Skip to main content
92

Dette jobopslag er udløbet

Mittarfik Kangerlussuaq Saffiuumik/Maskinanik nakkutilliisumik pissarsiorpoq

Maskiinanik nakkutilliisutut pingaaruteqarpoq aalajaatsuunissaq, ullullu suliffissat tamaasa suliartorfigisarnissai. Persuarsiorpalaanngitsumik suliffeqarpugut, ajornartorsiutinik takkuttoqaraangat sapinngisarput tamaat aaqqinniartarpagut, kisianni ulluinnarni pitsaassusilinnik aaqqiissuteqarnissanik  piffissaqartarpugut.

Maskinanik nakkutilliisoq ulluinnarni ingerlatsinermut peqataasassaaq, diesel motoorinillu aserfallatsaaliinermut ikiorsiissutinillu atortunik suliaqarnermut  peqataasassalluni. Qaammammut sapaatip akunnera ”hjemmevagt”-eqartarpoq. Piffissaqaraangatta suliassat takkussortut aserfallatsaaliinermut tunngasut aammalu projektit annikitsut ”nutaat” suliarisarpagut.

Pinngortitamiinneq nuannarigukku Kangerlussuaq nunaqarfiuvoq pissanganartoq uumasoqarluartoq. Periarfissaapput umimmaat, tuttut, terianniat, kissaviarsuit, nattorallit ukallillu takunissaat. Ukiukkut arsarnerit ersarittarput. Sakkutooqarfiusimaneraniik aqqusernit arlallit pisulluni cyklerluni biilerluniluunniit nuna annertooq angalaarfigineqarsinnaavoq mittarfiup eqqaani aammalu isikkivimmut Russelgletcherimut sermersuup eqqaaniittumut.    

Suliassat:

  • Dieselmotorinik ingerlatsineq, misissuineq aamma aserfallatsaaliuineq, dieselmotorit 25 kW-niit 2000 kW-mut
  • Kissarsuutinik uuliatortunik aamma kiassaatinik gassitortunik misissuineq, saliineq aamma aserfallatsaaliuineq
  • Suliassat kallerup inneranut, imermut aamma kiassaateqarfinnut tunngasut tamaasa peqataaffiginerat
  • Ulluinnarni kallerup inniliorfimmi ikkussuinermik ilaqartumik pigaartunut aaqqissuussinermut ilaaneq
  • Taassuma saniatigut immikkoortortaqarfinni allani teknikkimut immikkoortortaqarfimmut attuumassuteqartunut suliassanik takkussuuttunik suliaqartarnissaq naatsorsuutigineqassaaq

Piginnaasat:

  • Maskinarbejderitut/Mekanikeritut imaluunniit Saffiuutut/Skibsmontøritut/Maskinassistentitut ilinniarsimasuunissaq, tassunga ilanngullugu dieselmotorinik aserfallatsaaliuinermik ingerlatsinermillu misilittagaqarneq, kiisalu SRO-nik ilisimasaqarneq
  • Suliassarpassuarnut tunngatillugu pitsaasumik pissuseqarluni unneqqarissuuneq aamma tatiginartuuneq
  • Pinerluuteqarsimannginnermut allagartamik uppernarsaateqarneq
  • Kalaallisut, danskisullu tuluttulluunniit oqaaseqartuuneq
  • Biilersinnaanermut allagartamik nalinginnaasumik allagartaqarneq
  • Kedelpasser-itut certifikat-eqarnissat kissaataavoq, kisianni aamma Danmarkimi pikkorissarnertigut tiguneqarsinnaalluni. Pikkorissarneq danskisut ingerlanneqartarpoq.

Mittarfeqarfiit neqeroorutigai:
Suliffeqarfik ineriartortoq, sulisutsinnut atugassarititanik suleqatigiilluarnermillu pingaartitsisoq. Suleqatigiit kisimiillutik arlariillutillu sulilluarsinnaasut suleqatigissavatit.

Sillimaniarnikkut akuerineqarneq:
Atorfimmut piukkunneqassaguit politiinit sillimaniarnikkut akuerineqarnissat piumasaqaataavoq. Taamaattumik pinerluuteqarsimasunik nalunaarsuiffimmit uppernarsaat qinnuteqaatinnut ilanngullugu nassiutissavat. Taanna najukkanni politiitut oqartussani pineqarsinnaavoq imaluunniit uani www.sullissivik.gl

Atorfinitsitaanermi atugassarititaasut:
Atorfinitsitaaneq isumaqatigiissut atorfinittumut aalajangersimasumik attuumassuteqartoq naapertorlugu pissaaq. Taamaattumik pisoqarsinnaanngippat isumaqatigiissuteqarneq tunngavigalugu atorfinitsitaaneq pissaaq.

  • Tassunga ilanngullugu malittarisassat naapertorlugit ineqartinneqarneq.
  • Atorfinitsitaanermut atatillugu angalanermik kiisalu timmisartukkut nassatat 75 kg imaluunniit umiarsuakkut 200 kg nassiunnerannik akiliunneqarneq neqeroorutigineqarpoq.
  • Qaammatini aqqaneq marlunni atorfeqareernermi malittarisassat atuuttut naapertorlugit feeriarluni angalanermik akiliunneqarneq aamma neqeroorutigineqarpoq. Sapaatip akunneranut nalunaaquttap akunneri suliffiusut 40-pput.

Paasisaqarnerugit:
Atorfimmut apeqqutissaqaruit, maskinmester David Geraae-imut, oqarasuaat +299 52 46 10 imaluunniit mail: dage@mit.gl , attaveqarnissannut tikilluaqqusaavutit. Apeqqutit allamut tunngassuteqartut pillugit Sulisoqarnermut Immikkoortortaqarfimmut uunga mailerlutit apeqquteqarsinnaavutit: hr@mit.gl.

Soqutiginnippit?
Taava qinnuteqaativit, inuuninni sulerisimaninnik allattorsimaffiup kiisalu ilinniarsimanermut uppernarsaativit internetikkut nittartagaq ataaniittoq aqqutigalugu kingusinnerpaamik ulloq 15. februar 2019 tigunissaat qilanaaraarput. Atorfinitsitsiniarnermut atatillugu ingerlaavartumik oqaloqatiginnittoqartassaaq.

Mittarfeqarfiit suliffeqarfiuvoq sinneqartooruteqarneq tunngavigalugu ingerlanneqartoq Kalaallit Nunaanni Namminersorlutik Oqartussat ataanniittoq. Mittarfeqarfiit Nunatsinni suluusalinnut mittarfiit, qulimiguulinnut mittarfiit aamma mittarfeqarfimmi akunnittarfiit marluk ingerlanneqarnerat isumagisariavaa. Ukiumut timmisartunik tingisitsinerit mitsitsinerillu 70.000-it missaanniittut isumagisarpagut ilaasullu 350.000-it missaanniittut kiffartuuttarlutigit. Sulisut 400-t missaanniippugut. Qullersaqarfik Nuummiippoq.