittarisassiat atuuttut malillugit akilikkamik angalatitaaneq, kiisalu nuunnermi pisattanik timmisartukkut assartukkanik 75 kg-nik, imaluunniit umiarsuakkut assartukkanik 200 kg-nik aningaasartuutinik taarsiivigineqarneq.
  • Sapaatip akunneranut sulinerup nalaa tassaavoq nal. ak. 40.
  • Isumaqatigiissut malillugu atorfininneq.

 

Annermik paasisaqarit:
Atorfik pillugu annertunermik paasisaqarnissaq kissaatigigukku, imaluunniit apeqqutissaqaruit mittarfeqarfiup pisortaanut Finn Thomsenimut sianernissannut tikilluaqqusaavutit, oqarasuaatikkut +299 49 77 01.

Apeqqutit nalinginnaanerusut HR-imik immikkoortoqarfimmut saaffiginnissutigineqarsinnaapput, mailikkut: hr@mit.gl.

 

Qinnuteqaat:
Atorfinitsitaanissat naatsorsuutigissagukku qinnuteqaatit, cv, kiisalu ilinniagaqarsimanermut uppernarsaatit ataani linki aqqutigalugu qarasaasiakkut kingusinnerpaamik ull. 01. august 2021-mi nassiutissavatit.

 

Mittarfeqarfiit Kalaallit Nunaanni mittarfinnik 13-inik qulimiguullillu mittarfiinik 43-nik ingerlataqarput. Ingerlatat 60.000-inik sinnillit (minnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 450-it missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernermillu ingerlatsinitta ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

 

Qinnuteqarnissamut killissarititaasoq: aggustip 1.-at, 2021

Atorfik una qinnuteqarfigiuk