Skip to main content
159

Dette jobopslag er udløbet

Mittarfik Kangerlussuaq terminalarbejderinik pingasunik pissarsiorpoq

Suliffeqarfimmi pissanganartumi nunanilu tamalaanisut avatangiisilimmi suliffissarnik ujarlerpit?

Terminalarbejderitut ilinniagaqarpit ullullu tamaasa suliamik pitsaasumik naammassinninnissaq silaannarissumiiutigalutit nuannaraajuk? Taava Mittarfik Kangerlussuup immaqa suliffissaqartippaatit.

Suliassat:

Pissanganartunik assigiinngissitaartunillu suliassaqassaatit ullullu tamarmik assigiinneq ajorput. Ilaatigut makkuninnga suliaqassaatit:

  • Timmisartulerineq – timmisartunik usingiaaneq usilersuinerlu
  • Aputaajaaneq
  • Qatserineq annaassiniarnerlu kiisalu imaani annaassiniarnermik suliaqarneq
  • Suliassat takkussuuttut allat

Piginnaasat:

Naatsorsuutigaarput, terminalarbejderitut ilinniarsimasuunissat, suliartortuaannartutit, tunniusimasoq, kiffartuussillaqqissutillu. Taakkua saniatigut atorfimmi makkuninnga piumasaqarfigineqassatit;

  • Maskiinalerisinnaaneq
  • Mittarfinnik ingerlatsinermik misilittagaqarneq
  • Kalaallisut danskisullu oqalussinnaaneq
  • Peqqissuuneq
  • Biilinik ingerlatsisinnaanermut truckinullu allagartaqarneq
  • Pinerluuteqarsimannginnermik uppernarsaateqarneq
  • Timmisartunik qatserisinnaanermik ilinniarsimaneq

Mittarfeqarfiit neqeroorutigai:

Suliffeqarfik pissanganartoq ineriartortoq, sulisuminut atugassarititanik pitsaasunik suleqatigiillu suleqatigiilluarnerannik pingaartitsisoq. Sulisut pingasut-arfinillit tamarmik kisimiillutik allanillu suleqateqarlutik sulisut akuliuffigissavatit. 

Atorfinitsitaanermi atugassarititaasut:

Atorfinitsitaaneq SIK-p isumaqatigiissutaa ilaatigut ukunannga imaqartoq naapertorlugu pissaaq:

  • Malittarisassat atuuttut naapertorlugit ineqartinneqarneq.
  • Malittarisassat naapertorlugit atorfinitsitaanermut atatillugu angalanermi akiliunneqarneq kiisalu nassatat timmisartukkut 75 kg imaluunniit umiarsuakkut 200 kg nassiunneqarnerannik akiliunneqarneq.
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.
  • Isumaqatigiissuteqarneq naapertorlugu atorfinitsitaaneq pissaaq.

Paasisaqarnerugit:

Atorfik pillugu paasisaqarnerorusukkuit imaluunniit apeqqutissaqaruit, Indsatsleder Dennis Jørgensenimut tikilluaqqusaavutit oqarasuaammut +299 52 42 09, imaluunnik aallallutit uunga dejo@mit.gl

Apeqqutit nalinginnaanerusut Sulisoqarnermut Immikkoortortaqarfimmut uunga mailikkut allannikkut apeqqutigineqarsinnaapput: hr@mit.gl.

Sillimaniarnikkut akuerineqarneq:

Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik qinnuteqaatinnut ilanngullugu pinerluuteqarsimasut nalunaarsorfianniit uppernarsaammik nassiussissaatit. Taanna najukkanni politiini oqartussani pissarsiarineqarsinnaavoq.

Qinnuteqaat:

Atorfimmut piukkunneqassaguit qinnuteqaatit, inuuninni sulerisimaninnut allattorsimaffik kiisalu ilinniarsimanermut uppernarsaatit internetikkut attavik ataaniittoq aqqutigalugu kingusinnerpaamik ulloq 8. marts 2019 nassiunneqassapput.

 

Send din ansøgning via dette link:

Mittarfeqarfiit Kalaallit Nunaanni mittarfiit 13-it heliportillu 43-t ingerlappaat. Ukiumut aallartut mittullu 60.000-t sinnerlugit isumagisarpagut ilaasullu 350.000-it sinnerlugit sullittarlugit. 450 missaanni sulisoqaratta nunatsinni suliffeqarfiit annersaasa ilagaatigut, aammalu sulisutta suliffeqarfittalu ineriartortinnissaat sulissutigiuarlugu. Taamaalilluta sullissinerit ilinniarnerillu arlalissuit neqeroorutigisarpagut, taamaaliornitsinnilu inuiaqatigiit pitsaasumik ineriartornissaannut tapersiisinnaavugut.