Skip to main content
106

Mittarfik Narsarsuaq ingerlatsinermi aqutsisumik sulisussarsiorpoq

Mittarfeqarfiit Mittarfik Narsarsuami sulilersussamik ingerlatsinermi aqutsisumik sulisussarsiorpoq. Narsarsuup mittarfiata suleqatit peqatigilluinnarlugit isumannaatsumik pitsaasumillu ingerlanneqarnissaa ingerlatsinermut aqutsisutut kajungeralugulu tunniussimalluni suliassaavoq.

 

Suliassat:

Ingerlanermi aqutsisutut mittarfiup ingerlanneqarnera silamilu suliassat pissusissamisut ingerlaneri ulluinnarni aqutsisutut akisussaaffigalugillu nakkutigisassaraatit, taakkulu isumagisinnaasagaanni teknikikkut piginnaasaqartariaqarpoq sulisunillu pitsaasumik suleqateqarsinnaassariaqarluni. Suliassat ilaatigut tassaapput: 

  • Suliassaqarfiit suleriaatsillu pingaarutillit paasiuminartunngorlugit ilitsersuusiornissaanut piareersaasiorneq
  • Mittarfimmi sullissinermi teknikikkullu suliassat eqqarsaatigalugit suliassanik aqutsisut peqatigalugit sulisut soorlu qatserisartutut annaassiniartartutullu, aputaajaanermi, orsersortarnermi timmisartunik usingiaasarnermi usilersortarnermilu kiisalu qamutinik ingerlatsinermi pisariaqartinneqartuni tamani ilinniartinneqarnissaanik piareersaasiorneq.
  • Sulisut ineriartortinneqarnissaanut suleqataaneq tassunga ilanngullugit suliassat teknikikkut inuttullu suliassat pisariaqartinneqartumik ilitsersuusiorfigineqarnissaanut ilitsersuisarneq ikiuuttarnerlu
  • Qamutit motoorillit, illuutit illuutillu teknikikkut atorneqartartut aserfallatsaaliorneqartarnissaasa qulakkeernissaat
  • Nioqqutissanik sullissinernillu pilersuisartunik isumaqatigiissuteqartarneq tamakkuninngalu inniminniisarneq
  • Mittarfiup pisortaatut taartaasarneq tassunga ilanngullugit aningaasaqarnermut missingersuutinullu tunngasunik malitseqartitsilluni suliaqartarneq 

 

Piginnaasassat:

Inummik aalajangiisinnaassuseqartumik aaqissuusamillu suleriaasilimmik Nuup Mittarfiata aqutseqataaffiginissaanut piumassuseqarlunilu kajumissuseqartumik suleqatissarsiorpugut.

  • Indsatsleder-itut ilinniagaqassaatit
  • Mittarfinnik ingerlatsinermut tunngatillugu atuagarsornikkut pisariaqartinneqartumillu ilinnigaqassaatit
  • Imaani annaassiniartarnermut tunngasunik ilinniagaqarsimassaatit piumasaqaataananili
  • Kalaallisut, danskisut ajornanngippallu tuluttut oqalussinnaassaatit

 

Mittarfeqarfiit neqeroorutigaa:

Suliffik pissanganartoq ineriartortitsiviusorlu sulisorisaminut pitsaasumik atugassaqartitsinissamik aammalu suleqatigiit suleqatigiilluarnissaanik pingaartitsisoq. Suliffiit aqqutigalugu ulluinnarni ilitsersorneqartarnikkut, pikkorissartarnikkut ilinniaqqittarnikkullu piginnaasavit pigiinnarnissaanut annertusaqqinnissaanullu periarfissaqarluassaatit.

 

Isumannaallisaaneq eqqarsaatigalugu akuerineqarnissaq

Atorrfinissaguit isumannaallisaaneq eqqarsaatigalugu akuerineqarnissat piumasaqaataavoq. Taamaattumik pinerlussimannginnermut uppernarsaammik qinnuteqaammut ilanngussillutit nassiussissaatit. Uppernarsaat najukkanni politeeqarfimmi imaluunniit www.sulissivik.gl aqqutigalugu pissarsiarisinnaavat.  

Atorfeqarnermi atugassarititat

Akissarsiat atorfeqarnermilu atugassarititaasut kattuffiup attuumassuteqarfigisaq naapertorlugu aalajangersarneqassapput.  Tamanna periarfissaqanngippat immikkut isumaqatigiissuteqarnikkut atorfinitsitsisoqarsinnaavoq taamaasiortoqarpallu atorfimmi atugassarititat makku ilaatinneqassapput:

  • Maleruagassat naapertorlugit atorfininnermi soraarnermilu akiliunneqarluni angalanerit
  • Maleruagassat naapertorlugit inissaqartitsisoqassaaq
  • Suliffik ineriartoqqinnissamut suliffimmilu qaffassaqqinnissamut periarfissagissaartoq
  • Isumaqatigiissutigisaq naapertorlugu atorfinitsitsisoqassaaq

Paasisaqarnerorusukkuit

Annertunerusumik paasisaqarusukkuit imaluunniit atorfik pillugu apeqqutissaqaruit Mittarfimmi Pisortaq Finn Thomsen mail: fth@mit.gl imaluunniit oqarasuaat + 299 38 28 02 aqqutigalugit saaffiginnissinnaanissamut tikilluaqqusaavutit. Saaffiginnissutit tamarmik allanut saqqummiunneqarnavianngillat, qinnuteqaatillu ingerlaavartumik suliarineqartassallutik

 

Apeqqutit nalinginnaasut HR-immikkoortortaqarfimmut mail: hr@mit.gl aqqutigalugu ingerlanneqarsinnaapput.

 

Mittarfeqarfiit pillugit annertunerusumik paasisaqarusukkuit nittartagarput www.mit.gl aqqutigalugu atuarsinnaavatit.

Soqutiginnippit?

Atorfinissinnaassaguit  qinnuteqaatit inuuninni sulerisimaninnik allattorsimaffik kiisalu ilinniarsimanermut uppernarsaatit linki siuliani innersuussutigineqartoq aqqutigalugu qarasaasiakkut kingusinnerpaamik 25. Oktober 2019 nassiutissavatit.

Mittarfeqarfiit, Grønlands Lufthavne, Kalaallit Nunaani mittarfiit 13-it qulimiguulinnullu mittarfiit 46-t ingerlatarai. Timmisartunik ukiumut 60.000-init amerlanerusunik  tingisitsisarlutalu mitsitsisarpugut, ukiumillu ilaasut 800.000-init amerlanerusut sullittarlutigik.  400 missaanik sulisoqarnitsigut nunatsinni suliffeqarfiit annersaasa ilagaatsigut sulisutta ingerlatavullu ineriartortittuarnissaat sulissutigiuarpagut. Taamaasilluta sullissinerit ilinniartitaanerillu assigiinngitsut neqeroorutigisinnaasarpagut, taamaasiornikkullu inuiaqatigiit ineriartortinneqarnerinut pitsaasumik ikorfartueqataalersinnaassimalluta.

 

 

Qinnuteqarnissamut killissarititaasoq: oktobarip 25.-at, 2019

Atorfik una qinnuteqarfigiuk