Skip to main content
82

Dette jobopslag er udløbet

Mittarfik Kangerlussuaq Indsatsleder-fly pissarsiorpoq

Suliffimmut pissanganartunik suliaqarfiusumut indsatslederimik sulisussarsiorpugut. Sammisamik pimoorussisuuit torersumillu sulinissat pingaartillugu? Ullormullu inuit assigiinngitsorpassuit attaveqarfiginissaat nuannaraajuk? Taava Kangerlussuup mittarfiani Qatserinermut annaassiniarnermullu immikkoortortami iliuuseqarnermut aqutsisutut suliffik ilinnut tulluuppoq. 

 

Suliassatit

Suliassat pingaarneq tassaavoq indsatslederit sinneri peqatigalugit ikuallattoornaveersaarnermut, illunik timmisartunillu qatserinermik, kiisalu annaassiniarnermi ilinniarluarsimasunik upalungaarsimanermik attassinissaq. Ullut suliffiit assigiinngiiaartut assigiinngitsorpassuarnik suliaqarfiusut misigissavatit, sulisut aqunnerinit qatserisarfiup ulluinnarni ingerlatarineranik isumaginninnermik imaqartut. Indsatslederit sisamat, pigaartunut pineqartunut taartigiittarlutik akisussaaffeqartut suleqatigilissavatit, saniatigullu makku isumagisassallugit:

  • Pigaartussanut pilersaarusiornerit, aamma mittarfimmi suliassanik nakkutilliinerit
  • Timmisartunik isumaginninnerit aputaajaanerillu
  • Illunik assakaasulittullu angallatinik annikinnerusumik aserfallatsaaliuinerit
  • Qatserinerup Annaassiniarnerullu (Brand og Redning – BOR) iluini aserfallatsaaliuinermik sungiusarnerit
  • Timmisartunik qatserisartuutinik ilinniartitsinerit
  • Nunaqarfinni qatserinermik upalungaarsimaffimmik ilinniartitsinerit

 

Piginnaasatit

Atorfimmut naatsorsuutigineqarnissaq kissaatigigukku qatserisarnerup annaassiniarnerullu iluani minnerpaamik ukiunik 2-4-nik misilittagaqassaatit. Minnerpaatut upalungaarsimanermut aqutsisoqarfiup malittarisassai assingusulluunniit malillugit qatserinermik holdlederitut ilinniagaqarnerit akuerisat piumassaqaatigaagut. Tamatuma saniatigut makku pingaartinneqassapput:

  • Indsatsleder Timmisartut aamma/imaluunniit Illoqarfik
  • Biilinik angallassisinnaanermut allagartaq anneq
  • Terminalarbejderitut ilinniarsimasuunissaq iluaqutaassaaq
  • Tunngaviusutut IT-lerinermut piginnaasaqarneq
  • Pineqaatinneqarsimannginneq

 

Mittarfeqarfiit neqeroorutigai

Suliffeqarfik pissanganartoq ineriartortoq, sulisutsinnut atugassarititanik pitsaasunik suleqatigiilluarnermillu pingaartitsisoq. Sulisut aqqanillit ilannguffigissavatit, taakkualu nammineerlutik allanillu suleqateqarlutik sulisarput. Atorfimmi piginnaasavit inummiit inummut ilinniartinneqarnikkut, pikkorissarnikkut ilinniaqqinnikkullu ineriartortinnissaannut periarfissagissaassaatit. 

 

Atorfinitsitaanermi atugassarititaasut

Kattuffik attuumassuteqarfigisaq naapertorlugu akissarsiaqarneq aamma atorfinitsitaaneq Taamaattoqanngippat, atorfinitsitaaneq isumaqatigiissut atorfinittussamut toqqartoq isumaqatigiissutigalugu atorfinittoqarsinnaavoq. 

  • Malittarisassat atuuttut malillugit atorfinitsitaaneq soraarneq
  • Qaammatit aqqaneq marluk atorfeqareernermi malitarisassat atuuttut naapertorlugit feeriarluni angalanermi akiliunneqarneq
  • Malittarisassat atuuttut naapertorlugit ineqartinneqarneq
  • Piffissaq suliffiusoq sapaatip akunneranut nalunaaquttap akunnerinik 40-nik sivisussuseqartoq
  • Malittarisasat atuuttut naapertorlugit atorfininnermi soraarnermilu angalanermi nutsernermilu akiliunneqarneq.

 

Sillimaniarnikkut akuerineqarnissaq

Atorfimmut piukkunneqassaguit sillimaniarnikkut akuerineqarnissat piumasaqaataavoq. Taamaattumik pinerluuteqarsimasut nalunaarsorneqarfianniit uppernarsaammik qinnuteqaatinnut ilanngussissaatit. Immersugassaq politeeqarfimmi pissarsiarineqarsinnaavoq. 

 

Paasisaqarnerugit

Atorfik pillugu paasisaqarnerorusukkuit imaluunniit apeqqutissaqaruit, Qatserisarfimmi Indsatsleder Michel Andreassen attaviginissaanut tikilluaqqusaavutit: oqarasuaat +299 52 42 09. 

Apeqqutit nalinginnaanerusut uunga allalluni apeqqutigineqarsinnaapput:hr@mit.gl

Mittarfeqarfiit pillugit paasissutissat sukumiinerusut uani atuakkit: www.mit.gl

 

Qinnuteqaat

Atorfimmut piukkunneqassaguit, qinnuteqaatit, inuuninni sulerisimaninnik allattorsimaffik kiisalu ilinniarsimaninnut uppernarsaatit internetikkut nittartakkakkut attavik ataaniittoq aqqutigalugu kingusinnerpaamik ulloq 30 juni 2020 nassiunneqassapput. Ataavartumik oqaloqatiginninnerit ingerlanneqassapput

 

Mittarfeqarfiit suliffeqarfiuvoq Nunatsinni timmisartunut suluusalinnut 13-inik timmisartunullu qulimiguulinnut 46-nik ingerlatsisoq. Ukiumut 80.000-it sinnerlugit timmisartunik mitsitsillutalu tingisitsisarpugut kiisalu angalasut 350.000-it sinnerlugit sullittarlugit. 400-t missaannik sulisoqarluta Nunatsinni suliffeqarfiit anginersaannut ilaavugut, sulisuvullu niuernerpullu ingerlaavartumik ineriartortinnissaat sulissutigisarlutigu. Taamaasilluta kiffartuussineri ilinniartitaanerillu arlallit neqeroorutigisarpagut, taamaasillutalu inuiaqatigiit ineriartornerannut pitsaasumik tunniussaqartarluta.

Qinnuteqarnissamut killissarititaasoq: juunip 30.-at, 2020

Atorfik una qinnuteqarfigiuk