Skip to main content
62

Dette jobopslag er udløbet

Mittarfik Maniitsoq terminalarbejderissarsiorneq

Terminalarbejderitut imaluunniit arlaannik assassornermut tunngasumik ilinniagaqarpit ulluinnarnilu silaannarissuaq iluarusuutigiutaa pitsaasunik suliaqarneq ataqqinaatigerusuttarpiuk? Taava Mittarfik Maniitsumi terminalarbejderitut atorfik ilinnut tulluuppoq.

Suliassat:
Pissanganartunik assigiinngiiaartunillu suliassaqassaatit ullullu tamarmik assigiinngitsunik pisoqarfiusarput. Ilaatigut makkuninnga suliaqassaatit:

  • Timmisartunik isumaginninneq ? Timmisartunik usilersuineq aamma usingiaaneq
  • Mittarfimmi suliaqarneq
  • Qatserineq, annaasisniarneq kiisalu imaani annaassiniarneq
  • Sillimaniarnermik suliaqarneq
  • Aputaajaaneq
  • Mittarfimmi atortunik iluarsaassineq aamma aserfallatsaaliuineq
  • Suliassat takkussuuttut allat

Piginnaasat:
Terminalarbejderitut ilinniarsimasuunissat, suliartortuaannarnissat, takujuminartuunissat kiffartuussillaqqissuunissallu naatsorsuutigaarput. Taakkua saniatigut atorfimmi uku piumasaqaataapput;

  • Ilakkuminartuuneq, eqaatsumik pissuseqarneq mianersortuunerlu
  • Kalaallisut danskisullu oqaaseqartuunissaq
  • Pitsaasumik peqqissuseqarnissaq
  • Biilersinnaanermut truckinillu ingerlatitsisinnaanermut allagartaqarneq
  • Pinerluuteqarsimannginnermik uppernarsaateqarneq

Mittarfeqarfiit pissarititassaat:
Atorfik piffissamik tamakkiisoq pissanganartoq, unamminartoq kiisalu ineriartoqqinnissamut periarfissiisoq.Suleqatigilerumaagassatit, ikiuiumatuujullutillu, illarumatuujupput suleqatigiilluarnissamillu pingaartitsisuullutik. Suliffigilerumaagassat avatangiiserissumiippoq suliffeqarfiullunilu pissanganrlunilu ineriartupiloornerup qeqqaniittoq.

Sillimaniarnikkut akuerineqarnissaq:

Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngullugu nassiussissaatit. Taanna politiini pissarsiarineqarsinnaavoq.

Atorfinitsitaanermi atugassarititaasut:
Atorfininnissaq SIK-p isumaqatigiissutaa naapertorlugu imaluunniit atorfinittussamut toqqartumik isumaqatigiissuteqarnikkut ukunannga ilaatigut imaqartussamik pissaaq:

  • Piffissaq suliffiusussaq sapaatip akunneranut nalunaaquttap akunnerinik 40-nik sivisussusilik
  • Atorfimmi inissaqartitsisoqanngilaq

Paasiniagaqaqqikkusukkuit:
Maniitsumi mittarfik ingerlaavartumik qinnuteqartunik piukkussaminnik oqaloqateqaqattaassapput.

Allanik paasiniaarusukkuit atorfimmulluunniit tunngasunik apeqqutissaqaruit mittarfiup pisortaa Karl Lund Svensson attavigisinnaavat mailikkut kals@mit.gl imaluunniit oqarasuaatikkut +299 38 27 81. Paaserusutat naliginnaanerusut sulisoqarnikkut qullersaqarfimmut paasiniarneqarsinnaapput uunga allalluni hr@mit.gl

Mittarfeqarfiit nittartagaat aamma nammineerlutit alakkarsinnaavat uunga iserlutit www.mit.gl

Soqutiginnippit?
Soqutiginnikkuit qinnuteqaativit tigunissaa qilanaaraarput, ilinniarsimasarnut allagartatit uppernarsaatitit oktoberip ulluisa 26?t 2018 tikitsinnagu ataani iserfissamut iseriarlutit nassiutikkit.

Mittarfeqarfiit, Kalaallit-Nunaanni mittarfiit, katillugit 13?ninik mittarfeqarput 46?nillu qulimiguullit miffigisinnaasaannik peqarlutik. Ukiumut katillugit 60.000 sinik sinnilinnik mitsitsinikkut kiffartuussivigisarpagut angalasullu 80.000?tinik sinnillit kiffartuuttarlutigit. 400?t sinnerlugit sulisulittut nunami suliffinnut annernut ilaavugut, ataavartumillu sulisutsinnik suliffitsinnillu pikkorissaanerit siuarsaanerillu ingerlattuarlutigit. Taamaalilluta ilinniagaqrnerup iluani neqeroorutaateqarpugut kiffartuussissutinillu peqarluta inuiaqatigiinnut positivimik sunniuteqaqataasinnaasunik.

Send din ansøgning via dette link