Skip to main content
89

Dette jobopslag er udløbet

Mittarfik Narsarsuaq ingerlatsinermut pisortassarsiorpoq

Mittarfik Narsarsuarmut Mittarfeqarfiit ingerltasinermut pisortassarsiorpoq.

Pimoorussisuunissannik, sulisorisannik kaammattuillaqqinnissannik, aamma immikkoortoqarfinni pisortanik allanik suleqateqarluartarnissannik atorfik pisariaqartitsivoq. Aamma pisuni artorsiffiusuni ataatsimut isiginninnermik attassilluarsinnaassaatit, immikkoortoqarfimmilu suliassat pingaarnersiorsinnaasassavatit.

 

Suliassatit:

Ingerlatsinermut pisortatut mittarfimmi ingerlatsinermik immikkoortoqarfiup ulluinnarni siulersornissaanut suliarisanillu nakkutiginninnissamut akisussaaffeqassaatit. Tamanna ataatsimut isiginnissinnaanermik pisariaqartitsillunilu sulisorisanik ilanngussuillunilu kaammattuisinnaassutsimik pisariaqartitsivoq.

Suliassatit ilaatigut tassaassapput:

  • Mittarfimmi pisortaqarfimmiilerneq
  • Sulisut pigaartarnerinik pilersaarusiortarneq
  • Mittarfeqarfiup nunaqarfiullu qatserisartuisa upalungaarsimanissaasa qularnaarnissaat, kiisalu kalerrisaarinermut piffissaliussat tamarmik naapertuutsinnissaat
  • Ulluni tamani mittarfimmut nalunaarusiortarnernut akisussaaffeqarneq
  • Mittarfimmi suliassanut ilitsersuutit piginissaasa imaluunniit suliarinissaasa qularnaartarnissaat
  • Immikkoortoqarfimmi sulisunut ilinniagaqarnermik suliaqarnissat pilersaarusiorfiunerini peqataaneq
  • Maannakkut sulisut nutaallu ineriartortitarinerinut peqataaneq, ilanngullugit teknikkimut aamma inunnut tunngasutut pisarialittut ilitsersuillunilu ikiuisarnerit
  • Mittarfimmi miffiusartup, atortut assakaasullit, illut, aamma illuni teknikkimut tunngasutut ingerlatsiviit pilersaarutaasutut aserfallatsaaliugarinerisa qularnaarneri
  • Mittarfimmut pisortamik suleqateqarluni, aamma pisiortornissamut najoqqutarisaq malillugu ingerlatsinermut atortussanik, nioqqutinik atortunillu inniminniinerit.

 

Qinnuteqartumut makkuninnga piumasaqaateqarpugut:

Suleqatissaq iluarsaassamik suleriaasilik, tatiginartoq, aamma sulinermik siulersuerusullunilu pisariaqaraangat aalajangiussaqarsinnaasoq ujarparput.

  • Pisortatut misilittagaqarneq
  • Inuutissarsiorfimmi ukiunit tallimanit qulinut misilittagaqarneq
  • Assassornermik suliaqartarnermik tunngaveqarneq iluaqutaassaaq
  • Atorsinnaasumik angisuumik biilersinnaanermut allagartaqarneq
  • Officemi katersani (Excel, Word aamma Outlook) nalinginnaanerpaatut ilaasut atuisartutut sapigaqarfigissanngilatit
  • Kalaallisut danskisullu oqaaseqarneq
  • Pineqaatinneqarsimannginneq
  • Akisussaaffissannut piginnaaneqarnissannik qularnaarisutut ilinniagaqarnermik ingerlatassanik naammassisaqarnissaq piareersimaffigissavat.

 

Iluaqutaassapput makku:

 

  • Mittarfinnik ingerlatsinerit iluini atuagarsornikkut / tigussaasunik ilinniagaqarsimaneq
  • Indsatslederitut ilinniagaqarsimaneq
  • SØ-mik annaassiniarnerup iluani ilinniagaqarsimaneq, piumasaqaataananili
  • Tuluttut attaveqarsinnaaneq.

 

Mittarfeqarfiit neqeroorutigaa:

Suliffik pissanganartoq, sulisutsinnut atugassaqarluartitsinermik assut pingaartitsisoq, aammalu suleqatigiilluartuunermik naleqartitsisoq. Atorfimmi, ilaatigut ulluinnarni sulianut atatillugu, aammali ilassutitut pikkorissarnerit ilinniaqqinnerillu aqqutigalugit piginnaasannik attassinissamut ineriartortitseqqinnissamullu periarfissaqarluassaaq.

 

Isumannaallisaanikkut akuerisaaneq

Atorfinitsitaaniaraanni malittarisassiat atuuttut malillugit politiinit isumannaallisaanikkut akuerisaasinnaanissat piumasaqaataavoq. Taamaattumik pinerluttulerinermut nalunaarsuiffimmit naqitaq ilanngullugu nassiutissavat. Taanna najugarisami politeeqarfimmi pissarsiarisinnaavat imaluunniit uani: www.sullissivik.gl.

 

Atorfininnermi atugassarisat:

Aningaasarsiat atorfinitsitaanermilu pissutsit attuumassutilittut sulisartut kattuffiannut naleqqiullugit pissapput.

  • Malittarisassiat atuuttut malillugit atorfininnermi soraarnermilu akilikkamik angalaneq
  • Malittarisassiat atuuttut malillugit inissaqarnissaq neqeroorutigineqarpoq
  • Atorfik ineriartornissamut qaffakkiartornissamullu periarfissalik
  • Atorfinitsitaaneq isumaqatigiissut atuuttoq najoqqutaralugu pissaaq.

 

Annermik paasisaqarit:

Atorfik pillugu annermik paasisaqarnissaq kissaatigigukku, imaluunniit apeqqutissaqaruit Mittarfimmi pisortaagallartumut Finn Thomsenimut saaffiginninnissannut tikilluaqqusaavutit, e-mailikkut: fth@mit.gl imaluunniit oqarasuaatikkut: +299 38 28 02. Saaffiginnissutit tamarmik isertuussatut suliarineqarput, qinnuteqaatillu ingerlaavartumik suliaqarfiussapput.

Apeqqutit nalinginnaanerusut HR-imi immikkoortoqarfimmut ingerlanneqassapput, mailikkut ugguuna: hr@mit.gl

Mittarfeqarfiit pillugit nittartakkatsinni annermik nassaarsinnaavutit: www.mit.gl

 

Soqutigaajuk?

Taava qinnuteqaatit, CV, kiisalu ilinniagaqarnermut uppernarsaatit ataani linkikkut qarasaasiaq aqqutigalugu tigunissaat qilanaaraagut, kingusinnerpaamik 16. februaari 2020-mi. Oqaloqatiginnittoqartuassaaq.

 

Qinnuteqaatit e-mailikkoortut akuerineq ajorpagut.

 

Mittarfeqarfiit Kalaallit Nunaanni mittarfinnik 13-inik helipadsinillu 43-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 800.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

 

 

Qinnuteqarnissamut killissarititaasoq: februaarip 16.-at, 2020

Atorfik una qinnuteqarfigiuk