Skip to main content
148

Mittarfik Kangerlussuarmut handymand/tamalaanik sullerissoq ujarneqarpoq

Piaarnerpaamik atorfinissinnaasumik, imaluunniit erseqqinnerusumik isumaqatigiissut malillugu Kangerlussuarmut Mittarfeqarfiit handymandimik, ajornanngippat assassornermik ilinniagaqarsimasumik inuttassarsiorpoq.

Suleqatigiit inuit pingasut-sisamat ilagilissavatit, kiisalu aamma arlalinnik namminersuutigisannik suliaqartassaatit.

Suliassat:

Suliassat pissanganarlutillu tamatigoortut isumagisassavatit, ullullu tulleriit assigiinnavianngillat. Ilaatigut makkuninnga suliaqartassaatit:

  • Mittarfimmi suliassat takkuttartut
  • Sulisoqalernermi nuunnernilu MIT-p utaqqiisaagallartumik inissiaataanik isumaginninnerit
  • Illuutinik aserfallatsaaaliuinerit, soorlu iluarsaassassat annikinnerit

Piginnaasat:

  • Biilinik ingerlatsisinnaanermut allagartaq
  • Aalaakkaasuuneq
  • Sungiussianeq
  • Ullormi suliassat assigiinngitsorpassuit isumaginissaanut tunuarsimaannginneq.

Atorfinitsitaanermi atugassarisat:

Qaammammusiaqarluni SIK-p, imaluunniit isumaqatiginninniarsinnaatitaasutut kattuffimmit allamit isumaqatigiissutaanik tunngaveqarluni atorfinitsitaaneq.

  • Malittarisassiat atuuttut malillugit sulilernermi angalaneq akiligaq
  • Malittarisassiat atuuttut malillugit sulisunut inissiaq atugassiissutaassaaq
  • Sapaatip akunneranut nal. akunnerini 40-ni sulisarneq

Sillimaniarnikkut akuerisaaneq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq imaluunniit uani: www.sullissivik.gl.

Annermik paasisaqarit:

Annermik paasisaqarnissaq kissaatigigukku imaluunniit atorfimmut apeqqutissaqaruit Lars Christiansenip saaffiginissaanut tikilluaqqusaavutit, oqarasuaatikkut + 299 54 75 40 imaluunniit mailikkut lach@mit.gl. Apeqqutit nalinginnaanerusut Sulisoqarnermut Immikkoortortaqarfimmut uunga mailerlutit apeqqutigisinnaavatit: hr@mit.gl.

Qinnuteqaat:

Atorfimmut naatsorsuussaaniaruit qinnuteqaatit, cv, kiisalu ilinniagaqarnermut uppernarsaatit qarasaasiakkut qulaani linki aqqutigalugu kingusinnerpaamik ulloq 29. juli 2019-imi nassiutissapput.

Mittarfeqarfiit Kalaallit Nunaanni mittarfinnik 13-inik helipadsinillu 46-nik ingerlataqarput. Ingerlatat 60.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t missaannik sulisoqarnitsigut nunami suliffeqarfiit annerpaat ilagaatigut, aammalu sulisutta niuernittalu ineriartortinnissaat sulissutigiuarpagut. Taamaalilluta kiffartuussinernik ilinniakkanillu arlalippassuarnik neqerooruteqarpugut, tamakkulu inuiaqatigiit ineriartuaarnerannut ilorraap tungaanut ilapittuuteqarnissatsinnut periarfissippaatigut.

Qinnuteqarnissamut killissarititaasoq: juulip 29.-at, 2019

Atorfik una qinnuteqarfigiuk