Skip to main content
90

Dette jobopslag er udløbet

Mittarfik Kangerlussuaq sillimaniarnermik suliaqarnermi sulisussarsiorpoq

 

Kangerlussuarmi pisut annertusiartorput, taamaattumik sulisunik piginnaasunik pisariaqartitsivugut.

Sillimaniarnermut tunngasunik suliaqarnissannut soqutiginnippit? Taava Mittarfik Kangerlussuup suliffissaqartippaatit.

Suliassat

  • Sillimaniarnermi sulisunik aqutsisumut attuumassuteqarluni Mittarfimmi sillimaniarnermik sulialinut peqataaneq
  • Kangerlussuarmi angalasunut sillimaniarnermik suliaqarneq, ilanngullugu nassatat ilaasullu misissorneqarneri
  • Ullaakkut, unnukkut, unnuakkut sapaatip akunnerata naaneranilu sulisarnissaq ilimagineqarsinnaavoq

Piginnaasat

  • Kalaallisut, danskisullu oqaaseqarneq, aamma tuluttoorsinnaagaanni iluaqutaaginnassaaq
  • Qarasaasiamik naliginnaasumik atuisinnaaneq
  • Ulapaarfimmi ataatsimut isiginnissinnaassutsimik attassiuarsinnaaneq
  • Kiffartuussillaqqissuseq aamma inussiarnersuuneq
  • Timmisartoqarfimmi misilittagaqarneq, kisianni piumasaqaataanngilaq
  • Biilinut allagartaqarneq
  • Qalipaatinik takunnissinnaaneq
  • Suliartortuaannartuuneq

Mittarfik Kangerlussuup Airport Securitymut piffimmi ilinniarnissaq isumagissavaa.

Atorfininnermi atugassarititat

Atorfinitsitaaneq SIK-mut isumaqatigiissut naapertorlugu pissaaq.

Malittarisassat atuuttut naapertorlugit feeriarluni angalanermi akiliunneqarneq 

  • Atorfininnermi soraarnermilu pisattat 75 kg timmisartukkut imalt. 200 kg. umiarsuakkut nassiunnerannut taperneqarneq
  • Piffissaq suliffiusoq sapaatip akunneranut 40 tiiminik sivisussuseqarpoq
  • Atorfininneq piaartumik ullulerneqassaaq

 

Paasisaqarnerugit:

Atorfik pillugu paasisaqarusukkuit paasiniaasinnaavutit ukununnga Søren Jelager mailikkut solj@mit.gl imalt., tlf. +299 38 29 22.

Sillimaniarnikkut akuerineqarneq:

Atorfimmut piukkunneqassaguit maleruagassat atuuttut malillugit sillimaniarnikkut akuerineqarnissat piumasaqaataavoq.

 

Qinnuteqaat:

Atorfimmut piukkunneqassaguit, qinnuteqaatit, ukiut tallimat kingulliit inuuninni sulerisimaninnik allattorsimaffik kiisalu ilinniarsimanermut uppernarsaatit internetikkut attaveqaat aqqutigalugu kingusinnerpaamik ulloq 24. maj 2019 nassiutissavatit. Oqaloqatiginninnerit ataavartumik ingerlanneqassapput.

Send din ansøgning via dette link:

Mittarfeqarfiit tassaavoq Namminersorlutik Oqartussat ataanni suliffeqarfik namminersortitaq. Kalaallit Nunaanni mittarfinnik, qulimiguullit mittarfiinik, aamma mittarfinni akunnittarfinnik marlunnik ingerlatsinermik Mittarfeqarfiit ingerlatsisuuvoq. Ingerlatat 70.000-inik sinnillit (mittoqarnerit aallarnerillu) isumagisarpagut, ukiumullu ilaasut 350.000-it sinnerlugit kiffartuuttarlutigit. 400-t sinnitsiarlugit sulisoqarpugut. Qullersaqarfik Nuummi inissisimavoq.